地產博客 > 文亮語 返回
瀏覽人次:38190    回應:68
文亮語
 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 經濟專才? 2013-12-06 09:19:58

王冠一。

2. 木子 2013-12-06 09:55:56

我記得是王冠一

3. 有眼不識泰山 2013-12-06 09:59:47
我是誰也不知,俾左咭片你,只睇我姓乜,睇都唔睇我銜頭身份,再當住大家面前問我身世哥利,真係打得少!
4. 租管浪費社會資源 2013-12-06 10:04:33
以前租管又分戰前樓戰後樓及豪宅又不受管。業主又只有權加租無權收樓除非收回自用。每兩年才可以加租一次。問題是業主與租客必然對加幅各持己見, 最終為了相差其實每月不超過一二千元差價爭拗告上土地審裁處費時失事。請問每月多或少一二千元在香港是什麼錢, 何必要浪費到要去法庭判呢?
5. 巴黎的租管 2013-12-06 10:32:26

巴黎一樣有租管,價格仲要超低。理論上剛畢業出來的大學生好容易租到。結果剛剛相反,呢班人最難搵房租,又求又跪,又要搵人做擔保........結果?凈係得女大學生比較容易搵到房租。點解.......畫公仔唔洗畫出腸啦!哈哈哈哈哈!

6. 胥胥 2013-12-06 10:54:13

王冠一並不是真名。真名曾有網友公開過。叫王X雄之類的。

據網友透露,王被懷疑是金融騙子。早前亦曾有公司被淋油之類的報導。

正所謂真亦假時,假亦真。

7. 租務管制原來不是糖衣毒藥 2013-12-06 11:27:21
無啦啦提租務管制,莫非D炒家聞到味,政府會加棘,或將來會實施租務管制,所以作定文章想洗市民腦?

租務管制係打殘炒家,保障小市民唔駛捱貴租的德政。
8. TO 7 樓 2013-12-06 11:35:50

話明炒家就緊係賺轉手貨錢。點會去收雞碎咁多D租金。呢D觀點就係腦殘的表現。

你小心被人洗左腦就真。

9. 亮劍 2013-12-06 13:25:22

年幾前水貨客一條友帶拾幾罐奶粉過關,攪到新界北嘅奶粉成日斷貨,政府愛民如子走去做嘢出限奶令,誰知道此令一出,呢班水貨客就變陣,由搬運工人邊成收貨佬,拒哋現在只係企喺邊境嗰度,同過關人仕兩罐兩罐咁收!

那些要每日深港兩邊走嘅市民,現在過關唔帶翻兩罐奶粉幫補車費,真係有錢唔識執!

肯「蝕底少少」嘅過關人仕個個執一舊,大陸需求又無減到,請問乜水埋單?

唔好話我多事,你政府出租管,投資者買樓收租誘因就會減少,那麼地產商賣樓花嗰陣,就難以一炮過清檯,咁入伙之後係咪會留翻一批賣剩蔗?

咁除非呢啲單位係天匯或Opus,可以租拾零弍拾万以上嗰隻,否則發展商邊有可能將這些單位攞出來出租俾人?

有普通常識嘅人都知,尋常百姓收倒新樓唔自用都會出租,那會將單位空拒半年去等運到?

但發展商將落成咗嘅樓宇當存貨,再吉佢幾年真係大把!

所以嗰啲空置單位揸喺邊個手,係根本性決定新增供應係落入市場度,定係泥牛入海嘅關鍵!

發展商存貨多一來責實資金,冇力走貨如輪轉多投地皮,二來政府及地產商見空置單位多如牛毛,仲會攪多啲地皮同樓宇供應嗎?

 

10. TO 9 樓 2013-12-06 13:59:35

教精你啦.

第一, 嗰啲空置單位唔賣咪收佢空置税, 仲好.

第二, 發展商存貨多責實資金咪要燒炭价賣囉, 更加好.

所以推租務管制喺中正炒家弱點.

11. To 10楼 2013-12-06 14:30:05
教精你啦,
冇钱唔好学人住私楼,
排隊攞公援算啦!

12. To 10楼 2013-12-06 14:30:13
教精你啦,
冇钱唔好学人住私楼,
排隊攞公援算啦!

13. 好不明白 2013-12-06 14:57:59
「今日,就有不少人受租管毒害,我說的不是業主,而是租客...」<-- 點解可以o係無租管 ( 甚至無人提管毒 ) 既時候受租管毒害呀 ??
「不明白殺人的生意有人做,蝕本的生意沒有人做的硬道理 ... 」 <-- 政府唔係正正要減少投資需求咩 ??
「若果政府實施租管,生意人見投資房地產無利可圖,當然不會投資,直接令供應減少,樓價上升」 <-- 相信供應是來自賣方的,不是來自買方的,少人投資買樓令樓價上升係咩道理 ??
14. 為何梁振英每事都與民為敵 2013-12-06 15:07:21
我估梁振英每事都要與香港特區市民為敵的原因是他其實好想快過董建華落台。落台後就可以升做中國國家副主席之類級別。到時候雖然失寵於香港但就可以在北京或其他國內地方發圍。你們不見他香港事務懶理話知你,但自己就每月外訪內地省市多次打好國內各省市人際關係。利用現有香港特首地位為他自己日後在香港退下來時舖定在國內仕途錢途。
15. 煲浪追浪 2013-12-06 15:14:51
香港賴以成功既基石, 奉行簡單税制, 依家都七國甘亂,重話兇至衰。 真係唔衰攞黍衰, 有時懷疑大话英係老美走狗。 佢要徹底搞死香港為目標。 將鄧爺爺一國两制徹底破壞, 令就台海相信中國而靠近美國, 唔知鄧爺爺在天之靈, 見到一國两制比大話英搞到體冇原膚会有何感想。 大話英好野,濕夠英好野,香港特丑誇那那。 唔記得講呀特丑要去廣東添,免得有人又問佢菲律賓單制裁哪! 佢肯定又係一男子問題哪! 勁!
16. To 10 樓 2013-12-06 15:15:05
教精你啦,
政府税种何其多,
要否再提倡虧佬税Magnum Tax ?

17. 亮劍 2013-12-06 15:47:14

等我教精你先真,香港每年徵收嘅物业印花稅,估計上百億,如果攞嚟起曬公屋,真係 Fit 晒!

但因為政府要做啲嘢回應民粹,因此出三D機關槍狂掃!

CCL 真的疲不能興嗎??高位爭持咋!

但後遺症係樓市交投大減、成交急凍,地代慘成炮灰被殲,而專業人士律師、手作仔裝修及銀行樓按部門就陪葬!

喺美國退市無了期按息仲低;銀行水浸;供不應求持續;通貨膨脹升溫----購買力只不過是被攔截而不是被消滅!

 

高官緊係讀得番書多,請看大禹點將他父親鯀的「堵塞方法治水」撥亂反正,改為「以疏導方法根治水患」啦。

 

想當年領導人堯,推舉了大禹阿爸鯀去解除水患。佢用的是「堙」、「障」等堵塞圍截的方法,治水9年,勞民傷財,不但沒有治住水患,反而越攪越大鑊,周圍水浸死傷枕藉,終於俾堯之繼任者舜處死在羽山。

 

跟住舜揾鯀個仔禹去執手尾,他經過實地考察,制定了切實可行的方案:

他一方面要加固和繼續修築堤壩,另一方面,改鯀過去「堵塞」的辦法為「疏導」來根治水患,終於完成了流芳千古的偉大業績。

 

 講到以疏導方法根治水患,長實拆售旗下葵涌和宜合道雍澄軒300多間酒店房,根本就係幫緊你政府同樓市降温---點解?

 

呢間酒店嘅附近,滿佈工業大廈,呎價同左近同系嘅雍雅軒相差無幾,但管理費就多成倍,而又因為雍澄軒係商業契,銀行只能做五成(發展商嘅二按要計P),最長做得十五年按揭,又要受長江多多限制,仲要俾你政府及傳播媒介係咁揭瘡疤,但都可以一Q清袋!

就係有人錢多到無路走呀!唔該大哥!!

現在有人想辦法同你疏導閒置遊資,請問有乜東東問題先?

致於啲人話驚業主搬入去自住,違反酒店乜嘢 28 日條例喎,你哋唔該咪玩啦!

請政府揾人去問一問地代高層,睇睇邊啲人入咗貨先嘈嘈閉先啦!

你叫上億身家嘅人住工廠區??呢班友仔真係傻傻更更!

有啲人大安旨意以為 3 D 會整冧個市,但數字兄之前講過:-

大跌市為何會出現?因為有大量業主賤價割愛。

為何賤價都要賣俾你?因為冇水。

冇水點解唔問人借?因為銀行閂水喉。

大家必須記住,大跌市的出現,一定配合銀行閂水喉。

如果好似而家咁,打2個電話就借10萬,點解要賤賣層樓俾你?

那班人乜都唔信政府,包括政改、免費電視發牌、高官私德---

但唔知點解呢一劑政府打房,佢哋又咁信 CY 係忠唔係奸??!!

18. To 17 2013-12-06 17:30:23
你講到去邊度呀,叉到去又工廠區又电話借錢,喺咪有讀寫障礙呀你??  依冢講話租務管制喺打殘班炒家呀! CY快D推租管啦!!
19. 亮刀to 17 2013-12-06 17:54:32
2個電話就借10萬,點解要賤賣層樓俾你?
息點計先,你冇腦抑或我冇腦定係以為人人冇腦你最有腦!
佢哋又咁信 CY 係忠唔係奸?
我只知點都好過商()人治港
20. 重溫數字兄精彩文章 (11-11-2010) 2013-12-06 18:21:43

重溫數字兄精彩文章 (11-11-2010)

每次睇完都有新領會...... 

1. 我可以係跌市買樓
一再強調,大跌市時雖然樓價平,但買樓第一炮所需的資金唔會按比例大幅減少。大跌市為何會出現?因為有大量業主賤價割愛。為何賤價都要賣俾你?因為冇水。冇水點解唔問人借?因為銀行閂水喉。大家必須記住,大跌市的出現,一定配合銀行閂水喉。如果好似而家咁,打2個電話就借10萬,點解要賤賣層樓俾你?因此,在大跌市時買樓,你必須有心理準備估唔足價,同埋連7成都做唔到。例如200萬跌剩100萬,但銀行只肯估80萬,兼只肯做6成,那麼你就要嘔52萬。如果你係諗住用10萬經MC上呢個100萬盤,可以返屋企訓覺。
還有,要係大跌市時買平樓,你要有好多現金。我強調係現金,唔係股票或其他需要變賣既資產,因為你既股票係大跌市時一樣會下調。
估價8折做6成,係非常樂觀保守的估計數字,事實上,在08金融海潚時,部份銀行在簽按揭契前突然終止申請,1成會都唔俾上既個案真係發生過。另外,除非閣下係公務員,否則在大跌市時好難保証收入不會下跌。
結論:你需要持有目標樓價50%以上的現金。

2. 樓價一定會下跌
樓價在短期內有上落是事實,但另一個更重要既事實係,以30年為觀察期的話,樓價只會上升不會下跌!03沙士價是香港近十年最低價,美孚的03呎價約為1600,但1600這個賤價仍然係美孚入伙價的10多倍!事實上,某時期的低價,通常都會比上一個時期的高價還要高。等樓價爆破的朋友,要有心理準備爆破後的樓價和今日的價其實差不多。
因此,如果你係用家,諗住長住20~30年,只要供款係能力範圍內,就算97年買樓一樣冇問題,因為樓價升跌不會影響你一早已計劃好既供款,20年後樓價一定會超過買入價(請對比1983及2003的樓價)。
結論:以20~30年長線睇,樓價一定升。短期升跌只係為炒家而設。

補充:
有人質疑為何要用過去30年的升幅去推論未來30年,並表示香港的經濟發展已到頂,沒有可能重覆過去30年的升幅。
首先要搞清楚一樣野,就係物價的上升和經濟的發展不一定有直接的關係,事實上香港今天的經濟規模雖然比1980年時大,但沒有大20倍那麼多(我指實際上,不是數字上)。「物價上升=經濟發展」背後,最重要的因素是「金錢的產量是按經濟發展的需要而增加」,例如10個人的勞動力產生了10件衫,社會就按這10件衫的價值(假設每件$10)製造$100的貨幣,分配給付出勞動力的10個人。社會因為有新增的價值(10件新衫)才去製造貨幣,因此「物價上升=經濟發展」。
但現實是殘酷的。自從上世紀70年代美國單方面脫離金本位後,全球的貨幣逐一跟隨,今時今日世界上所有的貨幣背後均沒有實物支持,純依靠政府的信用進行發行。貨幣脫離了黃金的約束後,製造貨幣可以和經濟發展完全脫勾,經濟好時固然可以加印貨幣,經濟差時更加要印。全世界現時在「沒有新增價值」的情況下,卻可以以火箭升空的速度加印貨幣,結果是經濟沒有大幅發展,物價卻大幅上升。製造貨幣的特權階級成為社會的大贏家,製造實物的勞動者卻被社會嚴懲,扭曲了世人的價值觀。衡量一個人的價值,不是看這個人能為社會作多大的貢獻,而是看這個人能夠從社會奪取的資源有多少。
貨幣脫離金本位30多年,因此過去30年的樓價走勢絕對有參考價值。坦白說,今後貨幣的貶值速度能保持30年只跌95%,已經是非常幸運。

3. 遲早會加息
講得呢句說話,即係話而家息平。係人都知遲早會加息,但重點係息口仲平既時候你還左幾多本金?房貸好公道,本金少左,息會按比例減少,係低息環境下你可以好輕易就還幾十萬本金。即使加息,對你的實際影響極微。
結論:趁息平多還本金,點會怕加息!

4. 供30年樓係樓奴
我寫包單,講得出呢句說話既人學歷不會超過小學6年級。世界上所有銀紙現在均以每30年跌95%的速度貶值,簡單來說,30年後港幣的購買力,和現在的日圓差不多,即是說,今日我借港幣100萬,還到第30年就變左100萬yen。當然,中途你係有不斷供款,但你每期供款的購買力都會貶值,變相你可以用貶值後的貨幣購買未貶值的資產。幻想一下你可以用今日既身家,坐時光機回到1980年買當時既樓。因此,30年的供款期內,供款壓力係會越來越低,因為你的債項不斷貶值。頭10年是最艱苦困難的,中間10年可以有閒錢去下旅行,後10年供款比飲茶錢還要低。
結論:供樓係會越來越輕鬆

5. 唔買樓可以租
供樓壓力會隨時間減弱,因為你用未來貶值後的錢,去還今日未貶值的錢。但租金就相反,你一定要用當時的錢去還當時的錢,即是說,當供款金額固定下來,租金卻係會隨時間不斷上升,例如貨幣每30年下跌95%,租金就會同樣以每30年升20倍的速度上升。當然,這是假設沒有加息。但即使有加息,亦不見得租樓會有著數,因為業主會按成本加租,冇死錯人。
租樓的另一個問題係,你和業主的財富差距越拉越大,假設今天你和業主身家都係100萬,租了2年樓洗左20萬,你的身家變成80萬,業主就120萬,差距係40萬,亦即你現有身家的一半。當然,你投資有道,可以用呢80萬本金賺超過40萬,則另作別論。但假如你唔投資,純做租客,你會白白將日後入市上車既資金送俾業主。租金回報5厘知唔知即係點解?即係話你租20年的話,你就送左層樓俾業主。多謝夾承惠。
結論:年輕人應該同阿媽住,省回租金支出。要2人世界可以租時鐘。

6. 生活質素唔可以妥協
好多人唔接受舊樓、單幢樓、大西北,話唔會為上車而降低生活質素。請讓本人告訴你一個殘酷的事實,如果你的能力只能買舊樓、單幢樓、大西北,你冇資格講質素。如果你係打工仔,每日可以係屋企既清醒時間唔會超過6小時,有乜質唔質素?訓到朝早11點,然後先考慮今日返唔返公司打點一下,呢d就叫質素。
結論:先講資格,後談質素

7. 炒家炒高樓價
錯!實際係「買家買高樓價」。冇炒家唔代表用家會平賣俾你,有人肯接炒家貨,代表炒家有眼光,估計到未來樓價有水位,係先有購買力後有炒家。其實有買過樓都會知,買炒家貨好買過用家貨,議價空間比用家盤大,因為炒家係做生意,計好個ROI唔怕平少少賣俾你,但用家就皇帝女唔憂嫁,大不了住多2年先賣。再者,炒家買完一定賣,穩定供應,用家就有入冇出,炒家有時反而會有調低樓價的平衡功能。
結論:自願的價就係市價

8. 市區樓抗跌力強
抗跌力是大跌市時業主繼續供款的能力,因此,以下類別的物業抗跌力一定強:
一、        大部份業主已供斷的屋苑(沒有供樓壓力)
二、        大部份業主的買入價都很低(供樓壓力極低)
三、        業主真係好有錢(沒有收入壓力)
因此,老牌屋苑(第1類)、新界100萬上下的物業、半山豪宅的抗跌力一定高,其中半山豪宅最強。而老牌屋苑如太古城、美孚新村都位於市區,故產生抗跌力強的假象。
以下物業抗跌力最弱:
一、        被發展商食盡溢價的一手樓
二、        業主多數是高收入打工仔(一旦失業很難在短時間內找到同樣人工的工作)
三、        入伙日期接近爆破日期的物業
此三項條件可以同時出現。

9. 以外幣代替房地產作為儲蓄保值工具
QE配合部份準備金制度,令美元的流通量大幅增加,其他貨幣相對美元因此出現顯著升值。身邊有不少朋友考慮將港元兌換成人民幣或澳元搏升值。
首先,我不反對將手頭持有的少量現金換成外幣對沖港幣貶值。但若果手頭持有數十萬至數百萬港幣,樓與外幣2擇其一,則一定是選擇磚頭實物。
QE是聯儲局在帳簿上無中生有數以千萬億計的美元,其好處有四:
1. 刺激美國本土消費市場,改善失業,這個是官方解釋
2. 用貶值後的美元償還美國國債,借10蚊還7蚊,淨賺3蚊
3. 削弱以美元作儲備的國家之國力,尤其是與美國有大額貿易順差的國家,如中國
4. 增強本國出口的競爭力,尤其農產品
顯而易見,美國以外的國家為保出口貿易與及國家的整体經濟,必須參與印銀紙遊戲令本國貨幣貶值。澳元、人民幣和美元一樣正在不斷印銀紙,盡可能維持現有的美元匯率,由於澳元、人民幣不斷增加貨幣流通量,令本土物價上漲,坊間因而指控美國「輸出通脹」。澳元、人民幣及其他貨幣正在不斷印銀紙,不斷貶值是鐵一般的事實,香港人之所以會產生澳元升、人民幣升值的感覺,是因為美元港元的貶值速度更快。任何一個中國、澳洲的老百姓,在這一刻都會感到自己的貨幣在本國內的購買力越來越低,通脹猛於虎!
澳元、人民幣等貨幣雖然在近期相對港幣有顯著大額升幅,但相對實物例如物業甚至日用品,澳元和人民幣同樣是不斷貶值。將身家投放在澳元和人民幣,只不過是由一條賊船跳去另一條,到最後即使外幣有所斬獲,對實物的購買力無可避免一定會下跌,因為貨幣的供應增加速度遠超實物的生產速度。因此,我是極其反對賣樓買外幣的投資方法。但我要強調一點,人在社會生存一定要有一點現金,購買貶值速度較低的外幣作對沖我是贊成的。我所反對的是以外幣作為主要投資/儲蓄工具。
香港使用人民幣作為儲蓄工具還有一個嚴重問題,就是日限提款2萬元的限制。即使你在滙豐、恆生、渣打、中銀、東亞……等10間銀行各開一個人民幣戶口,提款或轉移100萬仍需時5個工作天。顯而易見,對香港人來說,以人民幣作為大額儲蓄貨幣現時仍然是不可行的。

10. 中國富豪的資金會徹離香港
要分析中國富豪為何在香港買樓買股,就一定要明白中國的國情。在中國要發財,一定要有人脈關係,所謂「關係」,說穿了其實是利益輸送,行賄送禮送女人。這些行為雖然是中國商界的基本功,但名義上其實是犯法的。在中國要發財而又出於污泥而不染,基本上是沒有可能,所有人都有犯法,甚至應說所有人都必須犯法。中國的富豪心知肚明中國是人治不是法治,都會怕有朝一日自己會變成第二個黃光裕或周正毅,突然有一天被人上門抄家,家財盡失,瑯璫入獄。財產只要仍在中國國內,都會有被完全充公的可能,為保獲家產,富豪必須將生意運作以外的錢偷運到境外(走資也是非法的),日後即是不幸在中國被抄家,仍然可以有資金行賄購買自由。否則一旦成為一無所有的階下囚,則一定永不超生。
因此,中國的富豪千山萬水把以千萬計的現金偷運到香港買樓買股,你要他把錢送回中國即是要他的命。香港是中國富豪的保險箱,只要香港的法制仍健全,行政司法仍獨立於中國大陸,中國富豪的資金是不會離開香港的。(國內同胞如欲轉載,請自行和諧)

補充:來香港買樓的大陸人,不限於億萬富豪。根據我所認識的國內朋友的親身經驗(100%真實冇吹水,我甚至有陪同睇樓),一些身家數百萬的小康之家,為求孩子能有香港身份證,又或者想追仔避開城管打胎,都會在大西北、北區購買低價物業作「生仔屋」給老婆養胎。這些生仔屋在完成任務後都會留在香港放租,不會變賣徹資,因為國內同胞不分貧富,都相信香港的法治精神能夠保障他們的財產擁有權。很多一日投訴到黑的香港人其實生在福中不知福。

21. 寄生虫 2013-12-06 18:23:24
但因為政府要做啲嘢回應民粹,因此出三D機關槍狂掃!
無商有民粹!?
CCL 真的疲不能興嗎??高位爭持咋!
你都識講高位,即是太高啦,係咪應跌先?
但後遺症係樓市交投大減、成交急凍,地代慘成炮灰被殲,而專業人士律師、手作仔裝修及銀行樓按部門就陪葬!
除咗地代自己做衰揾嚟衰之外,其他係專業喎揾唔到食?乜你唔係成日話地盤有工無人做咩?
喺美國退市無了期按息仲低;銀行水浸;供不應求持續;通貨膨脹升溫----購買力只不過是被攔截而不是被消滅!
香港都轉型M世啦,銀行都係時候轉下型咯,咪成日只識做樓至得格,汰弱留強做唔掂咪摺埋佢囉!

22. 路人丙 2013-12-06 18:35:55
依家真係打電話都唔使,日日都有海量電話打嚟喺信用咭提錢都係2-3厘多D。
23. to22 2013-12-06 18:39:27
日息呀?
24. 路人丙 2013-12-06 18:41:07
實際年利率。
25. 煲浪追浪 2013-12-06 18:41:29
全世界所有政府都希望自己管理既地方值錢,
每省每縣都做緊同一樣野,
包括美國,直情鋪埋紅地毡歡迎。
當全球有錢人投資於該處為不動產,
人可走但財不可走,型成资金聚集池。
地方政府再推行利民政策提供本土人民福利。
正所謂有錢易辨事,,,,
正正因為此種因素,多國均歡迎置業投資移民。
好囉!家下偉大而濕狗既特丑大話英。
反其道而行,有錢既就唔比移民香港。
反而中門大開,每日150件攞綜援既就無任歡迎。
甘叫做為香港好,哈!哈!
有少少智慧都比条粉腸英笑諗死。
諗樣英好野。
26. Hongkong People 2013-12-06 18:52:37
寄生蟲:  呢個世界並不是髙就要或應該跌,不跌就是大經濟氣候不容許跌,髙或低其實是相對性,今天的高,可能是明天的低。

聰明的投資者都明白一個道理,髙髙未為髙,低低亦可未為低,大氣侯未到時並不是個人的主觀願望可改變甚麼,亦非你在此講贏甚麼人就可逆轉甚麼。

如果你有心改變你現在寄生蟲的狀態,就要虛心及客觀分析各網友的分享,所納良言、為已所用;如果你安於現狀,那就自便吧!有心機同你舌戰的人都上咗岸,日常毋須為两口奔馳,只當是日常的誤樂罷了,解解悶罷了。

言盡了,祝好運!
27. 人在江湖 2013-12-06 19:21:02

人在江湖???身不由己???行政會議通過議決案???誰的好主意???

梁振英重申不推租管

2013-01-18 07:06:00 来源: 香港成报
核心提示:本港樓巿暢旺,近年租金亦大幅上升,有市民昨日向特首梁振英申訴租金高昂,並批評政府未有加以管制,只顧推地建屋,直言對《施政報告》感到失望,更形容是「輸政報告」;不過,梁振英回應該名巿民時表明不會實施租金管制,而他下午出席立法會答問大會,回應議員質詢時,重申不會有租管措施,因為恐怕令業主封盤,造成反效果,害苦其他的租客。
28. 亮劍 2013-12-06 19:36:52
3年前數字兄發文嗰阵,你有5%首期,俾按息1厘,仲唔使倣壓測已經可以上車!
根據屯門地膽汪敦敬話,在大約3年,屯門有成2千幾個2M樓下嘅單位放盤,而現在只得翻6拾幾個。
如果睇完數字兄呢篇文章,又聽佢點,7到8皮嘢首期稅費乜到夠,而供一厘7到8千銀有冇難度?
29. 法子 2013-12-06 20:59:41
26樓所言甚是。
30. 回21楼寄生虫 2013-12-06 21:43:36
回应你第一条提问……

社會只分有能用和冇能用人仕,
你屬於哪一種?


31. 寄生虫 2013-12-06 22:57:44
呢個世界並不是髙就要或應該跌,不跌就是大經濟氣候不容許跌,髙或低其實是相對性,今天的高,可能是明天的低。
但末有辣招前真係高(升)到太急,高到港人內地人以為抄樓可至富,係咪應制止先!

聰明的投資者都明白一個道理,髙髙未為髙,低低亦可未為低,大氣侯未到時並不是個人的主觀願望可改變甚麼,亦非你在此講贏甚麼人就可逆轉甚麼。
若果人人都係智者你哋就冇得寫嘢咯,正是因為羊群心態居多,咪要出招制止抄風囉!

如果你有心改變你現在寄生蟲的狀態,就要虛心及客觀分析各網友的分享,所納良言、為已所用;如果你安於現狀,那就自便吧!有心機同你舌戰的人都上咗岸,日常毋須為两口奔馳,只當是日常的誤樂罷了,解解悶罷了。
其實樓市有冇你哋講得咁Q複雜恐佈呀?講到好似股市升跌市咁,一時又解讀某人某官講過D乜,一時又危言聳聽放風去嚇市民,用幾百個買咗層仲要被你哋講到好似玩股咁,倒不如去抄股好過啦,抄乜鬼樓吖,攞嚟辛苦!樓,只是用嚟安居樂業咋,好心你哋咪鬼成日嚇人咯!
我都一早上咗岸發咗小達,現在總夠食夠三代都夠住,正做謂發財立品都要顧下一代是否買到樓既!


32. 亮刀 2013-12-07 00:09:54
31樓所言甚是,嘻嘻
33. Hongkong People 2013-12-07 01:02:30
寄生蟲兄,下一次能否買樓,都要靠自已長進,做好準備,機會來才能把握; 樓市亦會有自已的起跌循環,現在貴就努力工作、儲蓄,得跌浪時上車; 每曰仇富,打倒地產霸權都無補於事,人哋窮咗都唔代表你會好咗,要認清呢個事實,不要做無謂事。
34. 法子 2013-12-07 08:39:21
同意33樓。

Honh Kong People

用口改變不了自己的命運,但香港現在,這類人多了。

只有改變自己的思維,才能改變自己的命運。

最客觀的標準是「你的思維為你帶來了你想要的處境嗎?」聽你上面所講,你的思維已為你帶來你想要的處境。

我們閒來到這說出心得,但不明白的人還是不明白。他們還只會認為他們的失敗是社會的錯,只懂以「嘻!嘻!」
去令自己的心靈攪得自己贏了。

人很難改變自己的思維。

也罷,去歎茶算了。
35. 亮劍 2013-12-07 08:49:04
喺香討傳統淡友通常都係:
 
有幾個單做緊業主---未補價公屋、居屋或夾屋都叫有樓嘅!
投資有道逢賭必勝---一定揸重 700 ,仲要係幾拾銀嗰陣入!
大公無私我為人人---希望樓價狂插,後生仔可以平價上車!
鬼鬼祟祟成日分身---預測樓市長期唔中,轉新 A/C 再來過!
零主見剩揾人錯處---毫無觀察力,分析力,講親都係廢話!
 
36. Hongkong People 2013-12-07 11:27:55
法子: 有時苦口婆心都只為略盡綿力,他們只有一句聽得進,都可以為他們一世所用,都做一份公德。亦為寄生蟲所謂的發財立品,雖然我並非很發,但無憂亦須感恩。
37. 廢劍 2013-12-07 11:44:29
喺香討傳統好友通常都係:
 
有一個或幾個單位的業主---私樓、未補價公屋、居屋或夾屋都叫有樓嘅!
炒樓有運逢賭必勝---一定揸重貨 ,一係幾拾銀嗰陣入!一係高位嗰陣追入!
自私自利的人---希望樓價狂升,後生仔不可以平價上車!想上車一定要同佢地高價囉貨!
鬼鬼祟祟成日分身---唱好樓市,長期托市,轉新 A/C 再來過!
零主見剩揾人錯處---毫無觀察力,分析力,剩係識係地產網做打手,講親都係廢話!
38. 法子 2013-12-07 13:38:32
回36樓,Hong Kong People,

對!所言甚是。但你看37樓,就知到我們的說話並沒有太大的用途。

自己的處境是自己的思維所帶來的。

改變自己的思維很難,每人也覺得「我對你錯」,包括我和你。所以要有客觀的準則,就是「你滿意你的思維為你帶來現在的處境嗎?」如果自己不滿意自己現時的處境,何不換一換自己的思維。

和你幾啱傾,有機會出來歎茶。


39. Hongkong People 2013-12-07 14:20:40
"自己的處境是自己的思維所帶來的。"

絕對同意。37樓可能收唔倒,但可能有很多沒有留言的小朋友收倒呢?不要灰心,就算沒有一個收倒也不應停止我們做好事的心!

有空歎茶。
40. 亮劍 2013-12-07 14:21:31
你去學游泳,會搵個有牌嘅教練,或連水都唔識游嘅人玩紙上談兵?
有人長期講親都中,又有人連續幾年講乜錯乜,你又信邊個?
自私自利的人?樓價若要上升,一定要經濟好,失業率低,咁有乜唔好?反之大淡日日望業主燒炭食2手飯,最好香港海嘯爆核電廠,沙士乜流感日日發生⋯⋯以便佢哋低吸業主跳樓貨!邊個自私自利先!
鬼鬼祟祟成日分身?我之前用王先生,呢兩年叫亮劍,我講事實又中咗七八成,仲要換名?
有沒有觀察力,分析力,公道自在人心!

41. 寄生虫 2013-12-07 16:23:23
寄生蟲兄,下一次能否買樓,都要靠自已長進,做好準備,機會來才能把握; 樓市亦會有自已的起跌循環,現在貴就努力工作、儲蓄,得跌浪時上車; 每曰仇富,打倒地產霸權都無補於事,人哋窮咗都唔代表你會好咗,要認清呢個事實,不要做無謂事。
真的能長進就可買樓?你的意思是否說買不到樓的就是不長進?若果樓價升到比人長進速度還快,試問香港又有幾人真的能長進就可買樓呢!?正如你所講真的要等大跌市才能上車咯!
我仇富?抑或是你仇窮呢?與你持反對就是仇富,咁你看事物都幾客觀下喎!?

42. BC 2013-12-08 08:30:39
回法子兄、亮劍兄:
在香港有智慧及能力的人不少,但肯分享自己成功經驗及不為自己榮譽的人就不多。我相信有不少的讀者好似我一樣每天也看你們的文章。世界上總有不同看法,如果滿足自己的現況就沒有原因去改變自已想法、投資行動及結果。請不要太在意反對的聲音。謝謝你們的分享!
43. Hongkong People 2013-12-08 11:30:44
寄生蟲兄: 我出社會工作時,樓價一路爬升至97年髙位,那年代就算你父母幫你俾首期,年息12厘,供款亦非两個大學生夫妻所能負擔,我們那一代適婚人仕都覺得非常絶望,以你的意見,你覺得應該你們絕望點還是我們更應覺得絕望。

但我們的態度俾現在年青人很不同,我們都只是努力工作,努力儲蓄,坦白說我們當時努力儲蓄的目的已非為買樓,因為經濟下行,加上政府政策錯誤,經濟及樓價正如我所謂的低低未為低,就算你是大學生或碩士,在那時都少不免被炒一兩次,然後揾返份工但人工被減一两成至兩三成,所以儲蓄是為防飢。捱得過,儲蓄倒,樓價低時又有膽色上車,再投資,就奠定我們這一代上岸的一群,所有成果都得來不易,有我們的血與汗。


44. Hongkong People 2013-12-08 12:00:37
續:我們這深受政府政策之苦,有時真不願下一代受同樣的苦;香港經濟無疑是很受地產影響,不很健康,但現況亦非誰人可改,喜歡不喜歡都要接受。政府不顧一切打擊樓市,在市底厚時尚可支持,如果不適時收手,樓價跌時所帶出來的下行動力,亦非政府可以逆轉。

現在的人要求政府出招,在我們看來有"找死" 的意味,而我們這一代眼見上一代經歷97信貸過度的失敗後,投資漸趨保守,以本人為例,信貸只佔總資產的两成左右,所以經濟或者樓市下行對我們的衝擊,遠遠比不上對一般年青人的衝擊,我們只是賬面上的損失,不影響生活,年青人可能就是生計的問題了,到時別旨意政府救你,政府會財赤,會告訴你要加稅及開徽銷售稅,公共醫療不能維持要加價,到時就上帝保祐你們。非危言聳聽,十幾年前才剛發生。


45. 亮劍 2013-12-08 12:15:39
我本身係一個60後,同學、朋友及同事年齡相約,佢哋唔少都有下一代,過多十年八年都會面對啲細路置業問題。

我看到一種情況好值得攞出來講,通常到咗4到5拾歲,衰啲講句,死就一世,唔死半世,你有乜家當終老,定咗七八成!

我身邊同齡人仕,如果神早買咗私樓嘅,現在資產淨值無一千都六七八。咁第二時啲細路要買樓俾首期,係咁2攞層樓去按,唔信幾拾個都班唔倒!

買咗居屋夾屋情況亦唔弱,不少人供甩咗樓,就算仲供緊者,兩叄仟都係有限錢,那麼以後啲细路要上車,幫手幾拾個,勉強都能負擔!

有人船頭驚鬼,船尾驚賊,所以選擇租樓,咁呢二十多年佢哋嘅業主咪多謝他們幫手供樓囉,啲錢去曬業主嗰度,莫講幫手俾首期,隨時連自己嘅退休計劃都要有故講!

後生就立志上公屋嘅人,情況就比較尷尬,佢哋當中有啲係本來有能力上公車或私家車,但他們本著食得唔好嘥精神去攞間公屋,咁呢二十多年交少咁多租,應該剩埋唔少,可能因此發埋達添⋯⋯
但更大部分嘅個案,係因為他們處於唔需要競爭嘅環境,就好似動物園嘅動物一樣,徹底失去求生本能,現在佢哋人到中年,屋又冇,錢亦少,心情幾難舒暢。
而佢哋嘅下一代耳濡目染,亦抱公屋係權利嘅心態,激進反對派有咁多支持非常合理!

但他們有冇想過,佢哋有今日,係邊個害佢哋?
46. 寄生虫 2013-12-08 16:44:43
我們這深受政府政策之苦,有時真不願下一代受同樣的苦;香港經濟無疑是很受地產影響,不很健康,但現況亦非誰人可改,喜歡不喜歡都要接受。政府不顧一切打擊樓市,在市底厚時尚可支持,如果不適時收手,樓價跌時所帶出來的下行動力,亦非政府可以逆轉......
唉!講來講去你都希望樓價大上大落好等你再執到第二桶金,其實你已在97後的樓災執到第一桶金,就應該好好利用這些錢去發揚光大,唔應該守株待兔式,想再用同一方法去揾第二桶金,政苦出招對炒家確是痛苦,但對用家對樓市長遠計是良藥,想樓市急升急跌去賺錢絕不會受社會認同的!!
47. DC 2013-12-08 18:26:18
因為你地已經唔屬於香港呢個地方,香港將來會變成摩納哥既蒙地卡羅,人圴收入將會越來越高,中國富豪眾居此地,騰訊主席馬化騰一買就買石澳,可見窮人只能越搬越北,最後搬離香港。香港消費物價指數會隨港元貶值越來越高,大陸富人攻陷香港只係時間問題。人民幣不斷升值之下,香港人的確無計可施,但至少現在香港窮人仲有機會買到中國二三線城市既樓,但過多十幾廿年之後,佢地將會發覺中國地方雖大,卻無處容身,到時候莫講話香港樓,甚至連大陸樓都買唔起既時候,就真係非常之悲哀。
呢個現象其實都出現在很多歐美國家,當大城市居民沒能力負擔高消費之時,佢地搬到阜仔居住其實係好常見既事,只係現在所謂既香港人活在當下,唔能夠接受呢個事實,因為曾經貴為香港人既佢地,絕無想過有朝一日佢地連做香港人既資格都冇。香港未來競爭力會將會每況越下,高端服務業工作機會不斷流失,惰況就好似加拿大既溫哥華,冇工做,生活指數又高,樓價又貴,但一樣有一班有錢人住係當地,窮人則搬到阜仔找工作並且定居。
當貧富差距越來越大既時候,正所謂長貧難顧,香港政府到時也愛莫能助,終有一日會放棄呢班窮人,而佢地亦將續漸消失於香港。不管你接唔接受都好,呢個係趨勢,亦都係事實。所以我只能同買唔起樓既香港人講聲,祝君好運!
48. 珍惜香港 2013-12-08 19:30:47
珍惜香港TO:亮劍、法子、Hongkong People

忙咗幾日返嚟睇下個地產網,咦?乜果個寄生虫又搞到大家咁熱鬧?其實各位响度苦口婆心,倒不如先睇睇我同佢之前嘅對話,再諗諗有冇需要再浪費時間响佢度啦!

佢話喎:香港竟淪落到要靠房屋才 能至富,至富不需要讀書和工作,只靠炒樓就能。
我就話:低稅率退休要靠自己,物業投資都喺自力更生,年青時犧牲好多,沒努力讀書工作怎能上車。

佢咁講:叫年青人努力讀書只是滿足地代佣金收入,又話地代為了有更多佣金收入叫人用未來錢推人落火坑
我就說:地代也是自食其力之行業,必須予以尊重;買樓置業非玩泥沙,是消費者個人選擇,不能遷怒地代。

講到辣招,佢話:辣招就是令買樓成本增加樓價升幅亦慢了,辣招的目的亦已達到。
我就咁樣回應佢:辣招只喺對買家起作用,而賣咗又買唔番,如果唔喺辣招,個市價仲冇依家咁高。

佢提到加息:試下現在定期做八厘供樓十幾厘吖,睇下仲有冇供不應求的現實;一手定價又關租值乜Q事。
我就回覆佢:息口只喺間接,真正影响個市嘅喺供求;一手二手都喺响度睇緊個市場,而租值對市場喺好關鍵。

佢見我用加租做例,就發我難:珍惜香港就要為香港未來年輕一代着想。
我趕住要閃,就輕描淡寫覆佢:「珍惜」同「寵」,喺兩回事嚟嘅!

但有樣嘢佢真喺逗得我好開心,就喺我後來串佢喺井底寄生虫,佢就話自己收租嗰陣我仲响度食緊奶喎。我從來都覺得自己只喺個o靚仔,有人爭住咁認老,我真喺好 LIKE!不過,佢咁唔妥啲物業投資者同收租佬,又話自己收租四年可平平地 full paid 買多層細樓;坦白講,响呢度留言,邊句真,邊句假,好難證實嘅,只喺一個人嘅理念同立場,己經代表咗好多嘢
49. 珍惜香港 2013-12-08 19:39:57
珍惜香港TO:亮劍、法子、Hongkong People(續)

其實我地冇一個針對緊果個寄生虫,不過佢已經先入為主,以小人之心去認為我地想樓市急升急跌去賺錢,又覺得我地响度以言托市。如果呢個博客真喺咁有影響力,話升就升,唱淡就跌,咁呢度嘅網主咪好容易發到豬頭咁?我講過好多次,機會喺唔會放過,但做人唔可以咁黑心。依家樓市咁嚴重供不應求嘅狀態,未來十年都好難改善,要樓價大跌,香港經濟一定喺出現咗嚴重嘅創傷甚至喺災難,如果喺咁,冇一個人可以倖免。

但如果好似果個寄生虫咁講,啲息加到定期做八厘供樓十幾厘又會點?之前我問過無奈兄對香港仲有冇信心,咁多「如果」,咪乜都唔使做?仲有要注意嘅,喺港幣同美元掛勾,而唔喺港幣等於美元,你話「如果」啲嘢就會發生?莫講美國巨債直迫廿萬億,有排唔使旨意加息,單睇香港自己嘅經濟結構,又有乜條件加息?就算 P 要加,咁 P 加乜乜或者 P 減乜乜果個乜乜,都要睇樓按市場嘅供求嚟定。至於定期做八厘呢味嘢,就要睇下香港金融體系嘅核心,即喺個借貸鍊,有冇條件俾到八厘息去你地果啲存款度,我唔敢話呢個喺天方夜譚,不過我只諗到兩個可能性,一喺香港發現咗金礦鑽石礦或者石油,二喺香港人口要跌一半,而剩低果一半要喺最有生產力果批。

所以果個井底寄生虫嘅神經刀,有時又可以引發我地分享多啲嘢,又真喺衰唔晒。對呢個死硬派,苦口婆心喺冇乜用嘅,倒不如好似我咁,借題分享一下心德,令多啲其他虛心正面嘅人獲益仲好啦!
50. 法子 2013-12-08 20:12:18
謝謝各位前輩例如 Hong Kong People、BC、DC、珍惜香港、亮劍等在此留言,互相討論。

讓我在此不才多言幾句。

第一:處境係由思維所帶領。不滿自己現況的,如果不改變思維,是改變不了處境。長期的成功,不會是因為好運。有兩個例如,很多統計得到巨額獎金的人,經過數年追蹤,很多都變得比得獎前更差。因為他們得到的並不是思維,而不是錢。又例如,富不過三代。也是一樣原因,很多時,富二代得到的是錢(有些有學歷),但始終得不到上一代的思維和態度,所以守不住財富。


第二:失敗的人多會覺得原因不在自己,在別人、環境等。例如,買不到樓是因為這社會的樓價太高。原因不在自己。聽到我咁講,他們很自然的一句:「我一日做足12個鐘,一個月揾得$xxxxx,點買樓吖?你話喇。」我就係等你呢句,做12個鍾係好辛苦,但你把成功的最重要動作無做,想外判畀人。呢個動作就係「想辦法」。


51. Hongkong People 2013-12-08 21:13:07
有時都要多謝寄生蟲,他的存在,誘發我們留言的興趣,希望其他小朋友收得倒一言半語,咁都算佢有D用。

我哋大家一齊努力,希望救得幾多得幾多,一两個冇得救,不要灰心。

法子: 不敢以前輩自居,小女子乃70後; 憑文字嘅功力,雲師兄同亮劍師兄,先係我哋嘅前輩。
52. 法子 2013-12-08 22:58:52
這也許是寄生蟲的功用,令我們多了留言,讓更多人得著。

是大乘。
53. 法子 2013-12-08 23:00:24
原來 Hong Kong People 係師姐。失敬!
54. 法子 2013-12-08 23:03:17
在這網站認識了亮劍,有時會出來食飯。

他為人謹直,絕對是我前輩。
55. 寄生虫 2013-12-09 00:08:35
佢話喎:香港竟淪落到要靠房屋才 能至富,至富不需要讀書和工作,只靠炒樓就能。
我就話:低稅率退休要靠自己,物業投資都喺自力更生,年青時犧牲好多,沒努力讀書工作怎能上車。 
認同
佢咁講:叫年青人努力讀書只是滿足地代佣金收入,又話地代為了有更多佣金收入叫人用未來錢推人落火坑前面好一大段又冇咗,而且這一段唔係同!你知唔知醜架!
總之你篇嘢作嘢致叻係你咯!好末!!真係笑死人!
56. 寄生虫 2013-12-09 00:33:23
段是我昨年在這網頁,化身吾明身份與上善若水兄等心講佛偈時亂作的,至今亦可在這用得着,嘻嘻
佛法說 一切法山心想生, 就是萬事萬物都是由心想生的, 事物不是由什麽別的事物構成的, 而是由想法,概念,信息,這些東西構成的, 人類內心最大障礙是妄想 分別 執着只要有妄想 分別 執着你就接觸不到事實的真相, 危難現前災難現前, 他們還是不知道, 說這是自然災害, 實際是人心是可改變環境的, 就如社會上各階層如有妄想 分別 執着那就難於和合了.
57. 珍惜香港 2013-12-09 01:44:11
珍惜香港TO:55/F 寄生虫

一時話我長篇大論,一時又話我寫得太撮,cut 咗啲頭尾同細節,你真喺好難服侍喎!不過咁,我已經包埋連結响每一句度,可以 click 入去睇,你大可以放心,啲讀者喺唔會被誤導咗嘅!至於最後點寵法呢樣嘢,我冇諗過咁明顯你都要問,不過如果你真喺唔明,就 click 入呢度自己睇啦!
58. 珍惜香港 2013-12-09 10:32:30
珍惜香港TO:47/F DC

好遺憾,閣下講嘅嘢,的確喺事實。

唔少人好似果個寄生虫咁,見到啲嘢升,就覺得好快會跌,見到啲價高,就覺得喺泡沫。所謂危難,所謂災難,就只喺用週期呢樣嘢去解釋咁簡單?如果只喺狹窄咁聚焦樓價呢一樣嘢,就真喺執著緊啲唔知乜嘅妄想囉!

香港唔喺一個自給自足嘅城市,賺取外匯嘅能力喺好重要,要養得起七百多萬人,賺幾多外匯至夠?呢度已經百業衰亡,剩低嘅就只有金融地產旅遊零售。庸梁上任之後,除咗因應民綷,將有潛質發展嘅醫療教育產業強拉落馬之外,果四個剩低嘅支柱行業,冇一個未被打壓過,尤其喺佢地賺取外匯果部份,更喺重點嘅打擊對象。响庸梁嘅消極施政之下,閣下講嘅現象,喺會加速咁發展。

中港融合,喺大趨勢;富貴南下,貧者北上,亦在所難免。不過,我又唔覺得呢樣嘢,有幾悲哀。

一個城市冇咗競爭力,最終會被國家淘汰;一個人冇咗競爭力,最終亦會被社會淘汰。我唔太擔心香港,因為中國要全面開放,都唔會喺呢十年,甚至廿年之內嘅事;內地嘅有錢人,會選擇响香港置業,佢地內地搵錢,香港消費,就產生咗另一個流入外匯嘅渠道,對香港喺好事。不過果個寄生虫會好唔高興,因為佢話果啲乜乜佛法,乜乜危難現前災難現前果啲嘢,就好難對現囉!

而我地呢啲小蟻民,喺冇可能去左右時代呢個巨輪嘅;我地只可以順勢而行,用雙手去創造自己嘅命運。响香港嘅年輕人,只要肯努力讀書,就已經成功咗四份之一;加埋肯努力工作,就已經成功咗一半;再加埋肯先苦後甜,置業投資,就已經成功咗四份之三;剩低果四份之一,喺運氣,不過如果你咁黑仔,就惟有認命啦!至於終日埋怨社會果啲發聲嘅素求一族,佢地被社會淘汰,只喺遲早問題,呢啲人咎由自取,我地喺冇必要去同情佢地嘅。

首富話齋,政府喺應該俾年輕人有創富嘅機會,而唔喺向有能力嘅人開刀。香港最終喺要商人治港,唔可以共人治港錯嘅政策喺唔會捱得耐嘅,我地要對香港有信心嘛!
59. 寄生虫 2013-12-09 15:05:23
假設我才剛剛大學畢業去就業,又假設非常幸運揾到份工月入三皮,現在目標想入五球自住貨,五球對你們來說應不會是大想頭可,亮劍的已有樓既朋友想五球換九球添,五球的目標好合理吖!係咪
又假設每月樓價以單式1%上升計,即是每月升咗5皮嘢,我又費事有人話受政苦寵可以一成首期首置買樓,就用回儲樓價5成吧!都要儲250萬首期,仲末計以每年複式上升一成二計,有人可能馬上就,嘩!點會每年上升成幾呀!但如果真係取消哂所有政府出的辣招,回復到97前的境況,可能成幾已經是非常保守的升幅,請問大家以我的長進態度,可以何年何月才買到樓呢?
60. 博士 2013-12-09 16:08:46

我估計,香港樓市泡沫即將爆破,我班粉絲請繼續落力唱好樓市,告訴香港市民樓市供應不足,越遲買越貴,因為我要高位出貨,遲D樓賤𠴱陣,我會以白武士身份出來拯救樓市,發達low,嘻嘻!
61. 煲浪追浪 2013-12-09 16:11:09
其實早在曾生年代, 佢已經大大声叫人騎馬追馬,以戰養戰。 可惜香港地太多醒目仔。 重係自己以為係醒果下攞你命3000。 再呃下自己添,就到架哪!
62. 寄生虫 2013-12-09 16:15:47
首富話齋,政府喺應該俾年輕人有創富嘅機會,而唔喺向有能力嘅人開刀。香港最終喺要商人治港,唔可以共人治港錯嘅政策喺唔會捱得耐嘅,我地要對香港有信心嘛!
唔知點解我睇你這段文,突然覺得是嗰啲掛紅旗打黑旗嗰啲人既,可能近日睇多咗這些言論,多心咗!勿径
63. 亮劍 2013-12-09 16:36:16

非常幸運揾到份工月入三皮,現在目標想入五球自住貨,五球對你們來說應不會是大想頭可,

30 K就走去入件 5 M 首置,何只大想头?咁等同玩火先真,不過好彩你想去自殺,都無銀行同你癲,除非你有父母支持首期,合理安排係入件 3 M 先!

亮劍的已有樓既朋友想五球換九球添,五球的目標好合理吖!係咪

我住嗰個區,細碼貨都要 5 M 起,我問過地代,呢幾年入市嘅人,以換樓客同投資者為主,問唔中都有一兩個上車客嘅,咁一係拒老豆老母科款俾首期,一係大陸或鬼佬客!

 

又假設每月樓價以單式1%上升計,即是每月升咗5皮嘢,我又費事有人話受政苦寵可以一成首期首置買樓,就用回儲樓價5成吧!都要儲250萬首期,仲末計以每年複式上升一成二計-----

父母冇資助上件 5 M 已經要推出去打靶,更離曬普係五成首期,細个都有人教你睇餸食飯,政府都叫人唔好咁勇,如果上件 3 M 七成供 25 年,每月供 9 仟,在加上壓力測試之後都唔使万叁,月供幾成過唔過份?

 

有人可能馬上就,!點會每年上升成幾呀!但如果真係取消哂所有政府出的辣招,回復到97前的境況,可能成幾已經是非常保守的升幅,請問大家以我的長進態度,可以何年何月才買到樓呢?

首期三成咁儲一球又過唔過份呢?就算計埋樓價升幾成,百叁好未?你要供樓每月要不要預半份糧先?咪七年囉!揾埋另一半夾份,四年咋!如果有人幫幫手幾年就得啦!

 

64. 東 2013-12-09 16:42:31
To 59

真係睇唔過眼, 要出下聲

你的例子, 月入三萬的畢業生, 唔靠父母, 買500萬, 仲要俾五成首期的人, 現實上會有呢種人嗎?

如果果個人肯退一步, 遠少少舊少少細少少, 買300萬又點計呢?
三萬, 一個月儲2萬, 兩年有48萬, 雖然勉強, 但借九成已經上到車啦

你要用咁極端例子, 不如叫佢買半山幾億豪宅, 然後話儲十世都唔夠算啦...
65. 法子 2013-12-09 20:37:38
亮劍、hong kong people、BC、東兄、浪兄,

我們真能向一條魚解釋在陸地上行走的感覺嗎?

隨它吧。有些物種生出來就叫人,有些物種生出來就叫象,有些物種生出來就叫虎。生態中,各有各的角色。

一切皆是道
半點不由人


66. 寄生虫 2013-12-09 21:46:31

 30 K就走去入件 5 M 首置,何只大想头?咁等同玩火先真,不過好彩你想去自殺,都無銀行同你癲,除非你有父母支持首期,合理安排係入件 3 M 先!

都話咗係目標咯,點解又會比你解讀成已儲夠首期可以馬上向銀行上會買樓既,唔好像用平時亂解讀某人某官說咁喎!請你重新看我這篇文再回應吧!唔該!其他段回應咯,因你解讀錯哂嘛!

我住嗰個區,細碼貨都要 5 M 起,我問過地代,呢幾年入市嘅人,以換樓客同投資者為主,問唔中都有一兩個上車客嘅,咁一係拒老豆老母科款俾首期,一係大陸或鬼佬客!

 

父母冇資助上件 5 M 已經要推出去打靶,更離曬普係五成首期,細个都有人教你睇餸食飯,政府都叫人唔好咁勇,如果上件 3 M  七成供 25 年,每月供 9 仟,在加上壓力測試之後都唔使万叁,月供幾成過唔過份?


首期三成咁儲一球又過唔過份呢?就算計埋樓價升幾成,百叁好未?你要供樓每月要不要預半份糧先?咪七年囉!揾埋另一半夾份,四年咋!如果有人幫幫手幾年就得啦!

 

67. Hongkong People 2013-12-09 22:44:48
對牛彈琴咁耐,我已經夠皮啦!醒嘅小朋友收得倒就收啦!我無重覆又重覆,自己都覺煩!

不過睇倒各網友的回覆都幾有趣味,亦有得著;大家努力啊!
68. 寄生虫 2013-12-10 09:53:56
乜你哋唔係好識教人買樓架咩!?我這條例子,對你們連日來理論理據而度身訂造,又點解答不到之餘還說是極端的例子呢!?