香港楼市之华山论剑

　　中原老细施永青最近唱好香港楼市，睇来老施嘅唱好有市场动力嘅支持。中原指数自旧年春夏交替以来，由低谷嘅 136 点稳步上升到今日嘅 154，升幅达百分之十三。老施有几千个员工每日盯住个市，佢系香港少有嘅几位分秒间就把握市场脉搏嘅人。神州大地有乜风吹草动，对香港有乜政策变化，佢一定比不停吹淡风嘅由喺新加坡国立大学退休后返来，香港依家喺科大任教嘅叶秀亮教授对实地即时消息灵通得多。

　　呢几年来叶秀亮教授对香港楼市嘅负面言论颇引起市场嘅注意，以至被媒体冠以《末日博士》。早年香港股市就有 Marc Faber 呢位绰号《Dr. Doom》嘅基金经理，如果你炒黄金一定识得佢。另一位俾称为《末日博士》系纽约大学教授 Nouriel Roubini。佢虽然讲多错多，一役预测 2008 年金融危机而名声大噪。不过最近转咗性，认为 AI 人工智慧会引发寒武纪式 Cambrian 嘅经济大爆发，将会推动美国潜在嘅经济增长率喺 2030 年前达到4%，长期来讲甚至会攀升至10%。做教授嘅多数俾人喺象牙塔里面闭门造车嘅感觉，唔使聆听市场动脉嘅跳动，通过对数字嘅理性分析就俾出经济或者楼市走向。叶秀亮教授认为香港楼市会从当今嘅价格仲会有跌一半嘅空间，佢主要嘅理据系中港两地跨境交通越来越方便，因而拉近了两者之间价格的差距。我觉得更令人悲观的，是香港在政经制度上和大陆的快速融合，香港正迅速的变成了好像深圳一样的城市，因此会失去一直以来房地产价格高冠全球的特殊性。据讲最近香港楼市成交的三分之二以上都是来自北水南流的大单成交，看来最近的反弹力度好难持久。