地產博客 > 中華視野 返回
瀏覽人次:5109    回應:8
中華視野
香港五窮六絕七翻身
楊官華
香港專業地?顧問商會-副會長
世紀21(日本)中華物業-創辦人
40萬東京做業主日本置業全攻略作者
2020年4月23日

  黑暴從去年6月開始影響內地旅客到港消費,今年新型冠狀病毒襲港,影響全世界人士來港,經濟雪上加霜!從今年1月30日開始每天衛生署會公佈最新確診人數,直至近日,好消息出現香港終於單日零感染,不用開記招,就像近日香港樓市,3月份香港樓價下跌,上車盤600萬以下出現減價潮,比市價低5-10%二手樓迅速被市場消化,3月的樓宇買賣成交量創半年新高,而豪宅市場就有市冇價,4月份市場上的平盤大部份被消化,回到去年底的價錢,即將踏入五月份,全世界期望可以復工復課及通關,市場累積大量的消費能力即將在6月爆發出來,近幾個月市民安在家中抗疫,心中實在納悶,只要新型冠狀病毒可以控制下來,市面馬上回復車水馬龍,過去半年以來抑壓大量市民的消費意慾,五月份局部城市回復正常,香港的限聚令到5月7日,希望5月8日開始回復正常。市民可以正常上班或正常消費,七月暑假出門旅行更是人人夢寐以求,更加珍惜,加上亞洲各地旅遊景點優惠爭相出籠,很多人想出門旅行坐飛機,相信人人內心都想飛。

  近期很多人內心有疑慮,好奇問「香港受到雙重打擊」黑暴及疫情,為什麼二手住宅樓價那麼強硬,下跌幅度那麼少?對比起上次2003沙士大爆發(樓價急速跌一倍)及2008年金融海嘯(樓價急速跌三成)。2020年香港住宅特別是上車盤價格抗跌能力那麼高?反而係工商舖價格就大幅下降,平時熙來攘往的大街出現空置舖位,到處湧現龍頭旺舖出來。筆者告訴大家答案好簡單,上車盤屬自住性需求大。而商用舖冇租客承接,長期空置一定會影響價格。所謂有危就有機,香港人應變速度快,希望大家共同抗疫,這段時間保持社交距離,勤洗手戴口罩,所謂五窮六絕七翻身,寄望香港今年下半年經濟各行各業可以回復正常。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 識唔識架? 2020-04-23 11:50:35
“沙士”前樓價已跌咗6成,所以跌無可跌,加上自由行令經濟急速反彈。
“所謂五窮六絕七翻身,寄望香港今年下半年經濟各行各業可以回復正常”?黑暴之後,仲會有自由行咩?係咪………
2. 大鄉里 2020-04-23 16:19:39
邪不能勝正,黑暴是正是邪,大家心裏有數。
3. 引刀一快 2020-04-23 18:12:51
我近年一直認為,大陸一定要托住香港樓市,因為大陸樓泡沫勁,而香港樓市總量細,容易托。
唯一例外情況就係,大陸先爆。
4. 元朗真香港人 2020-04-23 23:56:54
引刀,内地人工呢十年升咗幾多?

我所知,三線城市人工都大概七千零。两公婆都萬零。 百零二百萬樓是否很泡沫?

如果好似香港咁,地皮被環保L, 保育L,封印,那可是便宜。

内地樓是供應太多。

北上廣深,供應有限,價也高很多。
5. 識唔識架? 2020-04-24 08:49:53
大陸點解一定要托住香港樓市,任班黑暴喺香港為所欲為?記唔記得前年人大委員長張德江警告香港班富商:“任人搞亂香港,你地自己埋單。”
用下腦啦!
6. 入戲太深 2020-04-24 10:30:36
一時話大陸樓泡沫大,一時又建議香港人去大灣區買樓,仲話自己身體力行長居廣州。突然自己刮自己一巴,入戲太深?信你邊句好?
7. 引刀一快 2020-04-24 11:12:47
元真

大陸樓市淨係得北上廣深?唔係卦?一個大灣區都三六九等喇。
兩公婆萬零係打邊種工?呢個係問題,平時駛費幾多,月供俾幾多,你清楚唔過我。

重點在於,大陸人居住條件比香港好好多,唔等於大陸樓泡沫低過香港,你可以咨詢你老友向飯。


8. 引刀一快 2020-04-24 11:26:26
5樓6樓

如果港樓跌五成,咁深圳廣州啲貴樓會點?

港樓萬五蚊一呎,佛山中山大把樓唔使千五,呢個叫做“選擇”,我都未提肇慶果邊大把600蚊呎。

但係我又從來冇講過我呢啲叫做“身體力行”,兩邊走本來就係爽,駛乜力行?


重複又重複嘅提問,有點悶人。