今早去到茶餐廳，有一個客人話好激氣，以前住新界，地方偏遠，屋企又細，只得三、四百呎，但不知幾多親戚朋友山長水遠走去探佢，並且讚他們一家人吃得苦，一間咁細單位可以住四個人，客人話聽閒言閒語太多，於是發奮圖強，投資又有多少運，卒之可以買一間在港島區，超過二千呎的大單位，唔知點解，那些以前不辭勞苦去新界探佢的朋友好似失了蹤，不但冇再出現，就算擺入伙酒都唔係太多人到賀，以前有人曾經講過，窮在鬧市無人問，富在深山有遠親，好似唔係幾啱。 客人唔知道，這個世界最令人討厭的人就是發了達的窮親戚，當窮親戚未發達時，的確有很多人關心，窮親戚發達之後，關心變成討厭。古人講得冇錯，但時代進步，窮在鬧市無人問，富在深山有遠親已經不合時空，現在應該是富在鬧市無人問，窮在深山有遠親。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
強，投資又有多少運，