地產論壇
登入名稱
密碼
頁數:
富二代的金融才俊有麻煩了
瀏覽人次:12537    回應:8

富二代的金融才俊有麻煩了

 

湯文亮博士

紀惠集團行政總裁
2021年10月14日

  打風期間,有一個非常有錢老友問,他在投行工作的兒子有冇叫我買高息債券,我話有提過下,不過冇了下文,老友話今次很唔好意思,他的兒子叫了不少老友買高息債券,現在除了恆大之外,仲有很多高息債券唔派息,今次害了老友,我話不用擔心,買高息債券的人都了解其風險,唔會怪任何人,而事實上很多買高息債券的人都非常主動,而且會愈買愈多,撳都撳唔住,老友無謂擔心,唔會有其他老友找佢麻煩,連口出怨言也沒有,老友話咁都好d。

  不過話分兩頭,我認識的人確實不會埋怨叫他們投資的金融才俊,但有一些人贏了錢就話自己決斷英明,輸了錢就姓賴,做著那些人的金融才俊都幾麻煩,好彩不是太多這類人,其實亦有方法免責,就是趁有錢賺的時候叫投資者賣走那些高息債券,如果他們唔賣,以後要輸錢更加冇得賴。

富二代的金融才俊有麻煩了
1. 廢淡只想不勞而穫
2021-10-14 12:43
投資叻仔笑業主買樓回報低嘛,天下那有白吃的午餐。

食得鹹魚抵得渴,預咗㗎啦。
2. 引刀一快
2021-10-14 13:28
真係慘嘞,買咗105億衡大債券,又要俾十一仔唱嘞。
哈哈哈
3. 十郎
2021-10-14 16:11


      說白的 , 買高息債劵的錢 , 是從高息債劵賺回來的 , 高息債劵是危險 , 但是冇幾何出事 , 如果10厘息 , 覆利計 , 7年就番倍 , 所以少替他們擔心。一個不嫖的人 , 好難叫到去按摩 , 一個不賭的人 , 好難去疏打埠 , 參加高息債劵的 , 算得上是賭仔 , 莫擔心。



4. 望東樓
2021-10-14 16:31
HY一定要買得多㗎。買一隻嘅係投機,買好多隻就叫投資。最好買基金,懂冇?相信都係不懂。
5. 自醉
2021-10-14 17:06
龐氏騙局總有爆煲一天,限價限購加疫情加大量外商走資都唔識抽身,清袋係好正常。

買一隻恒大叫做投基,買多幾隻海航、恆大、花樣年、碧桂園不同年期儲齊一套,叫做垃圾級投資組合,識睇盤數都敢買叫做理性投基,連數都唔識睇買落去叫做on99自殺式投基。 哈哈哈!

6. 十一哥
2021-10-14 23:13
5樓 刀刀用感覺買咗百9幾億喎,咁講好冇同理心啫。
7. 引刀一快
2021-10-15 05:00
係喇,自我陶醉兄咁都唔同情下,雖然呢個數字你不感冒啫,但係已經嚇到十一仔一髀都係。
8. 自醉
2021-10-15 09:44
引刀兄

食得鹹魚抵得渴嘛!賭仔輸贏都係好正常,贏嘅時候就大大聲懶巴閉,輸錢就變烏龜,幾時見過賭仔週圍講自己輸好多錢? 基本上,賭仔係唔需要人同情,只要佢贏嘅時候你扮晒好羨慕佢就得㗎喇。 哈哈哈!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。