地產博客 > 文亮言 返回
瀏覽人次:20842    回應:25
文亮言

最受歡迎的老師

 

湯文亮博士

紀惠集團行政總裁
2022年3月7日

  有一個與我一起讀小學的星架坡朋友同我講,今次香港真係輸九條街,有一個調查,講全世界最受出國工作僱員喜歡的地方,沒有意外,星架坡又排第一,香港下跌了十九位,排七十幾,今次,香港想唔認衰都唔得。

  我話在星架坡面前,香港人根本抬唔頭,我反問小學同學,既然星架坡咁好,點解又要嚟香港工作,小學同學話,如果唔計外勞,星架坡對到來工作的外籍人士是非常優待,但是星架坡人在星架坡工作又唔係咁值錢,所以優質的星架坡人反而會離開,同學這個論調我覺得有多少奇怪,不過,到星架坡工作的人見到這個情況,自然會對星架坡好感,好似有一個朋友嚟食飯,他將雞髀給了客人,自己與家人食雞胸,一定會得到客人好感。

  老實說,到星架坡打工的外籍人士好似遊牧民族,總有一日,星架坡政府不能滿足他們的要求,或者其他地方有更好的待遇,那些人便會離開,這個銜頭不攞也罷,同學冇乜表情。

  我問同學記唔記得大家讀小學時,到下學期學校一定會叫同學寫一篇文章叫「我最喜愛的老師」,小朋友沒有什麼機心,大家都會選出一位俾分很手鬆,並不嚴厲的老師,小朋友並不知道,最受歡迎的老師其實是一道催命符,學校會檢討那位老師的教學方法,隨時會開除教席,而不受歡迎的老師反而唔使擔心,是否很奇怪,而事實上,學校需要的是教學非常嚴厲的老師,確保學校成績處於領導地位,所以,今次星架坡得到最受出國工作僱員喜歡的地方並不是好事,不過,香港去到七十幾又當然唔好,唔知道內情的人以為去香港工作,隨時會被拉入大陸坐監。

  外籍僱員在星架坡的確優哉游哉,日日都好似放假,得閒又可以去賭場玩兩手,有兩三日假期,唔去吉隆坡檳城,都可以去布吉溝吓女,有咁嘅工作環境,有乜辦法不是受到去外國工作的打工仔歡迎。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 有對等資訊的人 2022-03-07 13:58:08
招乎唔好,點留人才?唔通做義工?
2. Carson 2022-03-07 15:59:36
多啲中資咪好囉,起碼唔似啲鬼頭咁歧視本地人
3. 十一哥 2022-03-07 16:19:10
bno 再鬆啲收埋果D90後…基本係人暈佢暈冇乜獨立判斷力嘅大B,人才老表多的是…倒轉怕香港擂台唔夠大,唔覺唔覺特區書記已經形神俱在,呢個疫情陰滋滋…就打破咗陀地王6嘅罩門,刀刀預言有一半中…中港同質化,分別係香港聚嘅係頂班。
5. Hongkong People 2022-03-07 16:37:21
我家外子曾經係星加坡expatriate,待遇的確唔錯, 住屋水電煤全包, 一年仲包幾萬機票來回香港新加坡,揸車返工仲包停車場油費. 

我都係嗰邊打過幾年工, 最後仲申請埋PR,但一決定退休就二話不説返咗香港,理由係悶,只有夏天,平日飲食, 選擇少, 優質嘅嘢亦貴. 總之唔多得. 外子成Team人,絶大部分返晒香港,只剩一家選擇留星加坡!

但唔知經過咁多年,會唔會進步咗就不得而知.
6. 世界和平 2022-03-07 17:56:48
世界早就聽到中國關於對世界和平的承諾,以及尊重國家主權和領土完整的言論,認為在這個歷史的轉折點上,中國有責任證明這些並不單單是言語上的表述。無國家比中國加入譴責俄羅斯的侵略並實施製裁,能夠對俄國產生更大影響,但到目前為止,中國都沒有這樣做。
7. 引刀一快 2022-03-07 18:32:21
咦,灣元今日好忙?啲西鬼論未蒲頭喎。
8. 引刀一快 2022-03-07 18:44:00
十一仔雖然大陸出世,但係返得大陸太少,大陸頂班好多去咗你家鄉楓葉國,美國,跟著就澳洲先輪到歐洲,選擇嚟香港嘅高中低級級都有,唔係出於水平,而係基於自身條件同家庭環境嘅綜合考量,心高氣傲果啲,好多都睇唔上香港。
中港同質化唔係中唔中,更加唔會中一半,係全中國每個人一步一步走緊嘅方向。
9. 引刀一快 2022-03-07 20:22:38
Hong Kong people姐

剩低唔走果個,可能係中咗降頭😂😂😃
10. 一元 2022-03-07 20:42:13
六楼,

北约東扩,本身就

1.侵犯联合国名誉
2.侵犯别国的领土安全
3. 黑社会化
11. Hongkong People 2022-03-07 20:47:32
刀兄,

真係唔知點解!不過,星加坡住屋環境好D又平均D,如果對生活其他方面要求唔高,又有小朋友,星加坡生活空間大D,環境又單純D,對某D人亦有吸引嘅地方!
12. Hongkong People 2022-03-07 20:53:01
世界和平兄,

呢個世界九成戰爭由美國發動,制裁俄羅斯可令世界和平嗎? 俄烏開戰嘅同時,美國去咗轟炸索馬里,要制裁埋美國嗎?
13. Hongkong People 2022-03-07 21:01:54
刀兄,

你有聽講歐美國家大肆充公俄羅斯富豪係佢哋國家嘅財產嗎? 呢件事嚇到中國土豪驚一驚,又即刻揾門路想將D錢運返國內,可能香港都有機會接收一部分.  連李嘉誠都啟動賣英國電網. 


14. . 2022-03-07 22:04:35
睇得老美多,俄佬學左野。點打都得,過幾年冇人會理。
15. 十一哥 2022-03-07 23:25:16
11哥土生土長,未領略過大鑊飯嘅滋味,冇機會體驗刀刀果種歴練。
進取食大茶飯嘅老表一定會喺香港打躉…只求安穩又甘心做千年阿二嘅…先會留喺歐美等食糧,以刀刀咁奀皮嘅天賦…返嚟都會撈得唔錯嘅…..
16. 引刀一快 2022-03-08 01:43:51
唔認就算啦,邊度出世唔係咁大件事啫,呢幾日係咪check過血壓呢?

“進取食大茶飯”果啲人,大陸唔缺,一啲就地正“發”,其餘去邊度都有,唔係淨係香港。

香港依家有打更做咩?我要食完豬雜先開工喎,屠房有冇開夜?
17. 引刀一快 2022-03-08 02:57:55
Hong Kong people姐

新加坡有嘅嘢,大灣區加香港,應該都唔缺多少喇。

錢唔會返大陸,係驚都係存喺香港,依家睇得好緊。
19. 十一哥 2022-03-08 10:42:54
刀刀 人才係擇豐水之地而聚嘅,塘邊鶴…得把口冇銀用… 露灑匿埋草蘆扮吓🐷割量,唯一佩服係冇放棄…唔L洗瞓…半亱撈幾份…
20. 十一哥 2022-03-08 10:45:24
係嘞…噚日朝有冇偷偷地跟…薄咳都幾溶㗎嘞…
21. Hongkong People 2022-03-08 11:29:34
刀兄,

都係嘅!不過始終有人崇洋媚外,精神上同西方價值比較接近(佢哋想像出來嘅美好價值), 唔太接受國內,仍然會選擇星加坡.

同意,應該有部分回歸嘅錢會來香港,但錢要返大陸,如果幹實業,有實際投資,都仲有好多門路可以進入; 入去純炒作就當然唔得啦! 
22. 十一哥 2022-03-08 12:12:49
身家清白,蚊蚊有根據…擺喺香港來去不問,更唔使怕比洋基佬佔據,身有屎就去邊都心驚膽悸。
23. 十郎 2022-03-08 12:13:42


      我已經被禁聲 , 無野講!並不是閃避。

24. CW 2022-03-08 13:18:49
6楼那位,你系借用紧莫里森的说话?我估他在家隔离,应该被忽视左,没人听到他讲咩。
26. 引刀一快 2022-03-08 17:17:32
怪之十一仔咁中意話人塘邊鶴,原來十一仔就係賭場塘邊鶴,吹風叫人買大細,衰咗就閃人,贏咗攞打賞。

各有各路數,一定係唔會“採納”十一仔啲嘢,贏輸都唔著數。
27. 引刀一快 2022-03-08 17:21:29
Hong Kong people姐

大陸啲錢,真係有心幹實業嘅,一般係唔會出去嘅,出得去就已經付咗一定嘅代價。
28. Hongkong People 2022-03-08 18:08:55
刀兄,

D人唔幹實業就泊係香港囉!歡迎之至!