地產博客 > 敢說亮話 返回
瀏覽人次:3302    回應:4
敢說亮話

茶餐廳亂話(1544)大豆芽菜炒豬腸

 

湯文亮博士

紀惠集團行政總裁
2022年6月23日

  今日早上去到茶餐廳,有客人話美國加息的主要目的是壓通脹,全世界的分析師、政治家都是這樣講,應該唔會錯,老闆大娘唔同意。大娘話客人呃佢膝頭哥唔食辣椒醬,大豆芽菜炒豬腸,加息究竟點解可以壓通脹,沒有一個經濟學者講出來,加息壓通脹只是一個口號。

     老闆大娘話如果加息壓通脹的理論講得通,業主加租,物料加價,一樣可以壓通脹,而事實上加息令到各種不同物品加價,營運成本上升,最後茶餐廳就要以抵受不住通脹壓力加價,加息壓通脹是世界上最大謊言,不過,不少有識之士信到十足十。

   有客人話,加息的作用就是令到消費的人肉痛,例如茶餐廳大幅加價,一定會有部份客人減少幫襯,導致生意唔好,老闆就要減價,大多數學者都是以這個理論解釋加息壓通脹。老闆大娘話,這簡直是一個謊言冚一個謊言,生意唔好就要減價,生意人知道,殺頭生意有人做,蝕本生意冇人做,如果長期蝕本,不如執咗佢。茶餐廳的數目減少,每一間茶餐廳幫襯的人數就會增加,通脹一樣會出現。學者講的只是理論,叫他們做吓生意就知道。

  其實,抗通脹最好辦法就是提高失業率,現在美國失業率是3.6%,如果能夠提升至10%,代表有不少人沒有收入,減少消費,生意減少,商品自然會減價,通脹便會下降甚至消失。不過,這只是旁門左道,好似「九陰真經」一樣,唔係怪怪地的人都唔會學,更加唔會用。不過,這個理論比加息抗通脹更加實際。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Hongkonger 2022-06-23 11:55:05
加息就是为了增加投资成本,使投资减少,失业率增加、工资降低,消费需求因此降低,通涨继而降低。
2. 引刀一快 2022-06-23 12:17:50
十一座順嫂就最中意大豆芽菜炒豬大腸。
3. 十一哥 2022-06-23 15:26:04
刀十一嫂又借分身自白。
4. 引刀一快 2022-06-23 21:49:27
十一座順嫂,今次唔係入方艙,係咪去咗做大腸息肉手術呢?好多日冇見你喺牛頭角買餸喎,哈哈哈