怎样才算是炒家

法子兄日前话懒人个脑系哺乳脑，谂野嘅方式系哺乳脑法则，我好唔钟意有呢个脑，以为法子兄刻意为懒人创造个贬义词，反应大咗啲，后来再睇先知系早己有嘅理论，而且系好野嚟，己经向法子兄道歉，好彩唔系爬虫脑。

好多谢小杨开解同鼓励，又赞懒人勤力，令懒人开心之余，又谂番起以前买股票嘅惨痛经历。

懒人读书唔成去做地盘工，辛苦赚努力悭，储到啲钱学人去投资，乜都唔识唯有搭亲友买，贪平买垃圾股，初时升两三格，迟啲得番0.01格，有啲直头即买即跳水再唔蒲头，领咗几次野，好彩都系小试牛刀，懒人谂力不到不为财，於是买报纸刨财经，参考财经高人贴士，结果都系嘥精神加输多多赢少少，后来先知原来有啲财经高人系演员打手，专业昆羊生羊太，懒人条气唔顺，走去逛书店买两本投资股票书睇，先知道理论多如天上繁星，保力加通道、平均綫、阴阳烛，支持位，波浪理论、黄金数字，双顶回落，双底回升，旗形待变、PE值、BOOKVALUE、派息率…….. 多到唔想再写。

小杨无赞错，懒人其实好勤力，前后买咗成百本书，日刨夜刨一轮，以为醒咗好多，同话自己买股票醒嘅亲友研究切磋攞料，参考埋财经资訉，配合埋自己明啲唔明啲嘅理论，订下投资策略出击，结果系股市好野过我，佢快我慢，我谂完决定咁做时股市己经掉转头行，好似股市以正弦波形式前进，我就以反正弦波形式买卖，死晒，蚀到两眼发光。

痛定思痛，懒人检讨自家投资历史，觉得股市变化太快，投入时间又多，啲理论又多又深，懒人咁低学历应该学嚟无用，再谂，楼市慢好多，唔学理论去学睇人点做重好，可以慢慢谂，谂完又谂都再手都未迟，由於买楼要本钱多好多，我一面努力储钱一面谂，到我储够钱俾首期供第一个单位时，我个脑基本上己经形成咗玉石买手段嚿估嘅思维法则，直到现在应该有啲经验基础。

法子兄，老实讲我始终唔接受我有个5万年前嘅哺乳脑，话我个脑系哺乳脑改良版，玉石段嚿估脑我会钟意啲。

懒人靠估，觉得衙门刚巧於鲩鱼开卖前宣布延长DSD期限以利换楼客，时机与之前加乘哥开盘同拆售酒店时之巧合有异曲同工之妙，值得谂谂：

1. 鲩鱼盘源以大单位为主，以换楼客为主要对象，但近期市场以细单位较热卖，理应以先推细单位为上著，之前亮剑兄己有提及，但反观鲩鱼却出乎意表，步处以3、4房大单位为先，食正水流主打换楼客，示范单亦己预先造定大单位，似乎春江水暖鸭先知。

2. 波叔之前力斥讲铁流标不合作，之后讲铁从善如流，以超音速完成康城4期投标程序，加上近期坊间有要求放宽DSD时限，甚至要求开始撤招，衙门适时将DSD延限，实有顺水推舟、投桃报李、顺应民意一举3得之效，简直系无缝高招。

懒人再估，衙门呢次只系将DSD延限，唔系取消，加上对按揭限制寸步不让，只会对早己在计划中嘅换楼客有啲鼓舞作用，对处於边沿实力嘅换楼客毫无帮助，对拥有强大购买实力、拥有一个单位以上而想添食、等待中嘅投资客、等待跌市伺机再为业主嘅交租客毫无刺激作用。

除非附加换楼按揭宽容措施，否则预算单凭DSD延限，就足以诱使更多人换楼而释放出更多细单位回归市场，刺激楼市价量齐升仍有待考证。

博士:

我认为有物业者，无论持有多少物业，现在应该如你所讲持盈保泰，不变应万变，而时移世易，时机已大不相同，现时亦无须逢三退一。除非财政问题又作别论。

相反，若财力许可，可尝试增持。

目的是做大做强。

同理，现时政府要做的也是做大个饼。建地下城，做人工岛，填海，撇3D重税，

撤限奶令，大量输入外勞。(这些因由和好处，博士你一定知道，若心血来潮，小弟亦会略述)。只消看看星加坡和澳门，就知道.

而不是见逢插针，抢社区用地等的低智行为。昨日，与星加坡人提起政府见逢插针时，友人笑到面黄。前日和内地友人谈及限奶令时，友人拍案大骂XYZ(以下略走689个字)。

可惜，CY个人没有魄力，手下没有人材。为人又独斷独行，民望插水。开局极大不利。剩下三年任期，已好難有所作为。

博士方当壮年，若念及苍生，实宜为下届特区出谋献策。山高虽已风烛残年，亦铭记博士恩惠。

蜕变中嘅懒人-----

你一楼所写的经历同我好相似，但我好彩的是跟倒一个好师傅，拒教我的方法系：『睇月结单做买卖！』

呢个运作方式有如恒指成份股选秀一样

首先系买几只心水蓝筹股

之后在月尾沽出你張月结单之中最屎嗰只

然后将资金再投入另一只心水

简单到有小学程度嘅人都知点运作

想像一下你咁玩，就可食倒求其一只十倍股的七八成升浪

小弟以呢个方式咁玩，几年就班倒首期。

TO 亮剑兄

懒人早年运滯，无緣遇到高人，所以行错好长冤枉路，所以我对法子兄讲，我只想行对嘅路系有感而发；你提出嘅『睇月结单做买卖！』好吸引，而且系亮剑兄嘅成功经验，好想问多句，呢条好橋对现在股市生态重可唔可以照行，因为我唔买股票好多年，好想报番一箭之仇，我会认真谂，懒人又贪心啲，希望亮剑兄有多啲提供俾懒人参考，我会明白任何投资都系自己負全責，非常感激亮剑兄提供。

你一开始先买蓝筹股-----

我 87 年股災后入货名单包括长实、和黄、新地及太古等，买入价大约十元一股！

而教我玩嘅高人，喺 70 年代初开始，就持有三电一煤、恒生、匯豐及一D地产股，近十多年代表作，系十零弍拾入东方海外、港交所及騰讯等，我强調以上股票，佢不少仲持有中，凭此使她可多次 FP 买楼收租。

我呢个汰弱留强拣股法，在呢度公开讲过好多次，祥情请查看我呢几年的回应。

王先生 2011-09-21 10:11:28

由 0至10万要聚沙成塔，集腋成裘；而由 10万至 100万唔投资唔得。    

香港人玩股票好多；但俾股票玩翻转头重多，大约 7成人输、2成打和、只有 1成人有钱落袋！ 
散户已经资金不足、消息不靈、投资智识貧乏，咁如果连投资基本法都唔识，   
唔输致奇！

小弟不才，得高人指点过几招，玩落都行得通，大家不妨研究下：-   
『散户通常买 2、3、4线股，重要赢粒糖、输间厂，好股执少少就走，衰股就望明天会更好留翻系度！ 
最终成个组合只只股都捱紧价，心情好至奇，而且就算有赢硬嘅机会出现，都因为成手蟹货而无钱买！
散户要赢钱就要好似恒生指数选股咁做，要蓝筹或紫筹股，要有盈利，要有息派。  
最重要系汰弱留强，保留强势股、将弱势股清除，卖出股票不论盈亏、只论强弱！  
唔识就用月结单做准则，每个月选一只最鸡嘅股黎沽，然后再买心水货，当自己系基金经理咁做买卖！
唔信大家试吓，或攞翻啲旧月结单出黎做模拟测试。不出两年成个组合会靓好多，咁起码心情都好啲！
最好揾啲投资课程学吓，例如揾埋阴阳烛帮手，例如连出三支阴烛走、连出三支阳烛入！  
赢大钱嘅股就走几成货锁定利润，再赢到够首期就买楼。

TO亮剑兄

以前我有股票恐惧感，讲股票嘅野我唔多睇，所以忽略咗亮剑兄呢方面嘅文章，而家楼市讲真懒人系睇窄幅上落到年尾，买卖都无得谂，收租继续收，跟从汤博士嘅歩歩为营新法行事，暂时坚守不出；先前逢二退一变现嘅现金，尝试小部分以火中取粟嘅心态，睇吓有无机会喺股市报番少少仇，祝我好运，更多谢亮剑兄。

大家要明白，楼价走势取决於多项因素，包括土地及楼宇供应、购买力、人口结构、按揭借贷成本、及投资者对楼价和以上因素的预期等。= from hkma chairperson mr chan .

发展商需兴建日间护理中心及护老中心, 即系话有部分成本要转嫁落可供出售楼宇度, 咁发展商自然要将地价再压低少少, 造成今次屯门地价比上次震寰路与良德街交界的地皮更低. 不过又咁, 地价系低少少, 又睇下发展商开卖时口价是如何?

懒人自小就出社会捱世界，几辛苦嘅工都捱过，几苦嘅环境都挺得过，当年每个人揾食都唔容易，教育行精英制，平均学历唔高，DT都系以中学畢业程度晉身特首之路，当然佢不斷努力增值自己，嗰个年代系香港每个人都咬紧牙根嘅拼搏年代，遇到高人扶持机会唔高，拼命捱努力增值望有出头天系好普通嘅想法，埋怨世态炎涼唔多，只觉得系理所当然，懒人都系万千中一人，盡量做盡想谂只想明天会更好，若说人间有情，我相信现在嘅人间比以前嘅人间好，呢个网站己经系人间缩影，懒人感谢每一位网友。

引刀一快兄，你呢段富有哲理嘅忠告，我意会神领，但系一时间我唔知点反应，衷心多谢。

多谢小阳师妹, 健康是最大的财富.

TO小杨小师妹

我斗胆跟惜缘兄称呼妳小师妹，我觉得妳人叻又溫情，心地好又孝顺。

你先生真有福，祝生活愉快、工作顺利。

TO笑爆咀兄

和田美玉只堪配与有緣人，唔讲得笑；好彩我都有件緬甸翡翠，玉石卖手都唔蚀底，今勻系讲笑。