地產博客 > 天馬縱橫 返回
瀏覽人次:7926    回應:0
天馬縱橫

SHEIN 唔來香港上市

 

陳增濤

Délifrance 創辦人
2024年3月31日

  從神州大地返到香港,聽聞“快時尚”零售商 SHEIN 喺美國上市遭受到困難,依家打算去倫敦上市,其是否順利過關斬將成功 IPO,睇來依然係末知數。呢間喺近十年來異軍突起嘅網上服裝公司,係已經有世界名牌如 Zara、H&M 同埋日本品牌 Uniqlo 等競爭激烈嘅產業中依然能夠快速崛起,真係異數。真係好嘢,值得一讚!每年以百分百嘅速度增長,銷售額已經同 Zara H&M等平起平坐,唔話係一個成功嘅最佳標誌。

  呢間來自南京嘅 Startup,來到廣州嘅服裝生產基地番禺,在極速嘅時間內組織咗供應鏈,運用神州大地嘅基層廉價勞動及其原材料供應,以火速更新網上嘅服裝款式設計,超便宜嘅價格做噱頭,受到 Z Generation 嘅青睞。呢間原本喺神州註冊嘅公司,唔知何時何日遷拆到新加坡,供應鏈依然喺廣東,但業務已經鋪陳到全球。我就系由 Z Generation 年輕朋友度首先聽到 SHEIN 嘅產品,真係好彩自己冇俾時尚潮流忘記。

  香港作為遠東金融中心,SHEIN 作為中國人嘅企業,唔知佢點解唔來香港 IPO? 佢依家身為新加坡公司,又唔考慮新加坡,係唔係覺得香港同埋新加坡嘅股市唔夠 Sexy?當然,近期香港恆生指數低迷,唔係好嘅上市時機,咁新加坡呢?睇來 SHEIN 嘅 Business Model 好似抖音,啲服裝價錢便宜到人唔相信,已經有人話佢走法律窿旯,引起唔少法律爭議。如果咁睇,SHEIN 來唔來香港上市,都唔需要覺得可惜。依家華爾街及東京股市創新高之際,恆生指數繼續低位盤整震蕩,香港更需要對症下藥,吸引有份量嘅高科技公司來香港 IPO至係當務之急。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼