有铺有楼都俾人笑，只会在香港发生

　　有行家同我讲，汪敦敬真系唔抵，在三年前曾经讲过，如果当日唔买楼，三年后就会后悔，今日楼价比三年前下跌了17%，立刻俾人封佢做新灯神，代替了刚刚退休的大C，被人叫新灯神当然唔开心，但叫佢做新灯神的人，99 ％都老汪咁有钱，行家搞错，是100 ％，因为有钱过老汪的唔会叫佢做新灯神。

　　行家话，老汪有铺有楼，咁都被人叫新灯神，只会在香港发生，好似老汪咁样，有50铺位以及住宅单位，身家一定超过一亿美元，可以列入亿万富豪，叫佢做新灯神都唔嬲，由此可见，香港人的心胸的确很广阔，行家搞错了，并不是心胸广阔，我经常亦会被人叫做灯，而且明知叫我做灯的人连一个自住单位都冇，但我唔敢嬲，如果我嬲，就会被人话咁少气，都唔讲得笑，被人笑不如自己笑，一笑置之。

　　香港人唔明白叫一个有钱人做灯，即是话俾其他人知自己很穷，如果唔信，去澳门赌场睇吓，那些赢到盘满砵满，一大堆筹码的人会不会被人叫做灯，其他赌仔只会跟红，跟著那人落注，反之那些输到面青口唇白，落注时揸唔定主意，唔知买庄买闲，如果输咗就要跳楼，那些人才是灯，所以，叫人做灯即是咒人去死，点解要咁样做，澳门人唔会叫人做灯。

　　其实，做评论员只是按自己分析做预测，经常都会预测错误，如果错了就被人叫做灯，试问又点会有人做评论员，市场只有一种声音，就好似现在，大家就一窝蜂讲楼市下跌，在七、八年前，就一窝蜂讲楼市上升，令大家失去警觉性，到最后损失的是一般市民，今日错失了入市机会，七、八年前就入错市。讲到明灯，始终比较适用於偏门，楼市是正行生意，用灯做指引并不恰当。