地產博客 > 文亮言 返回
瀏覽人次:12963    回應:5
文亮言
納米樓如名車平價版
 
湯文亮博士
紀惠集團行政總裁
2019年11月20日

  昨日早上,金國汽車老闆話生意淡薄,不如搵日食飯吹水,我話擇日不如撞日,就約昨日食午餐,戴老闆問,點解樓市咁硬淨,社運發生了超過五個月,最多亦只不過令中原指數下跌5%,但在林鄭宣布新按保計劃之後,指數不但連續上升兩個星期,上星期更加大升1.5%,而且成交量亦大幅上升,不過,過去很受歡迎的納米樓不但樓價沒有上升,而且成交量亦非常低,問我是否可以解答這個謎團。

  我自小就已經被人話見人講人話,見鬼講鬼講,現在更加變本加厲,為了人身安全,一定要遇黃愈黃,遇藍愈藍,同戴兄弟溝通,一定要用汽車行業例子,我反問戴兄弟記唔記得在二三十年前,不少名車為了開拓中產市場,推出了一些經濟版,其實應該是平價版,初推出之時的確得到不少中產歡心,但幾年之後,他們都呻笨,原來那些名車平價版售價,大約是正價版的六折,如果名車正價版原價100萬,那些平價版大約是60萬,三年之後,正價版大約可以賣到50萬,平價版最多能夠賣到10萬,大家都折舊了50萬,所以,那些買名車平價版車主想唔呻笨都唔得,如果俾那些車主再買車,大家估下他們是會買正價版抑或是平價版,所以,現在都聽唔到有名車推出平價版,我這樣講,戴兄弟立刻明白。

  其實買納米樓比買名車平價版的人更加呻笨,因為買納米樓是用了他們的丁權,如果要買第二個單位不但不能申請新按保,而且還要多付15%印花稅,所以,現在基本上很少人會買納米樓,沒有需求,樓價當然不會上升,所以,在可見將來,地產商是不會有興趣建納米樓,當日我不時勸年輕人不要買納米樓,我並不是知道林鄭將會推出新按保計劃,而是希望年輕人不要浪費他們的丁權,有需要的話是好值錢。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 納米樓 2019-11-20 12:48:39
今日果幅圖片, 個電視點解裝到咁高嘅? 好似以前公屋咁。點解唔搵個櫃鎖起部電視?
2. 十一哥 2019-11-20 14:10:55
投資納米樓…猶如買鑽石諗住保值。

3. 引刀一快 2019-11-20 20:27:46
係咪可以用某台柱嘅“沙漠蒸餾水理論”去解釋呢?

100萬版本抵買抵用抗折舊啫,但係唔夠錢都要焗住買60萬版本喇。
如果唔想買咗之後,逐年覺得唔夠100萬版本抵買,好簡單,只買不賣,精神勝利法萬歲。
4. 引刀一快 2019-11-20 20:41:07
其實,買咗平版納米樓又未必真係輸嘅。
60萬納米樓,慳出40萬,攞去買大灣區,兩間屋,總面積一定大過100萬果間好多,分散投資之餘,擴闊生活空間,提升生活品質,三十年河東三十年河西,或者60萬果間嘅折舊,俾間大灣樓補返凸㖭啵。
5. 地產人 2019-11-20 20:41:42
納米樓收租回報比較高,市道差時防守力強一點.