今早去到茶餐廳，老闆話long time no see。其實佢知道我入院做檢查，仲問我醫院費用貴唔貴。我真的不知道，我老婆認為唔貴。今次入院，住環境最好的房間，可以睇到我跑步的跑道，七個檢查，每個大約要用45分鐘，24小時內完成，服務質素一流。我藉此機會多謝一班醫生，護士及服務人員，老闆很奇怪點解我老婆會話唔貴。上一次佢做身體檢查，冇事冇幹，佢老婆收到張單之後猛話貴，點解我老婆可以咁大方？其實這並不是大方與否的問題，而是我最後一個檢查的醫療報告，醫生話好彩我做身體檢查，及早發現，如果拖一年半載，情況惡化，入院就並不是做身體檢查，而是做手術。老婆聽完之後猛話今次檢查費用十分抵，老闆話明白佢老婆點解話醫院收得咁貴。做醫生的，一定要嚇吓病人，稍為講得嚴重一些，他們會覺得很抵，但如果安慰病人，反而會被他們話醫生冇料到，而且會話收得很貴。
App下載
要用45分鐘，24小時內完成，