有一位小王子是香港车坛改装高手，佢喺世界各地都有投资房地产、饮食、贸易等。辗转嚟到日本买楼投资，独具慧眼嘅小王子更加挑剔，佢好快拣中咗间位於涉谷繁盛经营紧意大利餐厅的地铺，日本同事阿进即刻坐火车过去视察餐厅晚市及人流，仲叫左个意大利粉食试下好唔好食，而最重要任务系影相，录影拍片whatsapp比小王子。
铺位叫价一亿日元，佢杀价一千万日元，还价九仟万日元即刻入offer，当场被拒绝，於是佢再加返500万日元再倾，offer 9500万日元，三日后被拒。由於太钟意，超出预算都在所不惜，卒之意识到日本楼冇价讲既小王子全额再入offer 1亿日元，谂住实食冇黏牙，点知一个星期后业主停止放卖（可能系业主觉得有利可图，想反价）。我地坚持唔放弃，打算去同业主见面以表诚意，不过最终被业主婉拒，就此宣告交易失败。
正所谓失败乃成功之母，咁啱又有间六本木的特色红酒bar出现，当然阿进马上再去现场视察环境，呢次另一位驻日同事Kelvin开车送阿进去，沿途Kelvin同阿进已经想尽方法，点样可以唔打草惊蛇，出奇制胜一击即中。
去到铺位现场，地段似中环兰桂坊格局，阿进即时影相whatsapp比小王子，对於日本买卖规矩由开始初步了解到了如指掌的小王子深知时间的重要性，只有offer咗排第一位，价钱可以慢慢咬上去，铺位叫价9500万日元，又杀价1千万即入8500万日元offer。由於业主急出、同意并要求尽快成交，小王子大喜、我地当然也积极配合促成。
点知两日后业主收到第二个offer、比我地出多500万日元，即系9000万日元，小王子大急，马上比到9000万日元，又过咗三日，第二手加到全额9500万日元，小王子迫上梁山豁出去啦，过埋原定底线再加到全额到9500万日元，心谂一定掂啦！呢个时候第二手有超额提价购入的意欲，虽然日本人讲原则，守规矩，排第一有优先购买和议价的权利，但系利益当头业主反价卖亦都无可厚非。正喺我地既愤怒又犹豫好惊失信於人怕又会令到小王子空欢喜看到心头好被人夺去，仲谂紧对策点样可以战胜对手的时候，突然收到业主电话，话第二手放弃，应承卖俾我地。
半信半疑，心惊胆颤中卒之完成了签约，并很快closing埋，Kelvin同阿进感觉好似打完胜仗，成身散晒，卒之放下心头大石，不过所得到的满足感，非笔墨所能形容，不负所托得到客人信任的成就感非常良好。
小王子得偿所愿购入心水旺铺，虽然超出预算，但系佢对东京楼市升值潜力非常睇好，而且买到心头好，都好感激我地公司帮到手，之后又买多两间。其实目前东京楼市因奥运等利好因素升值紧既事实众所周知，一向好讲原则既日本人有时都敌唔过金钱的诱惑。
App下载
