昨日去痕身銀行問加按，懶人（亞超著衭）係靚仔長期客户，銀行叫跟我户口個新靚女投資顧問招呼我，非常靚令我諗起山高兄亞花，懶人學長毛拉布，同靚女有講有笑談心粒幾鐘，雖然盡押可以加按600萬，奈何供爆咗過唔到3厘壓力測試，無得重鎚夫披上多件有啲失望，好彩靚女臨走前叫懶人（有新計劃）記得揾佢，至可以心花怒放咁走出銀行門口。

懶人長嘆一聲，覺得自己好似食咗大量菠菜嘅SAILERMAN，渾身是勁爆唔岀，就算政府取銷晒BSD，SSD，DSD，唔果一日唔取銷按揭限制同3厘壓力測試，見到筍盤執唔到，懶人希望有機會可以喺CY身邊溫柔地耳語：（CY，我頂你個肺吖！）。

巴士的點評——
超錯

前兩天看到伊拉克反政府武裝份子攻陷伊拉克第二大城市摩蘇爾、五十萬伊難民大逃亡的消息，心諗「唔係呀嘛？咁失敗？」美國二○○三年三月發動對伊拉克戰爭，推翻侯賽因政權，建立親美政府，十一年後，呢個政府危在旦夕，反政府軍攻到首都巴格達五十公里之外，真係睇戲都無咁戲劇性。

        記得二○○三年美軍攻入巴格達後，剛好前參謀長聯席會議主席鮑威爾訪港，在一個私人早餐會中，我問他怎樣看小布殊政府對伊拉克的軍事行動？他說在老布殊政府任內，他當參謀長打海灣戰爭，當時伊拉克入侵科威特，聯軍決定攻打伊拉克，四十二日空襲掃平伊拉克部隊，本可攻入首都巴格達，捉拿伊拉克總統侯賽因，但老布殊決定唔攻，因為認為打入去，都「無法管治」。鮑威爾咁答，都表明佢對小布殊打入巴格達的睇法。

當然，小布殊發動第二次伊拉克戰爭，都有特殊背景。二○○一年九月美國發生「九一一」慘劇，小布殊政府無法追尋到發動「九一一」襲擊的主腦拉登，就改為和國家安全顧問賴斯設計出「邪惡軸心」（AxisofEvil）呢個咁有創意的說法，將伊拉克、伊朗和北韓定為「邪惡軸心國」，呢個講法雖然有「細路」，好似美國漫畫的情節，但勝在容易入腦，成功將美國人民在「九一一」後的憤怒情緒，由無影無蹤的拉登，轉移向這三個有形有跡的國家。

        小布殊的智商據說只有九十一（低於常人的一百），但勝在行動大膽，就在二○○三年三月動手，基於一些叛離伊拉克人士不太可靠的證詞，話伊拉克總統侯賽因發展「大殺傷力武器」（WeaponofMassDestruction），聯同多國部隊，就此發動對伊拉克的戰爭。結果在一輪轟炸後，開戰三星期後攻入伊拉克首都巴格達，開戰兩個月後到二○○三年五月，小布殊就在航空母艦林肯號上，在「任務完成」的大橫額前，宣佈勝利。這亦成為經典的一幕，因為要到七年後，到二○一○年八月，戰爭才真正結束。

        美國對伊拉克戰爭唔止「宣佈勝利」兒戲，開戰的藉口更兒戲，美軍最後拘捕及處死侯賽因，但反轉成個伊拉克，都找不到任何「大殺傷力武器」，之前傳到好勁的甚麼「超級大炮」之類的東西，根本不存在，直接引發伊拉克戰爭的伊拉克變節者阿爾．賈納尼，在二○一一年承認有關大殺傷力武器的說法「一切其實均為謊言」，侯賽因真係死得冤枉。

        好多人話小布殊做佢老竇唔敢做的事情，都係為石油。問題係扶起一個傀儡政權，但最後都守唔住，即使從美國角度，又得到乜好處呢？二○○八年美國爆發金融海嘯，奧巴馬上台後為節省軍費，決定全面從伊拉克撤軍。二○一一年十二月美軍全面撤退，奧巴馬當日仲話伊拉克政府係美國「強大和永久的夥伴」。可惜呢個美國扶起的政府看來既不強大亦不永久。當日老布殊的估計是對的，咁樣換人個政府根本無法管治，可惜佢無犯錯，個仔忍唔到就犯錯。

        美國媒體保守估計，有四千一百個美軍在伊戰中死亡，另外據「維基解密」在二○一○年十月二十二日所公佈的美軍檔案顯示，在伊拉克戰爭期間直接死於戰火的平民達六萬六千零八十一人。若最後伊拉克又落入反美力量之手，呢七萬人都係白死。

        同樣地美國當日在阿富汗軍事介入打倒塔利班政權，亦唔叻得好多。佢今日為求抽身移師亞洲和歐洲，針對中國同俄國，就同塔利班和解並交換人質，搞到塔利班首腦馬上宣佈勝利，並在巴基斯坦發動襲擊南部卡拉奇機場，導致二十八人死亡。你話美國又搞邊科？

        記住，政客推年輕人上戰場，叫他們為一理想而奮戰，好多時不是錯，而是超錯。中國當年的文革如是，伊拉克戰爭亦如是。

回 5 自我陶醉兄

兄台太誇獎，懶人受之有愧，苦中作樂可解鬱結，連除忘記跟住轉諗開心事，快快樂樂又一天。

回7 70後兄

以銀行角度，要求兄台现在1/2*總入息 >（現有總負債+新造貸款额）之供款加3厘壓力測試，唔理兄台手持幾多现金、有幾多夫披樓，非常嚴苛，真係好難學以前咁加按又加按，買完一件又一件，懶人真係好懷念嗰陣嘅光輝歲月。

為針對中國同俄國，奧巴馬就同塔利班和解並交換人質；

為反擊 ISIL，美國就默許伊朗揮軍進入伊拉克幫拖！

政策矛盾，戰略混亂，態度曖昧，正常人都唔知美國佬想點！

香港泛民全以美國為馬首是瞻，受其指揮教唆倒共，請小心被美國佬背棄、利用同出賣！

今日係馬利基、卡爾扎伊；明天就係你們佔中三子！

TO 17 引刀一快兄

懶人冇睇錯，引兄係有智慧有實力，兄台一本正經嘅言論好有內涵，令我肅然起敬。

臺灣俾日本統治期間，培養咗好多親日本嘅大學生，當時臺灣人普遍崇拜日本文化同潮流，中外日心，美麗島事件後激化與執政國民黨對立，以近南部至高雄市尤甚，連初時對蔣X國總统扮到好臣服嘅李X輝，呃到總统個位之後，即時现晒形，著住日本和服手握東洋刀拍照，話自己係半個日本人，在位時竭力抗拒和談，最後更岀賣國民黨促使臺灣之子陳X扁當選總统，繼承其臺獨之路。

臺灣對中國近海安全非常重要，號稱永不沉沒嘅航空母艦，與海南島遙相呼應，軍事價值極高，所以美、日極力設法阻止臺灣回歸，若有朝一日臺灣回歸成事，則中、港、澳、臺各地一心，盛唐再現，希望我地有生之年可以睇到。

回18 引刀一快兄

引兄估懶人過去全中，不過因為顽皮同懶讀書，俾老豆藤條蚊豬肉已成習惯；引兄要問，懶人那敢不答，懶人屬牛，兄台提供三個屬性做餌，我年齡秘密休矣。

回19 Oscar Lam兄

到時加按咗一定通告兄台，咁開心嘅事梗係要向各網友公告啦。

懶人哥, 早幾日中央那個國台辦也放話, 俾唔俾佢返黎要看十三億人的意願, 這是講得很明白了.  不過看台灣方面的反應, 明擺着吊着賣.

早兩年台灣天災, 美國的軍機來要以飛行模式停靠, 好像引擎都不得關上, 這也是把中國的立場表達得很明白了.

按引兄想法(唔知在下有冇想錯), 搞定了日本, 就一併搞定了台灣, 這又有多難?

樓市風雲：細單位樓價開始爆升 - 何熊輝

■筆者指出，中小型單位近期出現的搶盤潮，短期內會將細價樓樓價推高。　資料圖片

港府去年初實施辣招，目的是要壓低樓價，招數甚辣，故業界一致看淡樓市，業界看淡，目的志在幫手打爆業主信心，讓業內筍盤充斥下更易促成生意，買家為此強忍年多後，近期便因政府為辣招減辣，對樓市跌價的期望開始落空後，轉守為攻，開始積極入市。

去年初至早前的中小型住宅物業市場，部份放盤單位叫價輕微出現回落約百分之五，但近期出現的搶盤潮，一下子將回跌部份全部追回，現時甚至開始有業主封盤加價，至於想入市的買家，一見放盤，就立即睇盤追價。基於放盤量少，故無樓睇連約成交的個案亦開始增加。

早前筆者已說，樓價閃跌，有買要快，結果確真如此，現時出現追盤情況，勢必短期內將中小型住宅單位樓價推高，這些壓抑年多的購買力短期內將細價樓推至新高並不困難，這不是樓市小陽春，是樓市長期上升的延續。

政府的辣招推不跌樓價但推高了租金，中產租客所能負擔租住的單位，越來越細，兩年前能租四百餘呎單位的租金，現時只足夠租住三百餘呎，這可見租樓住的開支壓力。樓市辣招實施後沒有後續政策補上，加上政府天真地認為樓價在辣招打壓下跌兩成後，樓市問題自然解決，政府無計可施，下一步可能規定40歲前任何人都不可買樓。

何熊輝

樓評人

ho_hungfai@hotmail.com

TO 27 引刀一快兄

兄台咁精靈，專登估懶人85年出世，擺明飾演姜太公，咁我就飾演嗰條魚。

懶人係大過祖國2個半月嘅同年兄弟，所以雖然係政治冷感型，亦希望祖國前程萬里、指日可待在經濟、軍事、民生、政治、國際影响力超英趕美，更希望嘅係可在有生之年目賭祖國一统河山，再现漢唐盛世。