地產博客 > 敢說亮話 返回
瀏覽人次:15368    回應:1
敢說亮話

茶餐廳手記(#396)美斯甩底與銀行call loan一樣,結果也是一樣

 

湯文亮博士

紀惠集團行政總裁
2024年2月9日

  今日早上去到茶餐廳,有被銀行call 爆loan的客人話,美斯在香港唔出場是受到傷患影響,有理有據,合約亦應該有寫明,如果受到傷患影響,是可以不出埸,所以,基本上美斯是不用發文解釋,在微博發文已經好畀面,香港人應該收貨,唔好嘈咁多。

  稍後客人又表示,現在香港啲銀行有冇搞錯,在借貸比率五成下仍然向客戶call loan,要求客戶因應估價下跌補差額,金管局應該叫停銀行call loan,咁樣call loan,考慮將資產搬走。

  老闆話美斯甩底與銀行一樣按合約做嘢,完全合法,告都多餘,但結果也是一樣,客人會離開銀行,球迷亦會離開美斯,甚至邁阿密國際以及主辦機構,而事實上日本人已經行出第一步,美斯在日本場波只得28614人入場,而球場可以坐8萬8人,三分一都唔夠,估計日本人擔心美斯又甩底,入場睇波豈不是儍仔一名,所以,美斯要在日本施以渾身解數,盤扭頂射都做足,目的只是希望多些人入場,但可惜事與願違,如果美斯能夠在香港場波入場15分鐘,估計在日本場波入埸人數最少多一萬,去到最後,受重創的仍然是美斯。

  客人話,美斯繞道而行,避免同特首握手,睇吓李家超尷尬表情,就知道美斯是最後贏家,老闆話咁就奇怪,美斯收咗錢又唔落場,就好似一個食霸王飯的人,從未見過一個食霸王飯的人與老闆握手,梗係繞道而行,尷尬應該是美斯而非特首。

  估計三月份美斯不會隨阿根廷訪問中國,否則當時真係有傷唔可以出場,就會畀人話玩弄中國,條罪好大,都係唔去好過去,美斯損失應該較大。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 引刀一快 2024-02-11 01:51:24
美斯唔落場好明顯係背後有人玩嘢,一定唔關美斯事,球王祗係運動員,仲安排球王會鴨王,玩乜嘢就真係難講,因為對方出手已成定局,但係香港人啲反應好似走馬燈咁日日變,冇法子從效果推理動機。