占中下，何解楼价仍然创新高

我谂佢地本来就系声东击西，唔系边有咁协调呀。

上个星期发表既CCL, 港岛区大跌4点子, 看来有人成功在雨伞运动中劈价.

自古有买必有卖, 恭喜那班买家成功劈得好价 ^ ^

引刀兄, 博士没说错, 那的确是占中原本的意图...

因为智者知道经此一役，反中乱港之辈将被连根拔起，此后香港可得一片蓝天，安居之地楼价怎会跌呢？

To 社长兄

【珍惜香港】

占中下，何解楼价仍然创新高？呢个问题，令我谂起最近发生嘅一件事。

话说，占旺区尾近油麻地一处商场，平时小猫几十只，近日突然人头涌涌，原来搞咗个展览。咁热闹，梗喺要去睇睇，顺便恭喜一下果班小商户啦；唉！点知俾人喷到一面屁，话我唔喺攞景，就喺赠庆喎！搞乜？走去望下个展览先，唔错吖，仲有 COSPLAY 姐仔 ... 咦？啲展品，唔怕得罪讲句，又少又冇料喎！哦，原来挂羊头卖狗肉啫，实情喺一个卖铺展嚟！哗！成百几间铺，出租率近 100%，手快有，手慢冇！

喺边间商场就唔讲啦，长睇呢个网站嘅都喺高人，唔会唔知嘅！

不过，成三球一个铺，几千蚊租，坦白讲，在下真喺自愧不如，冇咁嘅实力买埋啲咁尊贵嘅好嘢，梗喺留番俾啲 CASH KING 强者啦！原来占领行动，唔单止整唔冧个市，仲令到啲吊紧盐水嘅小商场租金倍增添，呢次真喺大开眼界！唔知呢排施 SIR 有冇鼻敏感？依家班商户日日咁闹佢，只要各位去果度走一转，一定听唔少。

其实，佢地应该走出去闹果班黄虫，叫佢地收手；不过依家生米已经煮成熟饭，闹佢地有 Q 用？你同佢地讲，大如特首庸梁，出埋哂啲消极辣招，都整唔冧个市，反而令到个市升得仲快，班黄虫跟本唔会明你讲乜。佢地活响个井底度，瞓一世街都唔会明白；你玩嘢，你父母会迁就你，警察会迁就你，政府会迁就你，甚至国家，SOMEHOW，都会迁就下你，但喺，你同市场玩嘢？市场，喺一只无情嘅巨兽！

一个老牌嘅长线收租佬，由沙士到依家，纵使租金唔高，都冇话要卖走呢件物业，结果汇聚一群志同道合嘅商户，演变成呢个商场嘅特色。沙士果阵，见到大家群起抵抗，齐心消灭呢只病毒，都叫做有个希望吖；但今次呢班黄虫为患，杀又唔得，赶又唔得，唔知几时会停，就算停咗，到一年一度 928，唔知会唔会又走番哂出嚟。面对减租压力，倒不如一次过卖走佢，吐现两亿几，唔错吖？接棒嘅喺一个实力投资者，点会同你客气，要保证利润，当然要活化一下，仲即时将百几间商铺拆售啦！

我成日都话，作为投资者，机会一定唔会放过，但做人就唔可以咁黑心。响灾难之中揾食，无可厚非，但绝对唔可以为咗一己私利，去制造一个灾难图利。买入商场再拆售，属前者；班黄虫，属后者。一班少数人，为咗连自己都未搞清楚喺乜嘅所谓理想，就去摧毁人地经营多年至得到一丝曙光嘅实质理想，真喺天理不容！

香港人之所以能够对抗沙士，就喺因为齐心，而呢一份齐心，令到每一个举足轻重嘅人，对前景充满信心。今时今日，香港人又有冇咁齐心驱黄？呢个商场嘅旧业主，都一样举足轻重，信心嘅流失，造就一个决定，呢个就喺市场巨兽摆动嘅威力。所以点解我同引刀兄讲，无谓执著周融呢个小角色。一百八十三万个签名反黄，重创民阵小猫几百只游行，翌日沪港通宣布启动有期，当中，又有几多举足轻重嘅决定？警方，又有冇乱嚟？正如果次引刀兄话，唐败梁胜，喺背后助力有变，我当然认同，但如果当年香港人够姜，响一大堆黑材料之下，唐唐民望不跌反升，仲高至八成嘅话，大如国家，亦唔会逆天而行嘅！

从 DAY ONE 开始，我就对於呢班黄虫，全面否定。我地要唾弃呢班人、歧视呢班人、淘汰呢班人。市场巨兽摆动之后，最终会达至平衡，但当中有几多无辜嘅人会受到伤害，就要睇香港人，对驱黄有几齐心。越姑息呢班人，就越多无辜者再受到伤害。坦白讲，我点会唔知个展览搞乜？928 之后，果度有少部份商户都有撑黄，依家当然喺转哂軑，而我就喺专程过去攞景赠庆，串到佢地无地自容嘅！

至於呢个商场嘅发展，将会由市场决定，接唔接呢个棒，就睇各位个别嘅投资取向，而我亦唔想就一个个案，影响任何人嘅利益。总之，都喺果句，要有积极正面嘅投资态度，就唔会点输。

倒不如一次过卖走佢，吐现二百几亿  ??

应只是两亿几...约2.55亿元购入的油麻地现时点商场地下至二楼，将分拆122个铺位出售。

【珍惜香港】TO：8/F

SORRY 发紧梦，咁都错得！啱啱修正番，多谢提醒！

7/f 珍惜香港兄，

【珍惜香港】TO：10/F Oscar Lam

既然 Oscar 兄咁有雅兴，在下又不妨写多几句。

呢个商场，喺经过多年发展，至有今日嘅特色。当中旧业主对租金嘅宽容，喺关键因素，因为呢一门嘢，唔喺靠流量生存。今日，商场以现存特色，作为卖点拆售，实不敢恭维。具体啲讲，佢地喺承受唔起加租嘅压力；只要一加租，呢个特色就会消失，百几个铺，亦好难再搵到一个新嘅定位；能否维持租值，就会成一大变数。

Oscar 兄，呢度始终喺公开网站，作为投资者，倒人米真喺唔太啱行规嘅。再者，新业主喺打开门卖铺，公开公正冇隐瞒，卖点亦好清晰。我地可以唔 BUY 佢嘅卖点，但唔可以话佢欺骗，亦唔可以响言语之间，存有呢个暗示。所以讲陷阱，都要话明喺市场嘅潜在陷阱。

果度有啲相熟商铺，我都觉得好可惜。但都喺果句，生米已经煮成熟饭，一切将由市场决定。香港人有好多闲钱，要搵十个百个买家唔难，佢地喺要对自己嘅投资决定负责。我地旁观者，依牙松钢，只能点到即止。我地亦唔可以怪责啲实力投资者，因为佢地无论几大，都只喺市场巨兽嘅一群小齿轮，顺势而转。要怪嘅，喺果啲自以为是，狂莽自大，以为自己可以驾驭市场嘅无知黄虫，累己累人，呢啲先喺市场同社会嘅败类。

香港嘅行业，有如天上繁星；当中嘅经济链，亦有如千丝万缕。响班黄虫嘅眼里面，只喺见到财团、金铺、药房；见唔到经济体深处，各阶层唇齿相依嘅关系；佢地仰望个井口，细得可怜！

同意10:

珍惜香港兄，

请问有冇朋友知道现在若以公司名义买商场铺,是否要比15%税?谢谢!？

用公司名义和个人名义一样，买商场铺要交双倍印花税，按金额最多8.5%,除此之外，没有其他辣招税。

谢谢Oscar. 这里真好。好多又专业人又好的人。

【珍惜香港】TO：13/F Oscar Lam

Oscar 兄喺商铺投资老手，在下绝不敢班门弄斧。阁下分享宝贵经验，喺网友之福。劏场唔喺我嘅主题，只喺对一个相熟嘅地方，面临巨变，深感唏嘘；对无知嘅井底蛙，涌出愤慨，不吐不快！

言词之间，若有冒犯之处，请 Oscar 兄多多包涵！

珍惜香港兄，

我经常都会到该商场行睇野，据我所知好多租客租几个铺卖野，尼间贵去另一间平几十蚊但系两间铺同一老板，唔知算唔算假象..