地產博客 > 文亮言 返回
瀏覽人次:16596    回應:5
文亮言

大通脹即將來臨,咪賣自住樓

 

湯文亮博士

紀惠集團行政總裁
2022年11月29日

  有老友問我,香港會不會出現通脹,他認為唔會,現在港幣咁強,入口貨品大幅降價,如果去日本,台灣等玩簡直好似大爺,香港真係福地。

  我話香港一定會出現通脹,而且不是小通脹,將會是大通脹。現在港幣強勁,只不過是跟美元掛勾,如果脫勾,港幣就會急跌,通脹急升,但脫勾的機會率不大,但美元不能永遠都咁強勁,當美元回軟,息口回落,港幣亦會回落,通脹就會急升,大家要有心理準備,所以,千祈唔好在沒有迫切性的情況將貴重資產賣走,當通脹急升,那些賣走自住單位的人就知道什麼是別時容易見時難,要買返的確是不容易。

  有大師話,現在最好賣樓做定存,穩穩陣陣收4-5%利息,現在當然是理想,但一年之後,情況可能有變,美國可能會減息,美元下跌,港幣轉弱,入口貨品價格急升,4-5%利息可能抵不住通脹上升,由於通脹上升,又少了人買樓收租,租金亦會急升,賣了自住單位而租樓的人就會發覺租金的升幅驚人,再買返樓亦不是咁容易,因為租金上升亦令到樓價上升。賣樓做了定存的人喊都無謂,所以,千祈唔好為了眼前小利而賣了自住單位。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 股神多冇樓 2022-11-29 21:55:52
呢度有位仁兄一早咁做,重聲稱從未錯過,吹佢唔脹咁話。

當然,如人飲水,冷暖自知。
3. 元 2022-11-30 08:47:35
很亂!

美國通脹劲,所以加息,美元走强。似乎加到10厘都要压通脹。

香港通脹唔見升,都被逼要加息。

如果明年美国减息,美元走弱,通脹又返来,那現在加息做乜?到时,又驶唔驶加返息?

香港过去美国低息,而家加息,通胀都冇大升。 将来就要大升?
5. 香港通脹 2022-12-01 14:22:39
香港好大機會會迎接一波通脹。
電費加20%-40%
巴士申請加10-20%
天星小輪申請加一倍
的士剛剛加完價又再準備申請加價
汽油也貴左3、4成
6. 劍聖 2022-12-01 17:43:22
如果香港人口繼續減少,樓建成量一路增加,租金只會跌。如果真的減息,不如買本地地產及銀行股。.
7. 王仔 2022-12-04 14:20:18
本文頗有啟發性