地產博客 > 文亮言 返回
瀏覽人次:20594    回應:23
文亮言

唔發火當病貓

 

湯文亮博士

紀惠集團行政總裁
2021年8月4日

  大約兩個月前,我要求全部員工去打疫苗,否則就要搬去另一個寫字樓隔離工作,當時只有大約三成員工打了疫苗,通告出了之後,不足一個星期,所有員工都打了疫苗,不過,有員工向我反映,當他們問那些替人打疫苗的醫護,原來問五個,只得一個打了疫苗,老實說,醫護的態度很好,但就叫打疫苗的人尊重他們的意願,而他們的意願就是不打疫苗,政府以此態度谷針,到明年也不夠七成。

  同事不明白,點解政府唔叫公務員、醫護、教師打疫苗,反而將餐廳分ABCD,又有限聚令,封關就唔在講,我話政府大把錢,封關十年也不怕,庫房唔夠錢可以加稅,甚至發債,但私人企業就不同,再唔通關,不少私人企業要結業,失業率將會大幅飆升,所以,不少大機構推出獎品吸引市民打疫苗,但始終政府不急,生意人急又有何作用。

  有初級官員向我表示,有很多公務員都有三高,不適宜打針,我話有冇搞錯,公務員55歲退休,就算有三高都不是太多人,以此理由拒絕打疫苗,似乎不大成立,而事實上不打疫苗,公務員每兩個星期可以用公費做檢測,又有半日假,打疫苗只得一日假,太不化算。

  政府發威,先向教協開刀,不再承認教協,大家以為一向與政府為敵的教協一定會作出激烈反駁,原來大家估錯晒,教協話從來沒有煽動學生罷課,反對政府,支持社運,亦只承認一個中國,是否很奇怪。

   林鄭見發火有效,藉此機會要求公務員、醫護、教師打疫苗,否則就要每兩個星期自費檢測一次,大家又以為會有不少公務員團體反對,原來又唔係,大家乖乖地逆來順受,政府終於知道,唔發火就會被人當病貓。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
3. 十一哥 2021-08-04 14:09:06
勝負對錯…取決在timing拿捏、早發威令人覺得霸道…賊佬未暴亂就會做咗英雄、示弱放縱行先…揼鷄引蛇出洞、等殺埋良民…先至逐隻的嚟捽、而家小女子言不由心…好多同志唔敢㩜…仲要加多幾錢肉緊加多腳踩。
4. 引刀一快 2021-08-04 14:52:04
勝負...十一仔負,對錯...十一仔錯。錯咗快六年。
5. 十一哥 2021-08-04 15:54:07
冷落咗女性朋友、顧住應隊刀刀嘅海鮮…又要比佢食清袋、梗係負加錯啦!
6. 引刀一快 2021-08-04 16:26:57
輸咗唔忿,咪又係輸。
7. 浪子心聲 2021-08-04 18:54:40
特首發火有用嗎? 香港需一個能為香港帶來希望的領導人,講一個好的「香港故事」,一個「童話故事」。

這個特首在香港面對國際新格局,特別是外部勢力已從「非暴力的顏色革命」轉為「暴力恐怖活動」亂港,還對大眾講一個「香港恐怖故事」,早幾個星期她大大聲講,解決香港房屋問題「重中之重」,但個個方案都「難之又難」,令人感覺香港短期內應無法解決,土地供應不足是常態,有錢就快啲上車,遲啲重貴。這個是香港年輕人的「恐怖故事」,是地產商的「童話故事」,還讓她發威再講「香港恐怖故事」,香港死得。


8. 元 2021-08-05 07:12:51
今年國慶有好消息!!!
林太10月6日,施政報告,夾晒稿。

香港雄安區。

利申:估
9. . 2021-08-05 09:09:08
之前個個都填紙仔,而家咪死死氣安心出行。一於制造多多麻煩,最好3日一檢。

看出政府官員已很努力,抗疫雖不太理想,但環顧全球,已是抗疫高分,
能平衡抗疫同時,維持經濟活力,不似死城。

很多時市民只有罵聲,看不到功夫。

例如香港無全民醫保,但醫療保險,公、私營醫療也平衡得很好,兼顧各方利益,值得國內借鏡。

香港生活指數高,但一般看私家醫生,幾百元包藥費,問心講,是非常合理的。


10. 浪子心聲 2021-08-05 10:13:36
8樓,你係林先生,咁都畀你估到?
12. 元 2021-08-05 12:12:17
10樓,

澳門賀特,國家級高人…講到明。

大湾区文件都写晒出來。

在於几时公佈。
14. 引刀一快 2021-08-05 16:40:13
灣元,第一次讚,承你貴言。
15. 引刀一快 2021-08-05 16:41:47
飛地,係香港未來福祉,係大灣區動力。
16. 十一哥 2021-08-05 22:03:03
刀刀唔係比11哥老點咗啩、咁谷氣嘅…呢幾年好坎坷呀?唔怕…擺下就會變獵得穿…當遺產益子孫都好吖!
17. 引刀一快 2021-08-06 06:36:40
十一仔,又認屎認屁?

大陸啲嘢你都唔識嘅。
18. 十一哥 2021-08-06 09:32:47
刀刀山旮旯捐到咁熟、啱嘅…11哥淨係識多小大城大埠、
19. 元 2021-08-06 12:49:46
林引刀,

断估而已。 澳门飞地,横琴得以发展, 双赢。

以此推论,香港为乜唔搞?

大湾区纲要写到明,渐进发展飞地。迟早嘅事。
20. 引刀一快 2021-08-06 13:36:37
無釐頭尻,廣州你都唔識,講咩大城大阜?廣州邊忽係山旮旯?日日尻噏玩催眠?
你企圖老點嘅係年輕讀者,識少少中國狀況嘅,邊個睇你?
21. 十一哥 2021-08-06 17:42:45
刀刀  11哥識嘅廣州揾唔到一萬幾千一方嘅鴿乸、老千最叻講神話…好多航拍好好睇…住落就揾唔到人傾偈、出租又揾唔到客仔。
22. 引刀一快 2021-08-06 19:19:29
正牌尻噏,你根本完全唔識冇接觸大灣區樓市,係咪睇星辰花園電視廣告雜誌幻想出嚟?
23. 十一哥 2021-08-06 23:55:28
刀刀 香港揾到食…又洗乜學人向北流呢…
24. 引刀一快 2021-08-07 02:29:47
呢個網站向來唔需要提揾食呢樣嘢,十一仔唔知碇。

不過,姑且反問一句,咩人香港揾唔到食,返大陸反而揾到?

打更?

十一仔啲邏輯好弱。
25. 十一哥 2021-08-07 09:24:00
刀刀  香港un un脾輕輕鬆鬆大茶飯、為乜笨7跑山撲水去幫趁…很大、明未?…不過明係冇用嘅..…

26. 引刀一快 2021-08-07 15:48:01
十一仔又喺度詆毀大陸。
27. 引刀一快 2021-08-07 16:09:33
十一仔UN UN屎忽有大茶飯,點解又山長水遠搭十幾個鐘頭飛機去剷半年雪?

睇唔起大陸呀?