啱啱睇到 Bloomberg 专题报道，话香港市面 250 亿美金嘅坏帐，推动紧金融业内人士商讨成立「坏帐银行」的可行性。 其实先前有恒生银行裁员的消息，已经敲响咗银行业，在营运上可能出现困难。 恒生银行嘅放贷业务主要以香港本地为主，但近年来香港经济嘅主要产业越来越狭窄，作为亚洲金融中心也受到新加坡嘅挑战，有不少外资金融机构亚洲总部搬去新加坡甚至迪拜。 我个仔虽然是老细，佢间基金话搬就搬咗去杜拜，不到你自己话事。

　　 至於香港作为大陆同世界各地嘅贸易转运中心，近年来受到大陆港口嘅迅速崛起，青衣附近嘅货柜码头，只会睇到可邻的零碎货运活动。 原本话大陆有来不完的游客，佢哋手头宽裕，来香港扫货挥金如土，疫情前铜锣湾罗素街九龙广东道铺租就寸金尺土，世界上最贵。 好多人原本以为三年疫情后香港经济会报复性反弹，想不到期望高而现实好残酷。

　　依家望返转头，原本是香港经济支柱的地产，自 2018 年初到 2021 年底，中原城市领先指数四年间一直在 175 - 190 间震荡。 疫情后好多人以为雨后天晴，有不少细炒家大举入市掘金。 意想不到的是三年的经济停滞，早就毫不留情为香港地产炒翻天嘅时代划上咗句号。 尤其是无论国际地缘政治，抑或系中南海嘅国策，同埋香港就业前景都面对巨大不确定性。 好明显香港地产世上无双嘅天价，尤其系商业或办公室嘅价格，会有使二十年前好成功嘅炒家系今次漫长嘅熊市里面翻船没顶。 我估计要等到银行撇除坏帐，先到商业同埋办公室，仲要有耐心等埋住屋抵押贷款，地产价格至有机会系底部揾到支撑。 耐心点啦。