地產博客 > 敢說亮話 返回
瀏覽人次:8369    回應:1
敢說亮話

茶餐廳手記(#018)窮在深山有遠親

 

湯文亮博士

紀惠集團行政總裁
2023年1月18日

  今早去到茶餐廳,有一個客人話好激氣,以前住新界,地方偏遠,屋企又細,只得三、四百呎,但不知幾多親戚朋友山長水遠走去探佢,並且讚他們一家人吃得苦,一間咁細單位可以住四個人,客人話聽閒言閒語太多,於是發奮圖強,投資又有多少運,卒之可以買一間在港島區,超過二千呎的大單位,唔知點解,那些以前不辭勞苦去新界探佢的朋友好似失了蹤,不但冇再出現,就算擺入伙酒都唔係太多人到賀,以前有人曾經講過,窮在鬧市無人問,富在深山有遠親,好似唔係幾啱。

  客人唔知道,這個世界最令人討厭的人就是發了達的窮親戚,當窮親戚未發達時,的確有很多人關心,窮親戚發達之後,關心變成討厭。古人講得冇錯,但時代進步,窮在鬧市無人問,富在深山有遠親已經不合時空,現在應該是富在鬧市無人問,窮在深山有遠親。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2023-01-19 00:21:23
今時今日,會得閒就走去深山探望遠親嘅,肯定就係富在鬧市無人問嗰啲人。