1. 法子 2014-08-21 09:57:28
|
脫苦海兄,
網上是一個奇怪的班房,裡面有大學生、中學生和小學生。當中只有大學生明白課題、學到東西後,是不會叫囂的。
|
2. Peter Paker 2014-08-21 10:02:01
|
to 法子
I will shout at somebody who makes wrong and misleading stuff. I am the exception.
|
3. 中女社社長 2014-08-21 10:13:07
|
學術上稱之為情境分析(Scenario Analysis)。
這個是我經常用的方法, 準不準就見人見智, 不過總好過什麼資料也沒有 ^ ^ 不過發文章如果標題不嚇人, 又如何吸引人睇呢? ^ ^"
|
4. 引刀一快 2014-08-21 10:32:59
|
法子兄你讀過大學了吧?你冇試過上完課後一大班人私底下話個講師唔掂咩?
|
5. 順民 2014-08-21 12:57:47
|
To 1/FHey guy, you may simply say that Primary students are low level than the University students,Therefore they should be treated different. So I speak with the same voice like you and say that Primary guy is human and colleague guy is human. Why are they treated differently ? or Primary guys they are not allow to express their opinion in this forum ? you said so ? And then one more question , which one of university you had been ?
|
6. 引刀一快 2014-08-21 13:24:06
|
Yale、Harvard、Cambridge 、Oxford、東京大學、一橋大學............等等,必爲其一。
|
7. 自我陶醉 2014-08-21 13:32:28
|
我讀書嘅地方鼓勵積極參與討論, 我未讀過卜卜齋, 無可比較, 唔想人出聲最簡單的方法係關閉討論區, 自說自話。
|
8. 引刀一快 2014-08-21 13:46:26
|
順民兄
我上周去珠海外展,去到一個荒灘露營,荒灘住咗一個浙江人,佢話已經七個月冇花過一分錢,所有物資都係各路朋友帶過去俾佢,夜晚我同佢吹水飲酒(唔係紅酒咁高級,係大陸嘅高度低價白酒)佢寫咗本大作,叫做《終通論》,就快出版。係好書定爛書未知,但係會係大作。佢叫我估佢學歷,我估高中,佢好訝異點解我一估就中,我解俾佢聽,“有料沒料和學歷根本就沒有必然關係,但是世俗對學歷的偏見的確對有料沒學歷的人造成壓力。對學歷有偏見的,必然是世俗。” 盲目推崇學歷的人,要麼學歷不甚了了,要麼就是高校裏的高分低能。
|
9. 自我陶醉 2014-08-21 13:56:40
|
4樓 引刀兄
你唔知聽唔到就當冇聽過嘅道理咩, 所以最冇料嘅教授就最怕討論, 因為到有唔同意見又唔識答時, 定會出現尷尬同出洋相嘅場面。
|
10. 大寶二寶 2014-08-21 14:11:03
|
回9 自醉兄
同意。 所以隔離王XX 個forum 係冇得留言嘅。 剩係有佢講冇你答咀。 我都冇咩点睇佢D茂論, 怕chok 住條氣又冇得回應。
共遠之, 哈哈!
|
11. 自我陶醉 2014-08-21 14:26:08
|
孖寶兄,
“冇咩点睇佢D茂論, 怕chok 住條氣又冇得回應。”
Like 爆! 溝通係雙方面的, 幼稚園都識。
|
12. 順民 2014-08-21 14:29:12
|
刀兄,唔係我有偏見,國內係有好多高人,如果以大學生水平來講仲叻過好多港生,尤其講歷史文化。我遇過一個從西安來的大學生,佢講起佢家鄉八百里秦川令你聽出耳油。亦遇見過一個南京電子工業大學出嚟嘅工程師,她卻特別喜愛文化同歷史,講及六朝金粉,十里秦淮的景緻,令你感覺到她是從那時代走過來似的,這是我從一些港生接觸所得不到的體驗。不過我想同刀兄及自醉兄兩位講,我們討論這些問題不如到此為止好了,不竟此處不是一個嗌交的場地,我地點都要比面樓主。
|
13. 大寶二寶 2014-08-21 14:32:52
|
篇篇題目十篇有八篇都叫“比較滿意的XX", 吾 click 入去都吾知想 up 乜。都费事嘥我時間。
共遠之, 哈哈!
|
14. 引刀一快 2014-08-21 14:37:41
|
自我陶醉兄
教授冇料係小事,最怕就係教授覺得自己太有料,人地冇資格問佢啫
佢叫我估佢學歷,我估高中,佢好訝異點解我一估就中,我解俾佢聽,“有料沒料和學歷根本就沒有必然關係,但是世俗對學歷的偏見的確對有料沒學歷的人造成壓力。對學歷有偏見的,必然是世俗。”
呢段,就係呢位有料嘅兄台,為世俗嘅眼光而鬱悶。
|
15. 自我陶醉 2014-08-21 14:43:26
|
李十X 讀到咩? Bill Gate 大學畢業未? 大學畢業, 我呸!
|
16. 貼過呢便 2014-08-21 14:49:57
|
| | | 梁振英會連任特首 | | 王文彥 | 怡居地產常務董事及 中原地產創辦人 | 2014年7月31日 |
|
7月3日特首的答問大會,祇有建制派提問,較尖銳的來自田北俊。田指出近年行政立法關係惡劣,立法會「拉布」令政府幾乎癱瘓,如果政改方案不通過,餘下兩年的問題更難處理,他質問梁振英會否考慮辭職,「令我們的兩年不要再消磨下去?」梁振英回應說,田北俊的立論基礎「不存在」,「後面的問題根本不需要答」。他指普選是憲制問題,與行政立法關係完全無關。他強調:「我不會辭職,會繼續做好特首應該做的工作。」 田北俊追問梁振英,如果2017年政改原地踏步,能否承諾不再參選?梁振英沒有正面回應,祇說現時會集中做好政改、經濟和民生的工作,又說相信田北俊都不會同意特首在未來三年任期祇做政改一件事。 一般來說,田北俊總算是建制派一個較有性格的人物,不時有神來之筆。但對著梁振英,他這個強硬擁唐(英年)派卻時常有失分寸,過去兩年他總是藉機要求梁振英在任內辭去特首一職,或退而求其次要求他承諾不連任。這次他又重施故技,舊事重提,這種做法,是意料中事。 田北俊對梁振英這樣的言行,可謂是識時務者的反面教材。信不信由你,不管日後有沒有普選,祇要未來三年不犯大錯,梁振英會鐵定連任特首的。原因?暫且賣個關子,當他真箇連任,我再交代因由。現在道出理由,不管多充份,大家都會視為靠估和自圓其說,不如不說。 梁振英對自己勢必再度皇袍加身的形勢,洞若觀火,如果他日在香港第一次普選中獲選為特首,那更是名垂青史的大事,你叫他為善(任特首)不率(辭職),那不是緣木求魚嗎? 再者,以梁振英強悍好勝的性格和青史留名的使命感,你愈叫他不幹他愈會幹的。 |
|
17. 引刀一快 2014-08-21 14:58:37
|
大寶兄
隔離王先生係懶得陪論客鬥打字,個人猜測王生係比較唔觝得頸嘅人。
|
18. 肥婆四 2014-08-21 14:59:19
|
大寳兄:一遘曹操,曹操就到喇,如果王生講嘅成真咁咪死得!加五年倒數呀!嗚嗚……
|
19. 引刀一快 2014-08-21 15:03:38
|
順民兄
原來大家都係陳年港燦,好多嘢都心照,唔駛講咁明。
|
20. 大寶二寶 2014-08-21 15:09:14
|
回17 刀兄
唔扺得頸唔比人回應就吾好係度講嘢喇,攪到變左一言堂,我仲以為返左內地 tim。
共遠之, 哈哈!
|
21. 引刀一快 2014-08-21 15:12:37
|
自我陶醉兄
最好嘅例子係+X哥,學士未畢業,攞咗大堆博士榮譽學位,仲要係名牌。
|
22. 引刀一快 2014-08-21 15:16:17
|
大寶兄
有時...........如果...............回應得小猫三四............心理又係好唔平衡嘅喔! 湯生呢度三派人日日開拖,人氣咁旺,萬一被比下去就唔係幾開心喇。
|
23. 大寶二寶 2014-08-21 15:16:50
|
回18 肥婆四兄
又吾使咁悲觀嘅, 对於我地有樓业主, 呢幾年都係咁過,身家都冇咩縮水, 反為冇樓果D咪仲惨情!
共勉之, 哈哈!
|
24. taobaomaster 2014-08-21 15:36:52
|
既然係 worst case scenario, 出現機會有極徵, 寫出尼就只係危言聳聽, 或係傅出位.
等於同人講話, 人早晚要一死一樣 ..........
|
25. Jon 2014-08-21 16:25:07
|
引刀兄, 各位兄台! 感觉这里也有不少仁兄有物业在大陆... 可以分享大家对大陆房价的看法吗? 我相信很多人会有兴趣... 其实我想了很久...想跟网主题意见..香港有提大陆楼的讨论区很少..质素不高. 这里高手好多,一定很有意思! 不知道大家意见如何??
|
26. 肥婆四 2014-08-21 16:47:09
|
TO大寳兄 多謝你安慰開解,我又再睇王生篇文,佢有話CY唔做錯大鑊嘢先係咁,我自己嚇自己啫。
|
27. 歷史長河 2014-08-21 17:06:51
|
To 5/F 顺民,
True that they both human but they get paid differently. Don't ask me why, ask employers.
|
28. yy 2014-08-21 17:11:09
|
大家體諒吓紋豔姐心情啦,此婦人敗走"終完",今為棄婦,喺咁嫁喇。
|
29. 蜕变中嘅懒人 2014-08-21 18:36:28
|
懶人平日甚少睇王文彦先生大作,今次睇完先知同王先生同一睇法,懶人就係驚緊,識時務啲應該話恭喜CY連任指數日漸冒昇,因為CY過咗頭三年危險期,經濟方面表現平穩,中央對CY嘅支持度似乎有增無減,最重要係政改方面,泛民應己不成氣候,反佔中運動暗地裡CY應做咗唔少功夫,加上以共青團底子同習總有同聲同氣之利,根正苗紅係信得過嘅人選,試睇亞爺今次喺政改方面做嘅功夫咁足,理應極端重視17年普選成敗,CY係己知熟手、性格堅毅強悍沉實又堪信任,習總亦係强悍之人,認為香港正受外力企圖顛覆,所以要依基本法框架推行17普選勢在必行,最近招安泛民中間派及轉呔派動作明顯,相信今次立法局政改方案必定通過,到時安排CY連任易如反掌,CY必鞠躬盡粹以報知遇之恩,盡力完成亞爺使命,若真可功成則連任期滿之日,上京命聖之時肯定前途一片光明,加官進爵不在話下。
|
30. 蜕变中嘅懒人 2014-08-21 18:54:58
|
泛民上京前嘅所謂聯合宣言,表面係宣示底線擺出強硬態度,實則內裡己分成死硬派、中間派、轉呔派,呢招係各自提防被對方出賣,爾虞我詐難逃慧者法眼,泛民先在港後北上,放下身段同早前囂張氣熖,接受亞爺懷柔款待係各懷鬼胎,暗自尋求自身政治出路,請看到時誰人會豪言蔗醜,大義凜然,棄暗投明嘞。
|
31. 蜕变中嘅懒人 2014-08-21 18:56:10
|
泛民上京前嘅所謂聯合宣言,表面係宣示底線擺出強硬態度,實則內裡己分成死硬派、中間派、轉呔派,呢招係各自提防被對方出賣,爾虞我詐難逃慧者法眼,泛民先在港後北上,放下身段同早前囂張氣熖,接受亞爺懷柔款待係各懷鬼胎,暗自尋求自身政治出路,請看到時誰人會豪言蔗醜,大義凜然,棄暗投明嘞。
|
32. 引刀一快 2014-08-21 19:22:11
|
To 25樓 Jon
等大陸冧番兩年先慢慢討論喇,限購鬆綁都未到位。
|
33. 引刀一快 2014-08-21 19:27:12
|
引刀93年入穗,提前4年擁抱黨,冇做錯。 2047地契大限,我唔睇好,希望大家都唔好錯。 依傢地産商猛收購999年期嘅港島舊樓,點解呢?
|
34. Jon 2014-08-21 22:30:31
|
引刀兄,你意思是中共会在HK走大陆那套? 地契年份到了会强征地? 我04年被因为工作被派到上海当年24岁, 2009年在上海普陀买了第一间, 两年前调到广州,今年头买了一套小的自住... 很想找些朋友也有投资大陆房产的聊聊,学学。
|
35. 引刀一快 2014-08-21 22:50:30
|
Jon兄
呢個場,好似唔係好歡迎人地講大陸盤,一來好友場,冧市消息唔啱聽,另一方面有極少數人士經常公開表達對大陸盤嘅輕蔑,所以,大陸物業,我地可以談,但係唔好搞專題。
|
36. Jon 2014-08-21 23:55:14
|
好啦,明白。總有機會嘅。老實講我想揾d同齡嘅有時想傾下,但一講d朋友哋又話我好似扮魚蝦蟹演嘢。我讀書不多,所以希望從實戰及朋友身上多學些!引兄你,自醉兄,法子,PP,亮劍等幾位雖然立場,看法不一,但這幾年從你們身上真的學到不少。感激大家的無私分享!
|
37. 葉子語 2014-08-22 01:37:26
|
依傢地産商猛收購999年期嘅港島舊樓,點解呢? 請問各位高明,2047年後999年期嘅港島樓與2047年到期的樓有何不同? 是否999年期嘅港島樓仍不用交地租,而2047年到期的樓繼續交地租呢? 基本法是不有明白的陳述?
|
38. 引刀一快 2014-08-22 01:50:26
|
基本法講嘅就到2047年,假如簡單補地價,但係超高額,咁會點?如果部份樓到果時已經係危樓,咁就多數直接搬走,化渣。
|
39. 珍惜香港 2014-08-22 03:33:04
|
【珍惜香港】TO:37/F 葉子語 你問 三十幾年後嘅如果,呢度唔會有人俾到答案你,就算有,都只會喺一個 斷估。 咁我就反問閣下,三十幾年前嘅中國大陸,同依家有幾大分別?三十幾年後嘅中國大陸,又會變成點? 我就一啲都唔擔心,因為 真正能夠保障香港、香港市民、長線投資者、同物業投資者嘅, 根本就唔喺基本法。 基本法,只喺一件 死物嚟啫! 真正保障香港嘅,喺一個持續向前發展嘅中國大陸。
|
40. Oscar Lam 2014-08-22 06:47:16
|
33/f 引刀兄, 地契的事情,關乎100萬以上業主的事情,何需擔心?到時補交一些地租便是了,難道要趕100萬業主出街?
|
41. 自我陶醉 2014-08-22 10:01:17
|
27/F 歷史長河兄
窮爸爸富爸爸作者 Robert Kiyosaki 最近出咗本新書, 叫做:
Why "A" Students Work for "C" Students
從中可能找到一些你沒想過的答案, 或會改變閣下“學業成續等同成就嘅睇法”。
|
42. 引刀一快 2014-08-22 10:12:36
|
我依傢D舊同學,撈得最掂嘅係讀書成績中下果班,班中尖子,反而冇幾個出彩。
|
43. 引刀一快 2014-08-22 10:35:05
|
To 40樓 Oscar Lam 兄
你知唔知我前一排有件大陸貨,要補地價,高到嚇親我。補嘅亦只係補12年咋,幾個點, 到2047會點?起碼今日已經30年或以上嘅舊樓,會提前被全綫拋售,因爲冇理由危樓可以補地價,今日已經40-50年嘅樓,到時有幾多仲可以保持及格?2047年决定如何處理地契問題嘅,係邊個你應該好明白,唔駛我多講,到時咩政策真係到時先知。
|
44. 自我陶醉 2014-08-22 10:44:45
|
42樓 引刀兄
只識死讀書、 讀死書嘅人, 唔會曉得挑戰別人思維, 亦唔會知咩係獨立思考同埋創作性思維, 佢哋只董得活喺自己世界做一世乖乖擦鞋仔, 可憐!
|
45. 大寶二寶 2014-08-22 10:53:05
|
回43 刀兄
2047 距今還有33年, 期間頗多变化, 因年期太長喇,依家黎担心未免有点杞人憂天。 有咁長命先喇(純講笑)。
共勉之, 哈哈!
|
46. 亮劍 2014-08-22 11:16:35
|
香港政府擁有土地的絕對擁有權 (除了中環聖約翰座堂的所在地), 都是屬於政府, 政府賣地其實只是將土地出租一定年期, 而建於土地上的樓宇亦屬於土地的一部份, 所以業主其實只購入地契年期內該單位的權益. 地契到期後, 政府可以收回土地及建於其上的所有建築物, 如果政府決定這樣做, 單位便不再屬於業主, 而有別於重建收地的情況, 政府沒有法定責任要給予賠償.例如地契早前到期嘅九龍倉旗下嘅海運大廈! 當然, 政府亦可以將土地續租, 若政府決定續租, 那業主可繼續持有單位. 對於住宅用地, 為免擾民, 政府目前的政策是一般也會續租, 至於接近地契到期時買樓, 其實交易時買賣雙方,都會知道這情況, 有關的風險自然會在價錢上反映出來, 而政府通常做法,係容許土地在地契到期後,不需再付地價而獲續期五十年,而地租只是差餉租值的3%,屬偏低水平,間接令地價居高不下。
|
47. 亮劍 2014-08-22 11:17:04
|
薄扶林花園地契到期攪到一團糟,唔好以睇大戲心態而觀之!! 2012年06月17日 九倉旗下尖沙咀海運大廈連碼頭地契續約終於塵埃落定:重新批出21年租期,九倉須就海運大廈補地價79億元,而應付年租由舊契每年10萬變為1,473萬元。坊間又有聲音認為:為何不拿出來公開招標,而要選擇與九倉續約,似有「四字成語」之嫌,大家想一想:住宅的官契遲早都會到期,比如界限街以北的九龍及新界的土地在1997年7月1日自動續期50年,只需交地租不用補地價,難道又說是「四字成語」? 除中環聖約翰座堂因為直屬英國皇室而獲得永久地權外,香港所有土地及物業均是批租土地,早年批租年期有75年、99年及999年三種;其後,香港島及九龍半島的批租年期劃一為75年,並容許交地稅續期;新界及新九龍由於是租借地而非割讓地,所以土地契約由1898年7月1日起計,年期一般為99年減三天或75年加24年減三天。1984年,中英兩國簽訂《中英聯合聲明》,附件三規定一般的批租土地的契約年期,不得超逾2047年6月30日。1997年6月30日前期滿的契約,亦可續期至2047年。 問題是1997年7月1日至2047年6月30日到期的官契,如何處理呢?海運大廈只是其中一個例子,另一個較矚目的是港島薄扶林花園,該屋苑官契於1931年6月12日批出,為期七十五年,到2006年6月11日屆滿。早在1997年之前已有人留意此問題,所以當年的樓價與成交量都不及隔鄰的置富花園,據稱一度有多年只有一間銀行願意承按,要待回歸後特區政府回信屋苑法團為屋苑續期。 到2006年6月12日,政府批出新官契,問題是薄扶林花園早已成立業主主案法團,由於舊地契及大廈公契會經已失效,根據舊公契成立的業主立案法團亦要解散,而新法團卻未成立,出現法團法律地位真空,屋苑的基金不能動用。到新法團成立後,舊法團一千二百多萬元基金基於法律漏洞未能過戶新法團,最終要根據《公司條例》向破產管理署申請將舊法團清盤。破產管理署通知屋苑,處理舊法團清盤程序時,會按資產比例收取服務費,每一千元收取五十元,即該屋苑千多萬資金估計要繳付高達五十八萬元費用,另加每小時計之文書處理費,若再加上律師費及會計師處理帳目費用,估計花費不菲,令業主蒙受損失。後幾經周旋,破產手續服務費獲得豁免,但法團仍要支付相關法律費用。 根據南區區議會會議紀錄(http://www.districtcouncils.gov.hk/archive/ south_d/chinese/doc/DC/DC%20Min%2021.1.pdf)討論該個案,政府、法團及管理公司事前已做了相關的準備工作,包括:地政總署於2004年已正式聯絡業主及法團,並與業主、法團及管理公司召開會議,通知各方有關續租程序;法團及管理公司已於2004年委託律師與當局接洽;政府於有關地契屆滿後翌日(即2006年6月12日)批出新契,亦於新地契生效前兩個月與舊業主商定安排,小業主只須於6月到律師樓辦理轉讓契約手續即可。問題是出於沒有先例可援,各方面都不知有何漏洞。 大家可以想想,2047年全港大部份物業官契同時到期,有沒有可能把物業拿出來拍賣重,又或者要上百萬計的業主去個別商討補地價,還是像1997年7月1日那樣自動續約,只需繼續交地租即可?如能從此角度出發,就可知今次海運續約,為何未到最後一刻,都不會將項目拿出來拍賣,以免製造先例。
|
48. 亮劍 2014-08-22 11:18:53
|
2047年地權齊約滿怎辦? 為了寫海運大廈補地價的評論,使我想到 2047年將有大量土地使用權的批租齊齊期滿的問題;政府將怎樣去面對呢? 以政府處理海運大廈的取態來看,政府似乎打算依法辦事,如要求續約,就得按市值補足地價,但這種做法是否可以在大量土地齊齊期滿的時候一起套用呢?我覺得困難很大。 海運大廈的問題是單一的問題,而且對手是一間以謀利為目標的商業機構。政府比較容易處理。大部分市民都會支持政府向九倉徵收補地價的費用,而且愈收得多愈好。 然而到了2047年,整個界限街以北的土地都會齊齊租期屆滿,政府要面對的就不是一間公司,而是數以十萬戶計的家庭。由於上次1997年地權租約屆滿時,鄧小平為了減少民間對回歸的阻力,齊齊送多50年,免補地價;今次有關的市民很容易有合理期望,以為又可以不用補地價。 可以預期,政府若然要收補地價的話,有關的家庭一定群起反對。有這麼多的人利益一致,一定會有政黨想加以利用,使之變成自己的政治籌碼。這些政黨一定會替有關的家庭出謀獻策,與政府對著幹。 他們不但會聯合起來示威抗議,亦會循正常途徑與政府展開談判。他們會找獨立的測量師自行評估,提出不同的角度與政府爭拗,政府不能拒絕受理。當數以十萬計的家庭都一齊要與政府談判如何補地價問題時,有關部門根本沒有足夠的人手按慣常的程序去處理這類談判。若果政府不按既有的程序去做,市民又可以申請司法覆核,情況實不容易應付。 現時尚未能預期2047年的政治環境,但無可避免得面對一些重大的轉變,譬如一國兩制是否繼續,還是北京想把香港正式融入大陸。如果真的需要進入一個新的過渡期,北京為了維穩,就可能願意在經濟上作點犧牲,不要求補地價,齊齊續多五十年算了。 倘若特區政府屆時很需要錢,而政治局面又相對穩定,政府亦不會選擇以與個別家庭逐個去討價還價的方法去解決問題。集體的事情只能用集體的方法去處理。 要一次過把問題解決,政府就得想出一個大家都一聽到就接受的方案,那就必須真的是「賣大包」。若然要市民一次過付一筆補地價費用,一定會有人付不起,一定會有人搞事。最有可能的做法是:先作一次真正的市值估價,然後告訴市民可以半價收貨(其實兩折也值得考慮),並且可以用不計息的方法分期付款,夾埋地租一起交算了。 如果真是這樣做,那又一城與新城市廣場等商場是否也可以獲得同等待遇?如果有,那對海運大廈豈不是很不公平,為甚麼一個要補足地價,其他的卻可以打大折扣呢? (轉載自2012年6月14日am730C觀點)
|
49. 亮劍 2014-08-22 11:19:15
|
呢篇「地契年期危機」講嘅嘢,點睇? 自從由美國回歸香港以後,我住在西環已經有4年了。頭一年時租樓住,第二年就在堅尼地城購買了一個小單位自住。近年,我有見西環未來地鐵開通以後的發展,都打算在西環再置業。
近日與朋友談及置業這個問題,他帶出了2047地契年期的問題。他說甚麼我們現年3X歲,到2047年我們6X歲,地契年期到期,政府有權收回土地,到時便一無所有了,用數百萬去擁有一個物業數十年值得嗎? 那我們又為什麼要置業呢? 真是一連串的好問題! 於是我在網上尋找資料,找找我現時居住的物業以及一些西環名牌樓盤的地契年期資料,看看究竟!
現時居住的物業-------地契年期 2877 (尚餘 868年) 有興趣購入的物業 ----地契年期 2886 (尚餘 877年) 泓都 ------------------地契年期 2052 (尚餘 43年) 寶翠園----------------地契年期 2030 (尚餘 21年)
我現時居住的物業尚餘 868年,相信我那時候已經不在人世了! 而樓宇能否經歷一百年也成問題,2047地契年期危機看來與我現時居住的物業不太扯上關係。有趣的是一些近年新建的物業如寶翠園及泓都等,反而有地契年期危機!
好理論咁講,政府可以在 2030 年後收回寶翠園土地擁有權,因為土地是屬於政府的,我們是無擁有權的。但事實上政府收回的可能性不高,因為收回土地一定會引起社會動亂。因為這不是單單寶翠園的問題,而關係到香港很多很多物業,若真的有這一天,相信到時會有上百萬人上街遊行了。很多資料顯示政府多會以徵收地租方式向所謂業主交換土地使用權,所以也不用太擔心。
薄扶林花園地契在2006年6月11日已經到期,據了解薄扶林花園的地契租約沒有續期權,故須辦理延長租期50年事宜,並要繳納地租,差餉物業估價署會向業主徵收重估差餉的3%作為地租。
世事無絕對,續租與不續租根本沒有任何保証,一切都要看2047年的香港特首及中央政府的決定了。下列一篇轉載文章 "港島樓宇重建價高" 是很值得各位"業主"去看看! 祝各位 "業主" 一切順利吧!!!
========= 參考相關討論 ===================== http://www28.discuss.com.hk/archiver/?tid-8596398.html
========= 轉載: 港島樓宇重建價值高 ============ SOURCE: http://hk.myblog.yahoo.com/kwoksirblog/article?mid=52
傳統智慧告訴我們, 港島樓價比九龍高, 而九龍樓價又比新界高, 原因之一是金融股票業, 大部份都在香港島, 再加上港島的土地供應非常有限, 要填海興建中環灣仔繞道已經這樣困難, 更何況要填海增加土地供應呢!
香港島的重建價值高, 主要是在土地用途規劃及地積比率這兩點。 港島區的用途規劃比九龍及新界靈活, 如灣仔區及中上環區, 分區規劃大綱圖中顯示多個地段規劃作C/R, 即商住兩用, 地段在重建的時候, 發展商可因應市場需求, 發展商業大廈或商住兩用的樓宇, 而九龍區方面, 自1993年起, 所有地段均限定用途, 如R(A)代表甲類住宅用地, 而C則代表純商業用地, 發展商並無其它選擇。當然他們可以向城規會申請更改土地用途, 但成功的機會, 可以說是微乎其微。
其次是地積比率, 香港島住宅用地的地積比率由八倍至十倍, 視乎地盤的種類, 而九龍區商住用地的地積比率最高也不過是九倍, 至於商業用地的地積比率, 香港島是十五倍, 而九龍只是十二倍, 足足小了三倍, 這點正反映在港島及九龍商業物業的樓價上。 值得一提的是地契年期這個問題, 1842至1848年這些早期批出的港島區土地, 年期只有75年, 而由1848至1898年間批出的港島地段, 大多為999年期, 這些土地大都座落於北角、灣仔、中上環、半山及山頂等, 999年期可以說是香港島的特式, 九龍則只有星光行及尖沙咀部份地段為999年期, 其餘的大多數為75年可續75年的年期。999年嚴格上說近乎永久地, 這點連國內的投資者也覺得驚訝, 因為國內土地的使用年期, 最多也不過是70年。 有人說國內樓價比香港平宜得多, 但當加上年期這個因素, 結果可能便不一樣, 筆者在2002年於上環購入一個地鐵站附近的商廈單位, 當時的呎價是一仟元, 現在已經升值三倍。當時我所考慮的就是年期, 一仟元一呎可用999年, 即每年只需一元, 這樣平宜的租金, 為甚麼不買, 況且建築成本也要一千元一呎, 我買的物業沒有付出任何地價, 這些投資那有輸的道理。
筆者曾向傳媒表示, 政府致力重建灣仔, 背後可能別有用心, 因為灣仔區的土地很多都是999年期, 市區重建局把這些土地收回, 再賣給發展商的時候, 批租年期便由原來的999年變成50年, 如尚翹峰及嘉匯軒等物業, 小業主在這50年內, 都要好像新界的居民一樣, 每年繳付應課差餉租值百份之三給政府, 作為地租。 本人相信政府會主力收回這些999年期的地來重建, 港島的居民應該及早自發起來, 重建物業, 否則到時後悔, 便可能太遲了。
|
50. 引刀一快 2014-08-22 11:25:34
|
大寶二寶兄
2047有排先到,不過依傢落棰買屋做按揭嘅,果時就啱啱供完冇幾耐,而且舊樓到果時,政府唔順勢驗樓回收至怪。2047,政局唔會好似依傢咁。我前一排幫件大陸貨補地價,補到嚇親。
|
51. 大寶二寶 2014-08-22 11:59:41
|
回50 刀兄
請教, 如唔補或冇錢補會如何?
共勉之, 哈哈!
|
52. 引刀一快 2014-08-22 12:03:15
|
大寶二寶兄
呢樣真係問得好 唔補,冇事,但係到你買賣就過唔到戸,到時補都得,越嚟越貴! 商業用嘅,唔補,遲D新規定係唔俾出租!
|
53. Oscar Lam 2014-08-22 12:07:41
|
41. 自我陶醉
I want to be a "C" Student. |
|
54. 引刀一快 2014-08-22 12:11:14
|
41. 自我陶醉
my father to be a "AAA" Student. |
|
55. 大寶二寶 2014-08-22 12:28:44
|
回52 刀兄
明白。 就等大跌市先補喇。
共勉之, 哈哈!
|
56. 順民 2014-08-22 12:32:29
|
無錯呀自醉兄,我之前都曾發表過一段留言話好多街市賣餸菜的大哥同大姐都有幾層樓收租,仔女都去咗外國留學,他們雖然不是大學生,但可以有碩士或博士的子女,所以成就嘅嘢不能因學歷而定。我同一些舊同事朋友打牙較時都傾過這問題,且大家都一致認同,攞咗個學位無疑在找工作方面比較容易,但只可看作是一張職業入場巻,想話搵大錢發大達就唔好有太大期望,不過一般能買間幾百呎樓仔同養架千零CC日本車都總算無問題的。但本人係十分鼓勵讀書,因讀得書多會令人知識充裕及思考能幹,個人氣質亦較突出,且有獨立主見不輕易隨波逐流,如果加埋本身係聰明醒目仔的話,在條件方面就一定優勢點了。 在下一直都有留意自醉兄在此論壇發表的文章,發覺自醉兄應也是一位讀書人,比較起另一位自稱為大學生與及說別人是小學雞者,在財經資料引用,分析及說服,語文表達力方面都已高下立見。若問我邊位係大學生?在下就以此為作判別了。
|
57. Oscar Lam 2014-08-22 12:35:43
|
Correction
I want to be a rich "C" Student. |
|
58. 自我陶醉 2014-08-22 12:37:36
|
Oscar 兄,
你有自己事業, 已經請緊 “A" students 喇。They are good followers.
引刀兄,
遲啲有翻譯版可以送本畀令尊, 話佢知攞C 同識吵鬧學生,原來係好嘢, 呵呵!
|
59. 亮劍 2014-08-22 13:05:31
|
引刀兄…… 大陸的房產法,都係呢弍叁拾年才逐步建立,補地價呢味嘢,標準模糊,由長官話事,呢下同香港有差距。 本人估計在2047年,如無意外中央政府,会同果陣租约到期的住宅土地作一次性續約,以後就每個月交幾個%应課差餉租值當地税,以免小業主到時要四方張羅。 至於涉及商業的建築物,例如商場、商舖、寫字樓、酒店及工貿楼,就會以海運大廈個案作藍本。 但因為2047年果陣,可能有為數不菲的商用物業要補地價,政府可能會要求呢D業主,好似私人住宅小業主咁將補地價分期缴交。 如果真的如此,咁香港政府庫房呢次肥仔!
|
60. 自我陶醉 2014-08-22 13:07:13
|
順民兄 早幾年我睇過一部叫做 3 Idiots嘅印度電影, 講印度嘅教育制度問題, 後來最反叛嗰個學生做咗發明家, 非常感人勵志, 值得欣賞, 我睇咗三次。
Oscar 兄 在小弟心目中, 你已經係rich, both financially and spiritual ly.
|
61. 引刀一快 2014-08-22 13:10:57
|
|
62. 引刀一快 2014-08-22 13:33:40
|
To 59樓 亮劍兄
2047年,我唔敢話到時時局會係點,如果以呢幾年大陸對房産嘅處理方式去判斷,咁就多數會牽扯到財産再分配,好在仲有34年。 我唔係太擔心到時會全部樓被沒收使用權,不過依傢香港30年以上舊樓比重唔低,我做政府都會順勢推冧呢批64年樓齡嘅舊樓翻新。 講真,今次我補地價,好在冇近期交易對比,評估價係街價四分一啫,已經嚇親。
|
63. 小神子 2014-08-22 13:42:49
|
TO 60: 陶醉兄 3 idioits結尾正正就是 A student work for C student 既例子嗎?!~
|
64. Oscar Lam 2014-08-22 13:42:59
|
60. 自我陶醉
Thank you, you too! 共勉之! |
|
65. 笑看人生 2014-08-22 13:43:22
|
回61樓 引刀一快兄, 非常認同兄台,我經常同個仔說,做人品行最重要,如果冇品的話就算全世界考試第一名都無用,我還教佢第日揾老婆首選係心地善良,其他都係次要。
|
66. Toplight 2014-08-22 14:16:08
|
內地很早已發現第十名現象 http://zh.wikipedia.org/wiki/%E7%AC%AC%E5%8D%81%E5%90%8D%E7%8E%B0%E8%B1%A1
富爸爸作者其實仲有呢本好野 If You Want to Be Rich & Happy Don't Go to School: Ensuring Lifetime Security for Yourself and Your Children http://www.amazon.com/Want-Rich-Happy-Dont-School/dp/0944031595
|
67. 傻婆 2014-08-22 14:17:29
|
個個男人都話選老婆首選心地善良,實質見到靚女又是另一回事,潤眼自然就潤心潤肺潤腸仔。
|
68. 順民 2014-08-22 14:23:08
|
自醉兄,你講的那部電影我當然唔會錯過,因我本身都係電影迷。可以話係過去十年八載內難得的一部好電影。
|
69. 引刀一快 2014-08-22 14:35:23
|
To 63樓
果部電影冇C student,個個都係尖子。
|
70. 肥婆四 2014-08-22 14:41:39
|
很喜歡看金融財經的分析文章,是錯是對唔緊要,重要在我看到一些自己看不到、想不到又唔知道的東西,吸收眾多叻人觀點,量力投資便是。
|
71. 小神子 2014-08-22 14:42:52
|
TO 69 引刀一快大師~ 看來我要再看多一次去細味了~~呢套確實係一套好電影!~
|
72. 引刀一快 2014-08-22 14:53:59
|
自我陶醉兄
我真係有過一個好似 3 idiots裏面果位乞人憎嘅蛀書蟲同學,又係好鍾意奉迎D老師,基本上個個都憎佢,到今時今日仲有人笑話佢。我同佢打過交,成日搵機會諷刺佢。 不過我依傢好懷念佢,因爲佢曾經好離奇咁主動幫我一個大忙,之後,我淨係同我老婆偷偷笑話佢,唔再同佢作對。
|
73. 順民 2014-08-22 15:00:41
|
電影用輕鬆惹笑的手法去冷嘲熱諷刻板式的教育制度,但其中的一個學生自殺的情節又毫不留情地對傳統觀念及制度猛力鞭韃,全片都能緊湊地牽動著觀眾的情緒,在結尾處更帶給觀眾一個極大的驚詫同驚喜,這是導演的高明處。聽講就為了拍這尾段,全片工作人員和演員在高山上紮營了兩年,可看到他們那種認真及嚴謹。
|
74. 引刀一快 2014-08-22 15:16:14
|
To 65樓 笑看人生兄
心地善良嘅女人鍾意靚仔...................
|
75. 小神子 2014-08-22 15:30:01
|
笑死我了~咁要揀個心地善良的女仔, 首要條件係靚仔先!~..........
|
76. 自我陶醉 2014-08-22 15:44:35
|
72樓 引刀兄
原來咁多人都睇過, 真好! 周圍都有呢啲所謂“乖”學生, 我又唔會笑佢哋喎, 各有所好啫。
順民兄
好同意, 呢部係不可多得的好電影, 除自殺嗰場, 主角教校長教書, 亂噏個term搞到校長猛搵, 我印象都好深。
小神子兄
你可能無錯, 主角的確係其他學生心目中嘅C student, 所以放榜後個個都咁失望。 仲有放棄咗攝影讀工程嗰個因為做自己唔善長嘅事, 所以都係C student。
|
77. 引刀一快 2014-08-22 21:17:18
|
自我陶醉兄
呢種人好多時淨係乞人憎,不過我遇過果位真係好好笑,經常擦鞋擦著屎,係一群舊同學嘅集體回憶。呢類人其實有共同特徴,就係其貌不揚,要利用學業優勢獲取存在感,表明自己智慧過人。
|
78. 小神子 2014-08-22 21:50:22
|
To 76F 自我陶醉兄
"別人心目中的C Student " 其實我個人覺得對於人們急於去判定一件事/人是蠻危險的, 我也有時自我反省下! 太快就給一個框間定形了, 一但定形後就難於改變其認知了~ 從某層面來說, 這是個危險的訊號!
初哥報到, 共勉之, 哈哈!
|
79. Oscar Lam 2014-08-23 11:10:44
|
不管白貓、黑貓,能捉到耗子的就是好貓 不管A Student, C Student, 能選擇走適合自己的路的就是好Student.
|
80. 自我陶醉 2014-08-23 12:20:34
|
79/F Oscar 兄,
非常同意! 無論讀到小學定讀到大學, 叻嘅人最終都會冒出頭來, 自以為是大學生就高人一等, 目空一切, 到最後別人不屑一顧的大有人在, 又何必沾沾自喜呢!
|
81. 葉子語 2014-08-24 02:32:58
|
亮劍先生 現時居住的物業-------地契年期 2877 (尚餘 868年) 有興趣購入的物業 ----地契年期 2886 (尚餘 877年) 泓都 ------------------地契年期 2052 (尚餘 43年)
寶翠園----------------地契年期 2030 (尚餘 21年)
多謝各位,特別是亮劍先生的資料及分析。照大家的分析,比較合理的發展趨勢是︰ 針對住宅而言,地契到期時多數獲續租(續租至2047年,或2047年到期時全港再續一固定的年期,期間每年交3%差餉作地租。而尚未到期的物業2047年後仍未需要交地租,直至年期屆滿「現時居住的物業-------地契年期 2877 (尚餘 868年)」例如2877年後才開始交3%差餉作地租。 如果是這樣的話,999年期物業是否價值較高?另外,中英聯合聲明或基本法是否有這樣的說明、詮釋或暗示?請各位高明指正。
|
82. 引刀一快 2014-08-24 02:38:01
|
簡單嚟講,2047年一定係阿爺話事,現階段咩都係估估下,我試過補地價我就覺得會比較重。
|
83. Oscar Lam 2014-08-24 09:32:09
|
81/f 葉子語
地租問題關係到所有超過100萬業主。到期續租,交地稅,計算方法和稅率參考現有的制度,不會有其他替代的方法,何需擔心?請問你當時買樓時,有否考慮需否要交地稅或者要交多少地稅這個因素呢?
|
84. Oscar Lam 2014-08-24 09:38:33
|
82/f 引刀兄, 業主中有許多是已退休的老人家,或者是收入十分有限的年輕人。香港政府仁慈,以扶貧為重中之重,你認為她會抽重(地)稅?
|
85. 引刀一快 2014-08-24 20:27:36
|
Oscar Lam 兄
依傢上億嘅大陸城市房産都係咁喇,如果呢樣嘢唔係牽涉管治策略,點解唔乾脆俾晒999年?
|
|