地產博客 > 文亮言 返回
瀏覽人次:10787    回應:1
文亮言

唔打疫苗的伙計只是恰舊老闆

 

湯文亮博士

紀惠集團行政總裁
2021年7月21日

  今日中午有老友請食飯,佢問我公司同事是否全部已經打了疫苗,我話托賴,本來只是一半打了,但某一日,我唔知HR點同其他同事講,突然間全部都走去打疫苗,雖然公司是有獎勵,但時下年輕人,話唔打就唔打,錢對於他們來說是不重要,老友話,他的公司所有同事亦打了疫苗,但做法是暴力一些,他將唔肯打疫苗同事全部解僱,並且準備和勞工處打官司,點知又風平浪靜,都算執一身彩,但炒了一半人,根本是人手不足,更何況現在生意轉好,不過,老友始終唔敢請未打疫苗的人,因為一人確診,公司就要停業21日,始終博唔過。

  老友問我有冇人可以介紹,不過要打了疫苗,我話有,就是那些被他炒魷的同事,如果他們搵到工作就無話可說,如果還未搵到,不如搵舊同事回巢,話哂大家都合作慣,老友話,搵舊同事冇問題,但恐怕他們唔肯打疫苗,我話放心,他的舊同事在離職後,如果要搵新工,資方一定會問是否打了疫苗,如果話未打,受聘的機會應該不高,既然新工要打疫苗,點解舊工不用打,而事實上不打疫苗的伙計是恰舊老闆,你要在舊同事面前當自己是新老闆,他們就唔敢恰你,一定會乖乖地去打疫苗。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 十一哥 2021-07-22 09:09:44
出街先至明白…野放冇良知。