有老友问，90万英镑，大约962万港元，究竟可以做什么。我话在香港，唔够买一个车位。在英国，唔够畀足球员，例如阿历斯山齐士，两个星期薪金。 老友话我唔识理财，90万英镑可以做好多嘢。伦敦市长话会用90万英镑在就业、房屋、教育协助用BNO移民英国的港人。962万港元可以做咁多嘢，而我话唔够买一个车位，话我识得理财，都冇人会相信。 伦敦市长的90万镑言论，其实是向打算移民伦敦的港人忠告，来伦敦可以，不过只得90万镑帮助你们。无钱唔好嚟伦敦，情况就好似一个教人离家出走的人，对离家出走者讲，我非常欢迎你到我屋企居住，但只能住一个没有窗的杂物房，每日只能给予阁下多少交通费，老实说，打算离家出走的人听到之后会不会离家出走，如果仍然出走，以后就唔好怪住得差，食又冇啖好食。伦敦市长其实讲畀香港人知，伦敦大门为你开，无钱无银莫进来。
上一则：
下一则：
Javascript must be enabled to use this form.
敬请留言者自律。本网站保留删除/堵截任何留言的权利。
App下载
