今次台灣總統選舉，國民黨派出總統候選人弱過弱雞，唔好講香港人，就算台灣人都唔知候友宜係邊個，大家都認為民進黨賴清德坐定粒六，於是搵個半唐番做副總統候選人，而事實擺在眼前，
根據當時民調顯示，民進黨佔40%，國民黨佔30%，稍微輸比民衆黨柯文哲，一般人認為民進黨應該可以大勝，問題是是否可以過半數。
正當大家以為民進黨贏梗的時候，國民黨搵評論員趙少康做副手，老趙在30年前競選台北市長失敗之後，一直做政治評論員，在藍綠都算吃得開，老趙答應之後，國民黨民調開始上升，當大家以為或者連老趙都以為是自己功勞的時候，其實並不是，而是國民黨推出兩項幫助年輕人以及退休人士房屋政策，我講大家都唔會相信，這兩項政策有機會是向香港偷師。
第一項叫以房養老，我唔需要解釋咁多，只要話逆按揭，大家都知道是甚麼事，甚至是如何運作，不過我對以房養老有小小保留，香港樓價高，逆按揭的確可以幫到退休人士，但台灣樓價低，以房養老未必可以做得到。
第二項叫以貸養房，包括一個叫「555」計劃在內，簡單來說，就是林鄭Plan，這個計劃受台灣年輕人歡迎，所以國民黨民調飆升，今次台灣總統選舉，鹿死誰手真係唔知。
有人問點解民進黨唔提出類似計劃，我認為並不是唔提出，而是唔敢提出，如果畀人知道是向香港偷師是很難解釋，想唔落台都唔得。
App下載
