今早打算去跑步，原來馬場草地都閂門，於是去茶餐廳，見到食客比較少，老闆話，風頭火勢，351宗確診，冇必要都唔去人多地方，生意的確有影響，不過，已經預咗啦。 政府抗疫最失敗的地方，一是優柔寡斷，只要在年初，第五波開始爆發時，坐言起行要求進入食肆的人打疫苗，打疫苗的人數一定會急升，但唔知點解，政府好似怕了飲食界，到現在進入食肆仍未需要打疫苗，要等到2月24日，疫情繼續擴散，政府可能唔准市民出街，但仍然容許不用打疫苗進入食肆。 其次是對那了疫苗的人不公平，有打了疫苗的人呻笨，以為打了疫苗，就算是緊密接觸者，都可以去少幾日竹Go灣，但原來是一視同仁，既然如此，點解要打疫苗。政府其實要強硬執行打疫苗，令到未打疫苗的人很不方便，好似茶餐廳，大半年前就已經唔做未打疫苗的人生意，又唔見有人鬧老闆，很多時候，發聲鬧政府的並不是主流聲音，但政府又聽從他們意見。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
政府聽鬧政府的非主流意見，所以真係抵鬧。
App下載
