地產博客 > 文亮言 返回
瀏覽人次:19277    回應:13
文亮言

香港準備迎接大時代來臨

 

湯文亮博士

紀惠集團行政總裁
2022年3月8日

  有老友對香港前程非常憂心,打算移民,本來已選定了目的地,但現在俄烏衝突,國際形勢有變,令他感覺到世界之大,無容身之地,我話不用擔心,正因為國際形勢有變,天下之大,無容身之地,就邊度都唔使去,留返响香港,準備迎接大時代來臨。

  俄烏衝突,本來是地區性戰爭,甚至是俄羅斯與美國代理人之戰,烏克蘭不敵是正常的,但美國唔想同俄羅斯正面衝突,於是對俄羅斯發起史無前例的制裁行動,難得美國的馬仔又踴躍參加,甚至話永久保持中立的瑞士也參加,但很多人不明白點解星架坡也參加制裁,老實說,星架坡當然知道如果制裁俄羅斯,日後一定會被反制裁,但如果唔制裁,就會立刻被美國制裁,在兩者取其輕之下,參加了制裁俄羅斯大軍,由此可見,這個世界已經沒有中立的地方,資金去到那裡都不安全,宏觀全世界,香港可能是最後的中立之地,正是百川聚匯,香港人應該準備迎接大時代來臨。

  全世界一直講體育、藝術、學術等什麼什麼,沒有政治的考慮,什麼奧林匹克精神,原來都是呃神騙鬼,現在全世界不但禁止俄羅斯參加運動會、球類比賽、學術研討會,甚至連柴可夫斯基、天鵝湖芭蕾舞也不能公開表演,以後西方國家的人民想睇那些表演,睇怕要嚟香港才有機會。

  多幾場表演,當然不會令香港發達,現在歐洲有不少國家,甚至日本、星架坡都制裁俄羅斯,沒收俄國人在當地資產,這個事實嚇到不少打算將資產搬到歐美的中國富豪瀨尿,就算中美不開戰,只要中國有乜行差踏錯,甚至是欲加之罪,歐美仍然可以制裁中國人,沒收他們在當地資產,就算瑞士、星架坡也不例外,資金基本上無路可走,香港是唯一出路,雖然香港現在股市下跌,樓價下跌,大家可以視為小小苦楚等於激勵,香港人應準備迎接大時代來臨。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 大鄉里 2022-03-08 15:36:23
殘奧都制裁,可憐殘障運動員,艱苦鍛練,為求一個肯定。
發起制裁的政客真不該。

2. 十一哥 2022-03-08 16:31:51
香港係中國擺喺門口嘅超級大檔,本質好彈性,遇到大鱷踩場…就係內,有大茶飯食時就當係外,盡顯一國兩制嘅微妙,識嘅就知係求上簽嘅好所在…
3. Hongkong People 2022-03-08 16:45:53
估唔到疫下嘅香港都有機會叫舖大四喜! Good luck to all of us!
5. 引刀一快 2022-03-08 16:57:24
出咗去嘅就出咗去,未出去嘅就大灣區。
6. 十一哥 2022-03-08 17:12:32
刀刀氹到交替就快D出番嚟嘞!跟11哥指示包你唔使半亱頂眼瞓撈幾份…成日做塘邊鶴…空餘恨…
7. 引刀一快 2022-03-08 17:25:10
十一仔,唔使屈人,做鶴係你“磚墻”,你繼續喺地產網揾食,就要預咗俾人質疑,咪淨係一招史忽經脫身。
8. 一元 2022-03-08 17:34:17
我国幾千年一直是

!!世界经济中心

汉唐的西安,宋元的泉州,到现在仍有大量外国人后代!

未来的大湾区,海南岛。

海外华人的回归,将会再将科研推上世界高峰!
9. 曾代理 2022-03-08 19:50:15
博士文章睇得通,香港明天會更好。
10. 十一哥 2022-03-08 21:48:48
刀刀屈慣咗哩,傾吓閒偈啫,已經冇私醒咗貼士…冇銀用就冇計啦….
11. 浪子心聲 2022-03-09 02:51:57
博士果然有料到,我都唔敢同人多講,今次美國加息,而香港股市正處於近年底位, 應有不少資金流向香港股市,今年7月後「大時代」來臨機會非常大。 
12. 引刀一快 2022-03-09 03:20:20
嗱嗱嗱,十一仔,係咪冇錢落注想人打賞?揾其他人喇,我真係從來唔會睇你啲“貼士”,因為條件反射,睇見你報得冧把,就自然覺得已經開完彩,唔會聯想到去買嘅。
14. 可惜 2022-03-09 07:33:02
香港由自由經濟體,慢慢變成規劃經濟體。我見過規劃經濟體可以脱貧,但未見過可以令平民向上流動,只會有極富,貧。只有識人好過識字,老豆做官,仔有福,有實力的人只能幫有關係的人做事。
15. 回11樓 2022-03-09 10:58:55
今次美國加息同上次加息有好大分別。
上次聯儲局加息係慢慢加(因為無通漲),仲要係加息多次後先至輕微縮減資產負債表(收回借出資金),香港要等到美國縮表先至象徵性加1/8厘息,因為資金流失似有若無。
今次係講明會連續加息壓高通漲,仲要加快縮表;到時資金就會加快由香港回流美國,香港會進入高息時代,即係大時代。