最近中原地产老细老施言之凿凿，以他作为香港地产仲介一哥嘅江湖地位，手握香港地产卖买一手资料外，更有对市场最前线动态嘅把握，佢嘅一言一动影响香港本地嘅潜在买家作出购买砖头决定外，对北水南流而为住房价格有所支撑更显然而见。据说最近香港新建私人楼宇嘅成交，超过半数有数千宗成交系讲普通话嘅买家，以至中原城市领先指数止跌稍有回升。有数字嘅支援下，亦难怪老施作为一直喺佢自己个行嘅龙头，又一直系香港地产嘅大好友，好似我其他地产界朋友，在商言商希望地产市道重拾信心，用更进取嘅态度对待已经跌咗25.53%嘅私人楼宇价格，当然系好正常不过。
虽然话大家见到嘅都系一样嘢一样资料，分析时可能有唔同嘅角度，更何况有唔同嘅权重。我觉得有几方面，可
能老施忽略咗，影响佢对香港地产价格嘅分析。其一，香港食正作为中西桥梁嘅角色部分(中美之间)已经消失。早年来香港嘅繁荣景气，以至港府库房满泻而香港亦年年加人工，支撑著凯歌猛进嘅香港地产价格，香港亦荣登全球最贵地产价格宝座。如果我估计冇错，香港可能会面对就业困难甚至减薪嘅窘境。其二，香港人口老化，而近在咫尺嘅深圳珠海嘅地房价格远远低於香港，为细水长流嘅对香港楼价形成压力，有更多业主会抛售房产而北上养老。其三，会买楼嘅新力军一代，会觉得当今楼价依然贵，高价置业捆绑二十年风险大。老施话地产价格将来六年会升85%，你信唔信？
App下载
