有人话贫贱夫妻百事衰,在香港如果一对夫妇落错车,又唔肯上返车,离婚收场亦不是奇事,但以盖茨梅琳达两夫妇,有1240亿美元身家,即使落错车都冇问题,点解要离婚。
贫贱夫妻会离婚,但太过有钱亦会离婚,因为任何一方都不想做另一半的附属品,既然如此,倒不如离婚,大家可以各自搵男女朋友,以自己为中心,如果唔离婚,男方搵靓女大家不会见怪,但女方搵小鲜肉一定会被传媒做新闻,离婚之后大家点做都可以,又唔会影响对方声誉,千祈唔好以为离婚之后是仇人,反而会变成好朋友,离婚只是双方改变生活的一种方式,局外人未必会明白。