地產博客 > 文亮言 返回
瀏覽人次:19327    回應:5
文亮言

取消SSD,樓市一定會大跌

 

湯文亮博士

紀惠集團行政總裁
2022年12月3日

  有物業代理希望我撰文要求政府取消辣招,否則樓價會大跌,如果跌多兩成,有可能出現金融風暴,香港人無論有冇樓都會受到損失,我話不但唔會撰文要求政府取消辣招,反而會講如果現在即時取消所有辣招,樓市一定會大冧,是否會釀成金融風暴我又唔敢講,不過,大家點講都冇用,政府是不會撤辣。

  很多人都不明白,認為我所講的是似是而非,其實是似非而是,由於政府現在已經取消外來專才居港七年才可以免辣招稅的要求,所以,影響樓市的辣招只得BSD以及SSD,而兩種辣招的風格不同,取消BSD是可以增加購買力,有阻止樓市下跌的功能,政府的確可以考慮一下,但就算政府取消BSD,亦不能夠在一時三刻可以增加購買力,而且仲要銀行配合,購買力才會逐漸增加,但銀行會不會配合,我認為唔會,因為樓市即將大跌,銀行是好天遮,唔會明知樓市大跌仍然會借錢俾人買樓。

  樓市會大跌的原因是另外一項影響樓市的辣招叫SSD,政府在推出這項辣招時可能有少少誤差,原則上這項辣招是在樓市下跌時的穩定措施,政府在樓市上升時推出,變成將供應量積聚,樓價唔升就奇,不過唔錯都錯咗,唯有繼續維持下去,如果政府現在取消SSD,估計有不少在這三年內買樓的人立刻會出售新買的單位,供應增加,購買力未能及時就位,唔使做研究,樓市一定會大冧,所以,SSD暫時不能取消,直至樓市急升,政府才可以考慮將近三年買樓人士的供應量釋放出來,有穩定樓市功能,不過,據我了解,政府見樓市大升,更加不敢取消任何辣招,包括SSD。

  有新晉業主同我講,他極之希望政府取消SSD,如果變成事實,他會第一時間將在兩年前買入的單位賣走,直至樓市跌了兩、三成之後才買返,一來一回,一定賺到不少錢,老實說,如果我是那位新晉業主,我會做同樣的事,本來用作打擊炒樓的SSD,在不適當時發揮功效,令到樓市跌上加跌,甚至會有不少業主變成負資產者,所以,政府都是唔取消好過取消。老實說,取消辣招後有很多變化,陳茂波話以不變應萬變,即是唔會取消,鬧都冇用。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 陳皮梅 2022-12-04 23:06:25
湯先生,你可否提議將兩百万物業的印花税一百蚊,改為三百万以下印花税百五蚊。十幾年前嘅兩百万應該己係現时嘅三百万啦。幫吓小單位D小業主,你唔開声就冇人開声啦。
3. fcn 2022-12-04 23:36:45
樓市正在大跌,進行中
4. 香港人 2022-12-05 17:38:49
香港的楼價根本是完全不合理,我自已40年前買的單位,住了這麽多年反而升值了20倍,40年的折舊,自己回想都覺的香港人是瘋了,什麽土地供求都是為政府和既得利益者做出来的,香港真没有土地嗎?去看看香港有多少土地没開發利用,香港的高楼價只會令香港完全失去竞争力,香港啲楼價如果可以下跌50%以上,香港可能還有發展希望。
6. 秋水 2022-12-13 14:08:55
其實成日話香港樓升得唔合理,40年樓升20倍然後跌一半你覺得都合理,原因係你還有利潤,按照你的理論,其實40年樓價值現在應該比你當年買入價錢低一半才合理,不是以現在樓價計算,當你百年歸老時,層樓應該直接歸零還俾政府或送俾其他人。

經常聽人話樓價最好回到03年,但願意現在人工回到03年的人又有幾多個?現在叫人入市買樓情況其實等同03時叫人買樓,過多10年又有一班人話早知22-23年時入市買樓,如果返到22-23年就好,樓價應該返返果時先合理
7. 秋水 2022-12-13 14:22:00
地代想做多啲生意唔應該叫政府取消SSD,而係應該取消DSD,咁樣有實力嘅人購買力就會出晒嚟,地代又有生意做傭金又唔會減少,反正真正有需嘅人,回調咁多應該都已經買咗樓,現在都唔買再跌多20-30%佢地都唔會買,佢地所謂需求跟本係假嘅,佢地無份賺錢才是心底話