今早去到茶餐厅,有一向睇唔好香港的客人话,又有人劈价卖楼移民,将沙田第一城一个280尺单位劈价10%卖走,证明香港冇前途。
老板话,新闻应该掉转嚟睇,就算卖楼移民的人,所卖的亦只不过是三、四百尺单位,那些人要移民亦无可厚非,如果卖楼移民的人讲紧是买千几二千尺单位,情况又唔同,而事实上卖楼移民的人不多,所以楼价没有受到影响。
我认为整件事未必关移民事,只是物业代理吸盘手法,由於放盘的人不多,物业代理话有业主劈价促销,希望那些打算移民的人早日卖楼,他们就得其所哉。如果太多人卖楼,物业代理反而会搵一些业主提价卖楼的个案,希望打算买楼的人早日下决定,亦唔好揸个价揸得咁死。