61.
蜕变中嘅懒人 |
2014-09-19 00:04 |
|
好多谢打工仔兄教路,懒人对内地楼一窍不通,现在要开始悪补,因为时机来了,再多谢。
大宝二宝兄深知女儿心,引刀兄照做一定行得通,女人觉得老公靠得住,或者佢自己认为自己有把握嘅都有商量,否则对你五时花六时变、表现出心大心细,引刀系时候变阵了。
纯搅笑,引刀兄见谅。
|
|
62.
Oscar Lam |
|
2014-09-19 06:51 |
|
引刀兄,
昨天我讲的购入屯门楼只是开玩笑,不要介意。屯门楼前景确实不错,但新的基建发展是十年、八年以后的事情。如果前二年不入货,现在楼价已炒得热火朝天,选择不多,为甚么要在这个时候入货呢?等等好的时机吧!
|
|
63.
蜕变中嘅懒人 |
2014-09-19 07:21 |
|
[中原城市分区领先指数] *只包括大型屋苑
| 本周公布 | 上周比较 | 上月比较 | 港岛 | 134.39 | 2.76 % | 1.03 % | 九龙 | 125.48 | 0.11 % | 0.38 % | 新界(东) | 131.92 | 0.73 % | 4.4 % | 新界(西) | 108.61 | 0.66 % | 1.27 % |
|
|
|
|
64.
蜕变中嘅懒人 |
2014-09-19 07:35 |
|
T0 62楼 Oscar Lam兄,早上好。 懒人提议引刀兄考虑屯门系认真嘅,虽然屯门比两前年系升咗十几%,但系以全港分区计108仍然系超低水,而前景有大发展空间,有能力追落后,现时入市投资睇长线十年八年有得谂,短线俾3D食埋根本无得谂。
|
|
65.
引刀一快 |
|
2014-09-19 08:19 |
|
To 60楼 大宝二宝兄
你呢条桥我都试过,不过衰咗,因爲我讲完俾晒D钱佢揸之后,佢话不如依家当佢就系买家,去房管所del咗我个名就得架喇,咁啱大陆前一排开始夫妇转名免税,大宝兄,你叫我去好定唔去好? 至于屯门写佢名,大宝兄,我唔舍得俾BSD呢! 以上全部真事,咪以爲我讲笑。
|
|
66.
引刀一快 |
|
2014-09-19 08:34 |
|
To 55楼 打工仔兄
你讲得啱喎,“佢急你唔急”呢招对大陆进城嘅乡亲真系有效,三四年前,有个相熟嘅地代话我知,最离谱嘅一个系连反14次价都照买! 广州本地卖家经常反价,大陆对反价嘅定义同香港地産市场有D唔同,大陆反价,直情系人地睇完楼,讲好价钱之后,落锤之后,转头话唔卖果只!一系就讲好晒价钱,搵屋企人擝猫尾,话老公唔肯卖。
|
|
67.
蜕变中嘅懒人 |
2014-09-19 08:46 |
|
祥益汪先生今日喺经济日报专栏,分析屯门前景,大力推荐屯门码头区,估计4年后升1倍。
|
|
68.
蜕变中嘅懒人 |
2014-09-19 08:46 |
|
祥益汪先生今日喺经济日报专栏,分析屯门前景,大力推荐屯门码头区,估计4年后升1倍。
|
|
69.
引刀一快 |
|
2014-09-19 08:51 |
|
To 62楼 Oscar Lam 兄
其实我一样系觉得会跌一跌先再上,十年后嘅屯门有机会旺,但系到时到底系香港人猛上大陆而旺(好似前几年香港人去深圳买餸),还是大陆人继续猛嚟香港购物而旺,呢个要睇睇日后点发展。
|
|
70.
有殻蜗牛 |
2014-09-19 08:53 |
|
引刀兄,其实香港嘅银行系咪唔知内地资产借贷情况,可以照当首置上会?
|
|
71.
引刀一快 |
|
2014-09-19 08:56 |
|
To 67楼 懒人兄
屯门我钟意湿地公园多D,你有信心唔会跌一跌先再上咩?
|
|
72.
打工仔 Andy |
|
2014-09-19 09:23 |
|
To 引刀兄, 其实以现时环境, 好难跌一跌!你想想, 以3M左右既上车盘为例, 先不计锁碎费用, 月租一万, 两年收24万租以是8%楼价, 除非真系调整得多, 否则10%楼价的租金一张租约已返泥啦!可以考虑买连租约楼, 买入已有租金收入, 跟本唔使自已供, 银行又计你多8000收入! 所以 A 单位承接力咪咁劲罗!
|
|
73.
Oscar Lam |
|
2014-09-19 09:24 |
|
懒人兄,
十年后其他地区一样旺,如:红磡、沙中缐......
|
|
74.
打工仔 Andy |
|
2014-09-19 09:25 |
|
|
75.
有殻蜗牛 |
2014-09-19 09:48 |
|
唔该晒打公仔兄,咁内地人喺香港置业,借贷情况可能比想像中差
引刀兄,我真系唔系以前攻击你嘅人,上次只系意见唔同,用字唔够小心,无唔尊重嘅意思,希望你迟d你下左啖气,我地可以正常讨论,我无point你直接插就ok,谢谢
|
|
|
To 引刀
其实人系好有惰性的生物, 多数人面对选择, 除非好大必要/危机, 否则都会选择一动不如一静, 尤其系改变系需要成本的时候.
用开某啲牌子的用品(e.g.相机?手机?), 无事无干, 唔会转左佢 拎住只股票, 如果佢走势"平稳", 多数人唔会无故放左佢 决定要做手术定"睇定啲"的时候, 如果唔系唔做就一定死, 多数人会继续拖
讲返地产, 好似我地成日讲的, 面对要买定继续租, 多数人选择继续租多一年
你果个case, 如果无换到楼而屯门爆升, 你夫人可能只会讲 "唔系你财, 唔入你袋" 但如果换左熡而内房爆升? 你夫人应该就会揼心口了
一动不如一静......
|
|
77.
Oscar Lam |
|
2014-09-19 11:12 |
|
引刀兄,
".......佢话不如依家当佢就系买家,去房管所del咗我个名就得架喇....."
你老婆真聪明!
|
|
78.
大宝二宝 |
2014-09-19 11:59 |
|
刀兄
投资梗系要分散风险,如我冇记错你系大陆有好多物业, 反为香港吾多。 如卖掉一间换返一间香港货也未尝不可。
当屯门升, 你顾然受惠。就算卖掉后内 房升, 你也有其他货在手, 一样受惠。
至於系咪要等屯门跌先入货? 记者刀兄时常讲大陆霖市, 香港就跟跌。 如果系真的话, 甘当屯门跌时你手上件货都一样跌, 幅度就吾知系咪一样。
至於BSD, 就真系见仁见智, 十零个% (15% minus DSD) 摊分开十年每年都系几万。 如睇好屯门区未来前景, 值得吗? 刀兄系聪明人, 应该识谂嘅。 小弟愚见,见笑。
共勉之, 哈哈!
|
|
79.
引刀一快 |
|
2014-09-19 14:49 |
|
To 76楼 东兄
“其实人系好有惰性的生物”呢点我同意,不过有补充,我认为人一D时候人会好惰,但系一D时候,人会好活跃,各走极端。 举个小小嘅例子,前几年有个相熟中介打电话俾我,话有件货95万,要唔要,要就要快,我慢慢问先知,原来业主卖90万,签咗约收咗2万订金,就系爲咗想攞多一万,就努力喺落大订之前继续搵买家。行爲当然系讨厌,但系我惊讶於佢嘅积极。
至于“如果无换到楼而屯门爆升, 你夫人可能只会讲 "唔系你财, 唔入你袋" 但如果换左熡而内房爆升? 你夫人应该就会揼心口了”
“唔系你财, 唔入你袋”呢句的确系我老婆嘅常用语,佢仲有句“唔通全世界嘅钱俾你赚晒咩” 咁就可以成功咁令到全世界嘅钱都同我失之交臂,擦肩而过....................... 不过不论屯门还是内房爆升,佢都唔会揼心口,要揼嘅系我啫..............
|
|
80.
引刀一快 |
|
2014-09-19 15:10 |
|
To 78楼 大宝二宝兄
如果物业写我名,唔驶俾BSD,我系土生港人,写我老婆名就要,呢度带出一个问题,到底一个香港人同一个大陆人联名置业,BSD点计法? 大陆已经好难出货,成交狂减,依家想出嘅话,就系等广州限购松绑呢个时机,不过唔敢乐观。其实我如果真系要调动入市屯门,不一定要卖广州嘅货,仲有好多办法入市嘅。屯门呢两年升咗6成左右,但系基数偏低,所以唔算太恐怖,听讲话有按揭保险嘅房産唔俾出租,唔知我有冇听错呢? 前两年就已经有人猛俾料话叫入屯门,兼且有深圳湾呢个方便,我呢两三年行经深圳湾,多过去长沙湾,屯门的确可以考虑,不过我对屯门唔熟,呢排忙完要多D过去睇下,我有朋友住篮地,感觉好荒僻。
|
|