地產博客 > 文亮語 返回
瀏覽人次:63918    回應:52
文亮語

政府官員一早知道利息會長期處於低水平

 

湯文亮博士

紀惠集團行政總裁
2014年6月16日

  在過去幾年,政府官員在不同場合警告市民,小心加息,有人會說,官員們叫市民小心, 其實是出自一番好意,唔通叫市民不要理會息口有上調危機,不顧一切走去買樓,叫市民小心是官員們的責任,市民不能夠說官員們曾經叫市民小心而浪費了機會,不過,大家有沒有想到,以香港財金官員質素,怎會有可能不知道美國利率將會長期處於低水平,若果香港官員不出口術,再加上3D辣招,香港樓價想唔升到癲都唔得,最危險的是當樓價升到一個不合理水平,而市民反而瘋狂置業,因為他們深信利息是不會上升,到那時候,利息若果不能夠維持在低水平,就會非常危險,當利息上升,樓價就會重創,市民就會怨恨我們的財金官員,老實說,他們亦責無旁貸,所以,他們叫市民小心,禁止市民濫借亦有理由,不過,一般市民是不會接受。

  限制一般市民借錢其實亦是各國政府一個共識,因為低息而借長錢是一件非常危險的事,若果不加以限制,我夠膽講,每一個市民都會慢慢地借大咗,若果利息不變,當然是沒有問題,而市民多借最後亦會令到資產價格飆升,消費狂熱,不過,這個資產價格上升,利息低迷的年代不會維持很久,代之而起的是一個資產價格下降,利息上升的年代,一般市民不但要承擔資產價格下跌的損失,更加要付出高昂的利息,而且,他們根本無還手之力,仼人宰割,唯一可以避免這些事情發生,就是各國政府用行政手段,迫使一般市民不能夠多借,他們情願市民現在不滿,總好過他日遭市民唾罵,但這個情況各國的財金官員又不能明言,唯有以行政手段,例如壓力測試來減低市民借錢的需求,但我又認為一般市民是不會相信,他們只會怪香港的財金官員,老實說,這隻死貓,曾俊華,陳德霖等死梗,不過,總好過他日出現無數負資產者,做官有時幾辛苦。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 雷鼎鳴 - 考試與獨立批判精神 2014-06-16 09:00:10
暑期開始前是公開試舉行之時,六月是內地高考,日前在電視見到內地高考開考之日的報道,確是使人大開眼界。今年有939萬考生爭奪698萬個大學學額,競爭性表面看似不大,但家長與學生夢寐以求的名校學額卻仍是少得可憐,但這只會加強學子要誓死一戰的決心。在電視所見,有些地方考場有軍警保護,有些地方交通警願意把遇上交通阻塞的考生送到考場。最誇張的是,鄭州市居然出動「雄師突擊隊」保障考試不受干擾,一些提供高科技作弊服務的集團,亦被高調拘捕。
我看這些措施是政治性高於實際需要,內地家長普遍願意付出大半生的犧牲以求獨生子女能進入高校,若考試有不公之處,後果可以十分嚴重。內地不少人甚至認為目前唯一不受裙帶關係影響的制度便是高考,大家付出從而為家庭爭取一個向上流動的機會,倘若此種希望被打破,說得嚴重一點,整個政權都可能垮掉,各級政府又怎敢對保護高考不嚴陣以待?


依賴死記硬背 抑制創新力


此等心態已有千餘年的歷史,不會輕易改變。中國人是考試的發明者,從公元622至1905年,中國的文官制度便是靠科舉取仕。宋朝有兩份現存的進士名錄,把每位中了進士的家庭背景一一列出,最重要的是,其祖宗三代有無人當過官也有所記載。1148年那一份,因名單中有朱熹,所以能保存下來,其中56.3%的進士,三代中都絕無先輩當過官。1256年那一份,有文天祥、陸秀夫,57.9%的進士都沒有祖蔭。先師克拉克(Edward Kracke)在1947年發表這研究結果時,便指出中國靠能力而不是靠祖蔭的傳統社會的流動性高於同期的西方。
科舉考試使到平民可當官,這對中國千多年來的政治相對穩定性所起的作用不應低估。事實上,科舉也曾真的篩選出不少傑出人才,上文提到的朱熹等人便是例子。但科舉也有着一切我們熟悉的有關考試的缺點。明清時出現八股文,抑制了民族的創新力,這與今天我們見到學生靠死記硬背、靠補習社「貼士」過關所造成的危害,如出一轍。考試作弊當然也是古已有之,我曾在芝加哥的博物館與克拉克教授的課堂中見過兩塊「貓布」,是考生把整篇《孟子》之類的經典抄在布絹縫在衣內以便作弊偷看之物。
考試制度能風行世界,自有優越之處。若要改革的話,應集中在增加思辯性內容,此點猶太人獨步天下。他們從少習慣與人辯論,懂得從多角度推理質疑並達至獨立見解。香港年輕人在獨立思考及批判精神上的確有所不及。所謂獨立批判精神,是要懂得對不同的觀點都先掛上問號,然後小心從多角度推理及搜證,從而得到答案。不少年輕人對不同意見胡亂責罵,正是缺乏批判精神的明顯徵狀。這也許是港人從少便習慣胡亂接收信息之故。


先入為主 以偏概全判斷事物


近日有網報的一篇報道正好是缺乏批判性的一種典型,該報用強烈字眼說「白皮書」犯了低級錯誤,連中學生都不如。何事如此之激?原來「白皮書」中說自97至13年,香港的實質GDP每年平均增長3.4%,該報說「白皮書」計錯數,而且搞不清實質與名義GDP的分別。我在統計處的網站一翻查,2013年香港的GDP(用2011年物價計,下同),是2.022萬億,1997年是1.192萬億,2013年的GDP是1997年1.696倍,它的16次方正是告訴我們「白皮書」的3.4%正確無誤。該網報其實是自己犯了錯,用了不正確的名義GDP數據,當然得不到別人3.4%的正確答案,於是網報又自己強用錯誤的方法計出3.4%,居然還敢說別人要用錯誤的數據錯誤的方法才得此答案。
我不相信該報是故意犯上此等可笑的錯誤,但此事正好反映部分香港人的一種惡習,在立論之前根本沒有經過小心的論證,粗疏地得到一些自己喜歡的答案便如獲至寶,聲大夾惡的批評別人,這當然不符合真正的獨立批判精神,此種態度如長久發展,香港危矣!
2. Peter Paker 2014-06-16 09:06:08

<1> 收緊按揭款成數

600 - 700萬之住宅物業貸款成數至7成,但最高貨款金額為420萬;

700 - 1000萬之住宅物業貸款成數至6成,但最高貨款金額為500萬;

1000萬以上之住宅物業貸款成數至5成;

連租約盤轉讓,不論價值,最多只借估值5成(這是筆者前文遺漏列出的一項條款);

以按揭貸款申請人資產淨值為依據所批出的按揭貸款,最高按揭成數由之前的5成下調至20116月的4成,然後再下調至20129月的3成;

按揭貸款申請人的主要收入並非來自香港,貸款的最高按揭成數,不論物業的種類和價值,亦需按照所適用的標準下調2成;

按揭證券公司於20133月再收緊按揭保險計劃,新措施將可承做最高九成按揭的物業價值由600萬元下調至400萬元,而住宅物業價格在400萬元以上至450萬元以下,將可透過按保計劃承做最高360萬元,即八成至九成按揭貸款。住宅物業價格在450萬元或以上則只可承做最高八成按揭貸款。而按保計劃的住宅物業價格上限仍維持於600萬元。


<2> 貸款年限及壓力測試

新造住宅物業按揭供款年期收緊至最高30年(之前好似聽說曾出現40年按揭貸款);

20116月實施的壓力測試,加息2厘後,借款人的供款與入息比率限於6成以內。

20133月實施的新壓力測試,加息3厘後,借款人的供款與入息比率限於6成以內;

如申請人須申請7 - 9成按揭保險計劃,他亦要有足夠的收入去應付因高貸款成數所產生的高按揭供款,以滿足加3厘的壓力測試。


<3> 正面按揭信貸資料庫

起清借貸人過去及現有的借貸記錄,以及過往還款情況等資料,慎防借貸人出現濫借、過度借貸的情況;


收緊措施如何互相影嚮

 

表面上,上述各項措施好似互不相干,看起來好像各自能獨立地存在。但實際上,這些貸款限制是亙相影嚮的。在開始分析前,讀者必須明白這些貸款限制之間是有互相影嚮,甚至互相牽制的關係,方能明白這些措施如何影嚮買家入市,以及這些措施如何保障按揭質素及樓市。筆者會嘗試列出幾個例子,去列明這些措施之間互相影嚮的關係。

 

<1>

根據壓力測試,加3厘按息後的供款不得超過月入5成。但是,若可以把貸款年期不合理地拖長,每月供款就可被大幅拉低。例如,200萬貸款@2.15厘按息,20年每月還$10,261,30年$8,624,40年$6,216,100年$4,057。如果金管局不設貸款年限,很多財力、收入很差的貸款申請人只要透過拉長貸款年期,就能申請貸款,當年,日本泡沫樓市爆破其中一個成因就是過長的貸款年期,例如一層樓要分三代人才可供完。因此,金管局設置壓力測試的同時,又加入30年貸款上限,以免財力差的人透過拉長貸款年期而勉強買樓入市。

 

<2>

正面按揭信貸資料庫於20114月起成立。在其成立之前,按揭申請人可以隱瞞他在其他銀行的負債,而取得另一間銀行的信貸從而這個炒賣,這個漏洞使到過度借貸出現,某程度上引致97年爆煲發生。

 

正面按揭信貸資料庫與壓力測試也是互相影嚮,根據壓力測試規定,須要將申請人「現有」貸款及「正在申請中」貸款的供款之總和加起來,加3厘息後的供款不得超過申請人月入6成。沒有正面按揭信貸資料庫,銀行無法知道申請人有否隱瞞其他負債,亦會使監管機構、銀行無法有效執行壓力測試。

 

曾聽說,某位阿sir好似曾教人只要不簽某些文件,就能避過正面按揭信貸資料庫,以取得貸款。筆者不知是否屬實,但若屬實,有關當局應調查有關個案及採取適當手段,堵塞漏洞,以免濫借情況出現,影嚮香港樓市及經濟。

 

<3>

以按揭貸款申請人資產淨值為依據所批出的按揭貸款,且不經壓力測試,最高按揭成數下調至3成。如再加上正面按揭信貸資料庫起清申請人的過往借貸記錄,變相使到今天買樓的人所付出的首期理應是自己「荷包」內的錢,而不是透過「借上借」"" 回來的首期。

 

1997年或之前,由於沒有正面按揭信貸資料庫,銀行某程度上無法起清借貸人揹緊多少個貸款,借貸人可以透過於不同銀行取得借貸。再加上又可以加按至7成,只要之前買入的物業升值,又可以透過加按取得現金,又再購入另一物業。這些漏洞很容易使到借款人過度借貸、購入超越其負擔能力的物業。

 

筆者認為,在評估樓市是否安全時,必須熟悉所有收緊借貸措施詳情,以及這些措施對樓市所產生的保護作用。但筆者發現,很多評論樓市目前正在泡沬爆破邊緣的人,他們是完全忽略這些保障措施的存在。更重要的一點,這些保障措施大多在2008年金融海嘯後才出現,但這些評論員卻以97年沒有收緊借貸措施時的歷史經驗,去評論、比較今天的樓市,以致他們的推論是離天萬象。

 

 

收緊按揭成數的效用

 

舉一個例子,由於700萬至1,000萬港元住宅物業的最高按揭成數調低至6成,但貸款額不可超過500萬港元;在這些措施下,買家要付出的首期會比沒有措施時多出很多。

 

例如,在買1,000萬物業的時候,今天新措施下要付$500萬首期,約$40萬厘印費,$10萬佣金,未計裝修已先要付550萬;如果可以按7成的話,入場費只是350萬。在低息環境下,今天很多高收入家庭可以能負擔買入$1,000萬的按揭供款,但他們卻沒能力支付550 - 600萬入場費,即使他們是月入10萬的家庭。

 

但是,今天房屋供應不足,租金持續升,有可能迫使他們仍要入市,他們買不起$1,000萬樓,但買$800幾萬樓就卓卓有餘,買些較平的物業時出價可能會較狠。但是,原先最多只能負擔$800幾萬樓的買家,除多了一批實力較強的競爭者外,也要面對收緊按揭成數的限制,他們只好轉去買些$600 - $700幾萬的單位,如是者,原本的買家會被上一層更強的買家趕走而向下買。

 

綜合來說,這些收緊措施的好處,是使到買樓的人必須預留更多準備去應對可能出現的逆轉市況,這樣對整體樓市及銀行系統都有利,減低市場爆破的風險。但壞處是,使到置業者的居住水平降低,迫使他們「向下流」、「向下買」。

 

 



3. 林一鳴博士 2014-06-16 09:16:17

投資樂園——堅信港樓價今年會升

2014-06-16

在去年底的時候,我習慣地做了2014年的投資預測,其中一個給人罵得最多的估計,是香港樓價會在2014年上升,而不是下跌。

        
這好像是全港分析師之中,唯一夠膽作出此預測的人;其他最勇敢的分析師,頂多說樓價持平或是微跌5%10%,說今年香港樓價會升的人,好像沒有見過,反而認為樓價大跌達三至五成的人,就有一大堆。

        
半年已過樓價微升

        
我夠膽說樓價會升,結果當然是給一大堆網民痛罵,罵我自己有樓就吹樓價會升,罵我是騙人買樓,偏幫地產霸權,信我就死得人多等等。

        
轉眼間,半年的時間已經過去,樓價沒有出現專家們預期的暴跌,反而出現微升。剛在上星期五公佈的中原城市領先指數(CCL),按周上升0.73%119.23點,與去年底比較升了0.23%;分區的港島、九龍、新界東和新界西,分別是129.14點、118.05點、120.40點和101.44點,除了九龍較去年底跌了大約一個巴仙之外,其他都升了一到兩個巴仙。

        
新盤開售萬人空巷

        
當然升跌一兩個巴仙,並不算是甚麼方向,但反映很多人估計出現的深度調整,是沒有在上半年出現過的。

        
下半年的預測如何?就算給人痛罵N頓,我還是堅持我的預測:香港今年的樓價,是上升,不是下跌。

近期香港的新盤銷情爆旺,截至610日為此,香港一手樓註冊量錄得5648宗,比起去年上半年4424宗更高出27.7%

        
以長實發展的荃灣西站環宇海灣首輪開售為例,最終接獲逾14300票,超額登記23.1倍,名副其實是萬人空巷!位於紅磡售樓處的龍尾,一度沿行人天橋伸延至紅磡港鐵站,首批591個單位在開售後九小時內悉數沽清,估計變現約48億元。

        
你覺得這個新盤賣得超便宜嗎?我說只可以算是合理,不是超級抵買;可以吸引到萬人空巷,最主要的原因是香港政府辣招間接造成的。

        
政府辣招推動樓價

        
在過去數年,很多本來想置業的人,由於看見政府推出辣招,於是等待樓價下跌;但等了數年之後,樓價根本沒有下跌,失望非常……這些被壓制了的購買力,開始在2014年慢慢釋放,對樓價成形一定的上升動力。參考內地的例子,政府推出辣招之後,剛開始時樓價橫行,但一至兩年後就會上升;2013年北京上海深圳廣州等大城市,樓價漲幅是高達20%以上的。所以我堅持今年的樓價會上升,而不是下跌,政府辣招是其中一個推動的主因。

        
中國經濟專家

        
林一鳴博士

 

4. 亮劍 2014-06-16 10:41:28

已經有好多CC姊分享过,佢哋首次買楼果陣点俾人淋謝法。

所以首置如非必要同佢借/攞,不要周圍話俾人知同取意見。

否則你買得成楼的机会,只得三四成!

 

因為絕大部分香港的主流傳播媒介,他們都有咗既定立場,就係唱衰呢個樓市,而拒哋又有不同理由作如此決定:

有啲財政來源係來自阿公嘅,咁當然要為阿公服務啦!

有啲財政來源係來自D大有錢佬嘅,咁阿爺唔想樓市係咁爆上已經係公開的秘密,那些傳媒幕後金主都係醒目仔,唔通他們想喺大陸無運行嗎?

有啲財政來源係來自「反中亂港」人仕嘅,咁香港經濟好、失業率低、樓市穩如泰山-----拒哋攞乜奶油反港府先?

有啲財政來源係來自唔理嘢嘅財主佬嘅,那呢件公器嘅立場當然俾曬編採話事啦,咁呢班知識份子睇見自己做到隻積咁,月入都只得皮零嘢,就算做到中高層最盡都係揾果幾皮,講句失禮連人哋一个收租物业嘅租金收入都唔夠,心唔服口唔服乃非常正路的想法!

你想寫樓市之發展前瞻会穩紮穩打,咁緊係揾博士同林一鳴採訪啦;反之你想寫樓市之未來会福佳、会含包散的話,那當然要找炮哥、大C同加葱!

根本呢D係記者都應該知的應有常識。

普通人一生中有幾何去置业先?咁你日以繼夜,睇睇埋埋咁多樓市就死得嘅報導,仲唔變曬「田雞」?

唔沽自住果層已要偷笑;還叫D細路唔使驚買多間?

5. 維廉 2014-06-16 10:41:56
林博士,你錯了,唱好嘅仲有湯博士同網站三傻。
6. 無雙 2014-06-16 10:50:34

to 5

林一鳴指的是"專業"分析師吧.


7. 有殼蝸牛 2014-06-16 11:00:07
有林一鳴博士後一句就夠,信心返哂嚟,如果佢都會錯,我睇錯市都唔醜
8. 打工仔 Andy 2014-06-16 11:15:06

經X日報報導:

樓價三級跳 首期增風險升

  樓價低於400萬元的單位,一直被受首期有限的上車族追捧,皆因最高可造9成按揭。但現時這類上車單位也跳價,樓價逾400萬元,這批上車客要提高首期預算支出。

450萬以下盤 上限按360萬

  資料顯示,450萬元以下單位最多可按9成,借款上限為360萬元;換句話說,樓價最多400萬元。如今這類上車單位樓價已超越400萬元,甚至跳升至約420萬元,對首期有限的上車族難免百上加斤。

  假設單位樓價為400萬元,上車客本來籌集首期一成,約40萬元,便可圓置業夢;現在樓價升至420萬元,上車客要籌集多20萬元作首期,即60萬元,因為最多借360萬元,故上車客須支付的首期為60萬元,對上車客而言,多付20萬元非小數目。

  最重要的是,市場會出現骨牌效應,約400萬元的上車單位推高後,接着推高300餘萬元單位。據了解,目前原本約300萬元的單位,近日叫價亦甚為進取,原本賣300萬元的單位,新放盤單位叫價約320萬至330萬元不等,如屯門大興花園2期目前兩房叫價約340萬元,低於300萬元的單位只能搵大興花園1期。

大興花園兩房 叫價340萬

  業界人士坦言,目前細價樓業主過於心紅,令到個別細價樓升幅急速,對於樓市會產生不良後果,故有意現階段入市的上車族要評估自己所能承受的風險,切不要跟風入市。

9. 打工仔 Andy 2014-06-16 11:16:48
暴邊力非常強勁!
10. 大寶二寶 2014-06-16 13:08:22
呢D就係3D帶來嘅惡果, 一早預到。

所以話呢幾年細價楼冇得輸!

共勉之, 哈哈!
11. 順民 2014-06-16 13:59:44
孖寶兄﹐也不能太過分樂觀的﹐因現時是政策市﹐兼且社會上政治氣氛濃烈﹐以致前景有點迷濛混沌。已做業主的不妨靜觀其變 ( 希望不是坐以待斃 ) ﹐打算做業主的要有充足彈藥﹐最少比得起五成先好諗。天佑香港 ﹗
12. 蜕变中嘅懒人 2014-06-16 14:00:13

能人1人多票制

TO引刀一快兄、fully support 引刀一快、對呢個辯题有興趣嘅網友

 

首先對两位引兄討論態度認真、堅持理念、不惜費神寫咁大篇文章,先行致敬。

第二點要先行道歉,懶人罪在只係想表達原始粗略概念,誤導咗各位網友大傷腦筋,針對呢4個唔切實際嘅雛形例子嘥精神辯論,自感罪孽深重。

 

其實懶人舉呢4個雛形例子,目的只係想表達 (能人1人多票制) 再經周詳策劃後,係可達致近以更公平同可行,當世界上愈來愈多人驚覺到 (11票制) 有太大副作用時(事實上喺好多高福利國家或其他地區已經發生緊),(能人1人多票制) 好可能只係其中一個可以替代政制,前面仍有好長路要走,許許多多前置問题要先解決,目前討論到咁細緻係無必要。

 

两位引兄所提岀、所贊成或反對嘅論據,要待好多年之後先可以知道真正價值,正如天文學家伽利略嘅地動論一樣。

 

懶人其實係政治冷感之人,留心政治純為投資服務,今次係唔想掃引刀一快兄嘅興緻而寫,並無意與各位兄台爭辯,祈為見諒。

13. 維廉 2014-06-16 14:07:13
TO 10/F
除咗瞓街之外,二百零到三百係最低選擇,咁爆上係必然㗎喇
14. 打工仔 Andy 2014-06-16 14:13:49

To 11 順民兄

同意你的睇法!香港的環境的確比以前混亂得多!

希望平安渡過!  

15. 樓奴 2014-06-16 14:27:42

法子兄,

想請教, 基本同意你對樓市分析, 但你既結論7爆邊有無考慮政治及政策風險?

個人愚見, 若樓市大爆發, 政府95%會再出招, 所以好可能會爆, 但可能曇花一現, 最終會比政府壓死, 掉頭向下, 所以長遠睇, 爆邊真係無著數, 反而可能真係成為最後一根稻草.

16. 維廉 2014-06-16 14:31:01
To:  懶人兄
一人一票制,如果係理想國當然冇問題,個個收入大約,但係現實係有人唔做嘢,專福利,一人一票制就變成冇付出嘅人控制有貢獻嘅付出。呢種係另外一種逆向畸視,一人多票制,能係有效消除呢種不合理現象。
17. 順民 2014-06-16 14:31:43
對呀打工仔兄﹐我們同樣是打工仔﹐不過無論打工仔也好﹐老闆也好﹐大家目的只為兩餐安樂茶飯。但一個社會的領導人傾向政治﹐以政治為掛帥﹐以政治考慮為先﹐致令全民熱愛政治多於經濟﹐以為政治可當飯吃﹐那這個社會定必沉淪 。
18. 順民 2014-06-16 14:38:14
15 樓奴兄的擔心正確。你所預計的情況有 90% 可能發生。在下之前也提過。
19. 順民 2014-06-16 14:51:11

當細價樓再升三成﹐而且還有再向上趨勢時。

在下很難相信不會再被人一嘢將之打沉。

20. 引刀一快 2014-06-16 15:37:00
懶人兄

唔該唔好將我同“覆你實仆.引刀一快”拉埋一齊講,唔該唔該。
21. 大寶二寶 2014-06-16 15:46:57
回 19 順民兄

你咁樂觀細價樓有三成升幅,不過吾知你講係幾耐。

我就預測今年埋单計有一成升幅,相信呢國幅度特衰正苦可以接受掛。

共勉之, 哈哈!
22. 順民 2014-06-16 15:56:43
在政府立場來說﹐多一個人買樓就可減少一個人申請公屋﹐這對政府來說是只有利而無害。而一般市民用家又大多集中於細價樓﹐這是必然的﹐理由不用說。豪宅市場現時已是癱瘓狀態﹐無國內買家﹐本港人有幾個買得起 ﹖買來又有何用 ﹖故現時政府唯一需要注視的除了細價樓之外還有甚麼 ﹖只要稍有風吹草動﹐我唔一鎚仆落去仲有鬼 ﹖等你班有餘錢的人霸住晒用嚟奇貨可居 ﹐阻住其他人上車 ﹖所以今時今日買樓用來自住應無問題﹐用來投資麻麻﹐諗住買了後升值﹐樓價長升長有的日子﹐恐怕已是明日黃花了。
23. 2014-06-16 16:00:45
某富翁一堆仔女甚至私生子
某日佢有急病死鬼左, 未立得切遺囑, 臨走前只講左一句: 公平地分俾我啲仔女...

ok , 請問一人一票, 一人多票, 多人一票, 定比例代表制, 可以公平地分遺產?
要一人多票的話, 一人幾多票又要點定立? 邊個話到事? 係咪用一人一票定立???

投票, 邊有公平架...
24. 小女子 2014-06-16 16:04:57
Peter Parker兄,你每次分析都令人期待啊! 之前你係咪有post過現在業主的借貸比率?有無數據可以顯示業主收入與每月供款的比率?
25. 蜕变中嘅懒人 2014-06-16 16:20:57

TO 20 引刀一快兄

無意中令引兄唔開心,懶人在此致歉,記住了。

26. 亮劍 2014-06-16 16:32:50
 自從政府出咗DSD之後,整个楼市生態就给人為地扭曲,現在持貨嘅业主,喺被迫或在非自願情況下,要繼續持有他們的物業,本來好惨呀!
但因為低息持續,而原本想買变租的客仔,又源源不絕幫忙供楼,CY想焗人輸变幫人賺多D,世事真是估你唔倒!
而原來被政府眷戀的一方,当然走去租住等啦,佢哋痴痴地等嘅係政府的「好消息」,但他們个个月不斷輸送弹药俾收租佬的後果,就係令业主們如虎添翼。
今天連黃遠辉自己喺港台都話,美國加息大約会在2016年,咁呢年幾兩年你叫租客如何是好?
他們呢次真是惨过坐監,现在情況係買又死、租又死,呢鑊如果俾着我揀,都唔知点行呢步棋!
我成日話要代入你對手的思維去考量啦,例如你想賣楼,請將自己化作買家及租客,呢次黃遠辉唔該出來解讀你想租住等点做!
27. 珍惜香港 2014-06-16 16:36:26
珍惜香港TO:蜕变中嘅懒人、引刀一快

呢個世界,嘅嘢,唔一定 WORK 嘅;WORK 嘅嘢,又唔一定喎。

啱唔啱,同 WORK 唔 WORK,分開嚟傾,可以簡化個討論。
28. 引刀一快 2014-06-16 16:48:42
To 珍惜香港兄

正是,我就係唔肯定一人多票啱唔啱,但係認爲太多因素令佢唔work。
29. 有殻蝸牛 2014-06-16 17:05:15
亮劍兄,如果我係租客,就情願住差d住遠d,用一半實力上車以免蝕多兩年租,期間儲蓄彈藥,真係跌得落咪買多間lor.....不過真係唔知有幾多人係咁諗。
30. 肥婆四 2014-06-16 18:25:51
TO懶人兄
        目前社會一人一票深入民心,討論大改難實現,或者續小修改睇睇別人接唔接受,效果係點先,才討論下一步實際啲,愚見認為,先諗諗攞綜援暫緩投票權,如此一來可減低政棍為收買選票主張扭曲性政策,二來攞綜援即無能力啦,咁唔想無權投票,努力小小都應該,犯刑事嘅亦暫失投票權。咁最大納稅公司分行業,都派員入行政會,例如香港三大行業或者四大行業都可各派一位,咁啲政策出來就平行好多。
31. 蜕变中嘅懒人 2014-06-16 18:37:40
懶人有時會諗貧富懸殊真係好唔平等,理論上每一個人應該都係生而平等,點解窮人係人、手揸1張銀纸,富人係人、手揸999張銀紙,咁唔平等都無問题;但係窮人手揸1張選票,富人手揸多過1張選票,就係唔平等,結果我諗到,1人1票制最終可以做成窮人同富人手上都揸住500張銀紙,或窮人同富人手上都揸住1張銀紙,咁樣嘅絕對公平環境,世界大同,大家咁窮。
32. Dcheng 2014-06-16 18:57:29
最近紐西蘭已加息了 , 英国也声稱即將加息 o 是否加息週期巳開始了呢?
33. 蜕变中嘅懒人 2014-06-16 19:06:25

TO 27 珍惜香港兄

菜芯炒牛肉係一味小菜,两者同時混和味道上碟,至可以品嘗到真味,分開嚟炒然後分開嚟食咗落肚,感覺食咗菜芯炒牛肉,都幾奇幻。

TO 30 肥婆四兄

攞综援暫停投票,综援大軍即時暴動,唔使等明朝早,返工記得戴鋼盔。

34. 安全駕驶 2014-06-16 19:58:23
功能組別就是填補一人一票這個缺點。
35. 安全駕驶 2014-06-16 20:01:00
又毋需處理一人多票之問題。
36. 順民 2014-06-16 20:24:41
在下於此處誠懇要求某人再勿在背做一些浪費時間的無聊舉動﹐這除了顯示你幼稚和小氣之外並無意義。難道你想此博客成為一個個人演唱會或萬千竉愛在一身 ﹖咪咁細路仔脾氣啦 。
37. 珍惜香港 2014-06-16 20:40:23
珍惜香港

TO:33/F 蜕变中嘅懒人

呢個 TOPIC 好長,仲諗緊寫唔寫。

TO:34/F 安全駕驶

非常同意,保留功能組別,喺依家最可行嘅辦法。

呢個亦喺我果邊回覆嘅其中一個重點,結論喺嚟自貢獻論嘅難以實行,退而求其次嘅一個最可行辦法。呢個民主議題看似好複雜,但如果退一步以宏觀去睇,其實又好簡單,貢獻論裡面已經有啲提示。不過要組織一下再寫先至會易啲睇明,就喺我仲諗緊寫唔寫嘅長嘢。

所以,希望之前問我嘅 CH 兄唔會怪我果邊回覆得太敷衍。
38. CH 2014-06-16 21:16:37
珍惜香港兄言重,我只是在想如果把這套選舉方式套在2012, 其實結果還是一樣,分別只是多了“一人一票“這程序,由於當時“民意“,相信CY也是會當選。事實亦說明,選委或中央亦參考了民意才決定了CY。所以我“感覺上“你在那邊的回應,並未有解決香港人“唔識揀“的問題,或許有些細節你還未說出來,期待你再續。當然最重要還是先休養好你的眼疾,不必太費神。
39. 肥婆四 2014-06-16 22:36:02
To懶人兄,你講話食綜援無投票權就暴動,咁大家一人一票都唔公平啦,都無暴動,暫緩佢投票唔係唔保持佢生活,可以定個政府年收率來交換,主要杜絕的政棍攪風攪雨,我唔怕坦白講,如果有人供養我,我真係唔想要亞芝亞左。
40. 蜕变中嘅懒人 2014-06-16 23:29:38

TO 39 肥婆四兄

其實講真心話,懶人覺得好似自己咁嘅蟻民階層,講吓政治制度不外乎3個原因,1.潮流興當時興話题吹吓水;2.成日講嚟講去講樓市,獨沽一味有時會覺得幾悶,轉話題調劑吓;3.政治局勢影响投資成敗,多啲人講就可以從中學嘢,諗諗將來投資取向。

懶人其實對於任何辯論,以政治為甚,興趣不大,啱咀形同思路嘅就開開心心風繼續吹,正所謂:酒逢知已吹餐死,話不投機認第尾,無咁好氣;若然以懶人為抝頸對象咁烦,懶人寧願投降唔嘥時間去抝去諗,扯白旗算了,全勝榮耀歸對方,懶人速敗陣退走,留番啲精神去諗投資策略仲實際夾實惠,或者咁嘅態度好缩骨,但性格如此真係無奈何。

42. 蜕变中嘅懒人 2014-06-17 08:17:12

回 16 維亷兄

懶人走漏眼無回應兄台,先致歉。

懶人好耐之前無聊時揾野諗,有諗過一個近代奇怪政治現象:選舉制度交替同步滯後於經濟制度,所以向來覺得遙遠嘅將來,好可能行資本主義式選舉制度,即叻人多票制。

上世纪政治制度熱衷共產主義,以財產人人平等為目標,但選舉制度就不平等,行小圈子、有人有、有人無投票權。

现在政治制度熱衷資本主義(社會主義),容許讓部分人比較富有嘅財富不平等現象,但選舉制度就行共產主義式平等嘅一人一票制度,何其巧合。

世界輪流轉,待一人一票制度令社會達致均貪或均富嘅平等經濟现象將岀現時,叻人一人多票就應該開始萌芽茁壯。

以上纯屬想像式虛構,兄台當怪論睇就啱啦。


43. 法子 2014-06-17 09:05:54
44. 法子 2014-06-17 09:08:04
45. 肥婆四 2014-06-17 10:45:38
回懶人兄,法子兄 ,我所講說話係心個句 ,口個句者,得罪人都無辦法,因社會好多訴求都有合理或不合理的,大家可以認真亦可當吹水 ,權不會在我處。但是我講野我一定要掉返轉頭都得。
46. 引刀一快 2014-06-18 09:30:56
法子,有時呢,隂濕嘢係可以慳D。
47. 珍惜香港 2014-06-18 10:58:37
珍惜香港

上面話,諗緊好唔好為民主議題寫篇長嘢;後嚟,大家好快就終止咗個討論。本來已經唔諗住寫,但見佔中期近,結果都喺開咗筆。為咗唔想搞亂博士新文章嘅留言區,都喺寫番响呢個 EXPIRED 嘅區度,贈有緣人啦!

前文有云物競天擇,適者生存;古往今來,永恆不變。意圖違反呢兩個自然定律嘅,小至個人,大至國家,勢必走上滅亡之路。進化論,亦喺基於呢兩個自然定律;每一物種,之所以能夠進化,皆因面對弱肉強食嘅世界,優存劣亡,只留低勝者可以繼續繁衍。進化之路,只能向前,絕不能停;停,就即喺滅亡!

人類發展到近代,出現咗智慧;智慧,令人類創造出文明,從而主宰呢個世界。但喺,文明亦同時衍生咗驕傲同自我;結果,驕傲同自我,搞出咗「人權」呢樣嘢。人權,令到人類多次違反「物競天擇,適者生存」呢兩個自然定律,招至一次又一次嘅失敗。如果人類再唔覺悟嘅話,最終會走上滅亡之路

嘩!講乜呀!歪理!人權從來都喺公認嘅真理嘛!

其實,我都好唔想達至呢個結論;可惜,每當我退一步,以宏觀去睇果陣,見到嘅世界,的確喺咁。就睇人權嘅基礎:生存;話說,每個人,一出生,就擁有生存嘅平等權利。咦?乜唔喺適者,先可以生存咩?原來呢個人權嘅最底線,本身就已經違反咗「適者生存」啦!而當「適者生存」遭淪陷,「物競天擇」亦會隨之失守,因為响人權嘅最底線之上,會衍生一系列嘅平等權利,最終會衝擊到「物競天擇」呢個定律!

近代一個最典型嘅例子,就喺共產主義嘅崛起。共產主義,本身就喺建基於人權;呢種人權,就喺每個人,都擁有平等財產嘅權利;財產,必須平均咁分配俾每個人。所以,一個共產主義社會,完全違反哂「物競天擇,適者生存」呢兩個自然定律,個體無須競爭,社會無須進步,人人共存,人人共產。結果,所有奉行共產主義嘅國家,都喺徹底咁失敗,無一倖免!

資本主義,之所以能夠成為近代較成功嘅財產分配體制,正喺因為佢符合咗「物競天擇」;通過對社會貢獻能力嘅競爭,促進咗人類嘅進步。但喺人權呢個包袱,始終令到人類無法遵從「適者生存」呢個定律。結果,人權,就衍生咗「福利」呢樣嘢。「不適者」,通過福利,逃過滅亡厄運,得以生存。可惜,大自然喺殘酷嘅,優者响數目上往往遠少於劣者;違反「適者生存」嘅惡果,就喺物種以優少劣多嘅比例繁衍,步向滅亡!

一條解決呢個問題嘅出路,就喺將劣者,轉化成優者。所以,早期嘅福利制度,只喺會俾劣者生存嘅最基本元素。响最基本嘅福利制度之下,劣者會被社會歧視、忽略,意識上,同滅亡冇分別。不過呢種歧視、忽略嘅社會態度,反而能夠激發起劣者改變命運嘅動力,令佢地置於死地而後生,轉化成優者。發展中嘅資本主義社會,因為能力上只能提供最基本嘅福利,往往造就咗呢個促進劣轉優嘅環境,令到社會高速咁向上發展。香港嘅上一代,就正正喺一個典型嘅例子。

但喺,唔知幾時,福利開始變質,慢慢轉化成福利主義。原來,罪魁禍首,又喺人權

人權,將每一個人嘅政治權利,劃上等號。呢樣嘢,就喺所謂嘅「民主」!响「物競天擇,適者生存」呢兩個自然定律得以嚴格遵守嘅情況之下,一人一票嘅民主制度,喺唔會有問題,因為劣者已經全被淘汰,唔再存在啦!可惜,人類無法遵從「適者生存」呢個定律,形成優少劣多嘅比例;從此,劣者唔再需要咁辛苦將自己轉化成優者,以取得社會嘅資源,因為佢地已經能夠以大多數嘅選票,令到政策向福利傾斜;「物競天擇」,終於受到衝擊!

而每當「適者生存」遭淪陷,「物競天擇」失守之後,下一步,就會喺滅亡之路!

民主制度發展成熟嘅國家,普遍都喺入不敷支,之所以維持到今時今日,喺因為佢地能夠通過經濟手段,掠取其他國家嘅血汗同資源。堪稱世上最民主嘅國家,亦喺世上最入不敷支嘅國家;呢個國家,利用軍事,利用科技,利用貨幣,去渣乾其他發展中國家嘅血汗同資源,先至可以填補佢要維持呢個自命最民主嘅制度而需要付出嘅沉重代價。唔喺咁嘅話,呢個國家嘅體制一早就已經崩潰咗!

至於冇足夠經濟能力發展民主制度嘅國家,後果喺點,有目共賭。

天,從來冇賦予過我地每一個人平等嘅權利;只喺人類嘅驕傲、自我,以為可以勝天!

人權,只不過喺一個美麗嘅謊言!
48. 珍惜香港 2014-06-18 11:19:58
珍惜香港續 47/F

上文講嘅嘢,其實同懒人兄嘅概念好接近,我只不過喺從宏觀定律嘅因果關係去睇;所以貢獻論,亦同懒人兄嘅能人一人多票大同小異。不過,枯勿論喺以貢獻、能力,定喺兩者混合去釐定嘅投票權,始終太複雜;況且喺人定,唔喺天定,難以响利字頭上達至共識;呢個,就喺引刀兄所講嘅,太多因素令佢唔 WORK。

如果退一步以宏觀去睇,香港嘅情況,好簡單,既然冇資格同能力,搵人地去填補民主嘅代價,就唔可以行一人一票嘅民主制度。如果硬要行嘅話,就一定要作出調節,令到「適者生存」嘅淪陷,唔會演化成「物競天擇」嘅失守。咁,即喺點?

Alan 兄肥婆四嘅回覆,就喺答案。其實,兩個自然定律,只喺界定咗存、亡之別;响存之上,冇指定要分乜嘢階級嘅。所以只需要定一條線,响呢條線以上嘅人,先至可以擁有一人一票嘅喺投票權就得。將「不適者」(例如領取綜緩人士等)嘅政治權利剔除,就好似上文咁話,意識上,同滅亡冇分別,咁呢個「適者生存」嘅淪陷,就唔會演化成「物競天擇」嘅失守。可惜,响現今普遍公認嘅所謂人權之下,連呢個最基本嘅做法,都喺好難實行。

所以,今次又要對 CH 兄講聲抱歉,因為對於果次嘅結論,我真喺冇乜細節要補充。既然現階段冇辦法將「不適者」剔除,就惟有通過功能組別呢一班被粗略選出嚟嘅「能者」,過濾同篩選出特首候選人,以減低對「物競天擇」嘅衝擊。至於港人唔識揀嘅問題,就只能靠一次又一次嘅投票經驗逐漸解決;其實,庸梁當選,只喺憑一個橫運,效果就好似陳水扁中槍果次咁;冇呢個橫運嘅話,唐唐已經做咗特首啦。

咦?寫咗咁多嘢,個結論咪又喺咁!寫嚟做乜?

目的,喺要令到大家睇清睇楚,所謂人權,所謂民主,真面目究竟喺點。

所以,佔中,唔單止手法卑劣,更喺愚昧無知
49. 珍惜香港 2014-06-18 20:24:45
珍惜香港TO:9/F 引刀一快兄(另一邊)

我喺以宏觀因果關係,去簡化社會嘅現象。「物競天擇,適者生存」套用响同一物種裡面,與唔同物種之間,喺兩回事,而呢個 TOPIC,會喺前者。所以點解我用同一物種嘅進化做比喻,而唔喺講唔同物種之間嘅弱肉强食。我喺寫「面對弱肉強食嘅世界」,物種「本身」嘅進化;閣下講獅子同羚羊,喺離咗題。應該喺話,當羚羊消失,獅子就必須通過進化去適應,弱嘅獅子會死亡,強嘅獅子會生存同繁衍;通過優存劣亡呢個進化過程,物種會不停進步。大家喺面對同一個環境競爭,而唔喺強嘅獅子,去食弱嘅獅子。

人權,同人道,當然喺兩回事,我亦喺講前者,唔喺後者。所以「不適者」喺指敗於競爭嘅失敗者,唔喺指先天有缺陷嘅人嘛!即喺話,唔食羚羊就寧願死嘅獅子,唔喺跛腳嘅獅子喎!所以,老人、殘疾人、智障、孤寡、單親,唔會多得我唔少,因為我質疑嘅喺人權,唔喺人道

古時,通過戰爭去佔有土地同人民,喺好正常。中華民族都喺通過多年戰爭,將唔同嘅民族,融合成一個中國。隨著人類文明嘅發展,以佔有為目的嘅戰爭已經唔再被容許作為競爭嘅手段。至於,以屠殺泄慾嘅禽獸行為,根本唔喺屬於競爭嘅手段,唔好扣我帽子,我冇合理化呢啲嘢!

將劣者,轉化成優者,喺唯一解決「適者生存」被違反嘅出路。你話越高度發展嘅社會、地方,越少機會自力更生,我唔認同。社會高度發展,都一定有自力更生嘅機會,只喺形式唔同咗。除非有缺陷,唔喺嘅話,一樣可以轉營。今時今日,基層工作,其實有好多出路,唔做食市,可以去做管理員。唔好攞執紙皮阿婆、精神病康復者嚟講,我從來冇反對過福利去俾啲真喺有需要嘅人喎!

至於大陸將政策向香港傾斜,喺一個雙贏,唔好將呢樣嘢同福利或者人道相提並論。中國有咁多城市,點解要睇你?我冇話過,「應該要」劣者全被淘汰,唔再存在;我喺話,一人一票嘅民主制度要 WORK,除非劣者全被淘汰,唔再存在!至於果個世上最入不敷支嘅國家,我响貢獻論裡面都話過,只不過喺物競天擇,適者生存嘅一個宏觀版,我只喺冇再重覆啫!仲有,你可以唔自給自足,但喺唔等於你可以債台高築

唔好話我法西斯,我篇長嘢嘅重點,你根本就 GET 唔到。

好失望,閣下成篇回應,只喺執著一系列定義上嘅嘢;不過仍然好多謝你嘅回覆
50. 安全駕驶 2014-06-18 22:20:11
珍惜香港兄,
閣下在47和48樓寫的是編很好的之章,值得細心思考。
小弟同意功能組別是現時較為可行之選舉方法。謝謝分享。
51. lok 2014-06-19 10:19:22

to: 珍惜香港,

 

採用西式民主的國家當中, 90%以上都是不發達的,如: 印度,菲律賓,海地,希臘……... 等等!

 

發達的西式民主國家有十幾個,如: 美國,日本,英國等等,都是前殖民主義者,都曾經拿槍炮在全球範圍內搶劫 累積財富後,才逐步逐步發展西式民主的!

而且,逐步出現 政客選民不負責任政治---政客用福利買選票,選民用選票買福利相互欺騙:  政客但求上臺,不負責任,相競增加選民福利等等;選民也不負責任,為求少勞多獲,就選不負責任的政客! 但錢不夠,就借債; 還錢,就推給下一屆政府;不斷往後推!由於工資高-工時短等因素令營商成本高,投資者撤離,產業空洞化!進一步減少政府稅收,推高失業率,惡性循環!

 

導致歐美等西式民主國家現在靠借債度日,面臨破產!然後通過印錢,挑起戰爭……手段搶……

 

52. CH 2014-06-19 11:44:32
“人權“的涵蓋面有多廣,很視乎“政權“有多穩定。政權要達致穩定,是經過了許多競爭/鬥爭/戰爭。在這個“爭“的過程,人權,是沒有多少價值。當政權穩定下來,“人權“的內涵才“有條件“得以豐富。所以,有以人權掛帥的議員喊出“解放香港“這類口號,是很反智。說到底,有多少權還是看“手瓜“有多硬,和對手是不是軟杮子。被賦予的權力,如果沒有實力抓住,明天很可能就會失去。
53. 珍惜香港 2014-06-19 22:19:09
珍惜香港TO:50/F 安全駕驶、51/F lok、52/F CH

多謝幾位嘅回應。可能今次真喺寫得太深,有啲人未必睇得明;尤其喺啲理想主義者,會覺得呢個世界,「應該」要點點,而唔肯去面對呢個世界,「實際上」喺點點。佢地見到我咁寫,會怒火中燒,覺得我好無情

我喺一個冇宗教信仰嘅人;天,在我嚟講,就即喺大自然。所以,「物競天擇」之中嘅天,亦即喺大自然。大自然,從來都喺冷酷無情,而我只喺好不自量力咁,以充當大自然代言人嘅角色,去睇呢個世界。人類、社會、文明,從來都喺大自然嘅一部份,無論幾發達,都喺唔會擺脫到自然嘅定律

唔好以為人可以勝天,呢種絕對喺驕傲、自我嘅錯誤態度。違反自然定律,就一定要付出沉重嘅代價;當然,你有條件去承受呢啲代價嘅話,喺可以為咗理想,响有限嘅程度上去違反一啲自然定律。正如 CH 兄話,人權嘅內涵,喺要有條件,先至得以豐富。但喺响達至理想嘅過程中,如果無法平衡違反自然定律招至嘅偏差,衍生惡性循環嘅話,就會好似 lok 兄講咁,不擇手段去掠奪人地嘅血汗同資源;到呢個時候,如果仲喺執迷不悟,就會踏上滅亡之路

我對於,喺好謙卑,所以我做人處事,從來都喺順勢而行

消極施政篇裡面,我話,好多以為自己好積極嘅人,心底裡其實都喺好消極嘅;同樣地,好多以為自己好正面嘅人,心底裡其實都喺好負面。咁點樣去分,一個人究竟喺正面,定喺負面?

我嘅答案,就寫咗响成魔之路篇裡面。一個人,有理想,本來喺好正面;但喺如果為咗理想,逆天而行,到頭來,理想唔兌現嘅話,最終就要面對果條分叉路。路嘅一邊,喺面對現實,檢討自己,改變自己,再重新振作地去做一個積極正面嘅「適者」;反之,如果仲喺執迷不悟,埋怨社會,遷怒社會,就會好似驅蝗、反東北、佔中果班廢青咁,流於激進抗爭,以為自己喺為咗啲乜嘢理想而戰,但實際上,就已經踏上咗成魔之路