地產博客 > 文亮言 返回
瀏覽人次:12450    回應:1
文亮言

物業代理點解要唱淡樓市

 

湯文亮博士

紀惠集團行政總裁
2022年11月24日

  昨日早上回到公司,有物業代理等我,佢攞了一個offer嚟,希望我可以考慮。老實說,價錢唔錯,如果我們等錢用,一定會賣走,不過,價錢雖然唔錯,但物業代理要求我們畀3%佣金,我話如果我們買入那個物業,一定會付佣金,但3%似乎太多,物業代理話絕對不多,因為買家難求,佢好辛苦才搵到一個買家,而且買家不願意畀佣,如果我們不能夠畀3%佣金,他唯有將買家介紹給另一位業主。我話雖然大家做唔成生意,但我仍然多謝他的介紹。

  物業代理走了之後,我在想,樓市下跌.業主要付高佣金賣樓,唔通這就是物業代理唱淡樓市的原因。

  物業代理界知道,一般炒家炒樓,在買樓的時候不付佣金或者只付象徵式的,炒家會話,如果能夠摸得走,而又有錢賺的話,他願意付雙倍佣金,這亦是無可厚非,炒家未賺錢一定要降低成本,賺了錢之後就有數可圍,多付一些佣金亦無妨,現在已經很少炒家,一般買家是不會賣走唯一的自住單位,而且他們在買樓時已經付足佣金,如果現在要他們付3 %賣樓,我相信賣樓的業主極之不情願,寧願唔賣得唔會畀3%佣金,這亦是近日成交量大降的理由之一。

   物業代理知道,賣樓的環境愈差,物業代理收取的佣金愈高,於是物業代理創造條件表示樓價會急跌,急於出貨的業主請付高佣金,是不是很簡單道理,所以,大家千祈唔好奇怪物業代理點解會唱淡樓市,其實,他們唱淡樓市只是想做多一些生意,人之常情而已。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. A sample here 2022-11-24 15:40:58
踢爆旺財 2022-09-15 13:09:19
旺財真身係AA,不斷post蝕讓個案唱淡想呃盤,無論話題講什麼,旺財都一定9唔搭8地copy一些買賣紀錄上來,當留言區係個人免費廣告平台。