地產博客 > 文亮語 返回
瀏覽人次:77768    回應:656
文亮語
樓價下跌五成是不需要預測
 
湯文亮博士
紀惠集團行政總裁
2016年3月24日

  在去年底,我對今年樓市作出預測,雖然在去年我發表了「細價樓爆煲論」,但我對今年樓市表現並不如其他專家睇得那麼淡,現在,超過一半專家都話樓市會跌三成以上,雖然不是今年內發生,但累積兩三年,樓價下跌三成就一定會成事,今次我又與他們的意見不同,我認為細價樓樓價今年會下跌15%,其他類型住宅樓就表現平穩,我有時覺得,究竟我是行先過其他專家,抑或我落後,點解我每一次的預測與其他專家不同,不過,無論結果如何,我只是說出自己意見。

  穆迪見連香港專家都睇淡樓市,於是抽下水,大膽預測樓市會下跌四至五成,除了我之外,我又唔見到有其他評論員駁斥穆迪,或者,他們是明哲保身,於是,我又做爛頭卒,穆迪遇上我這個死纏爛打對手,都幾頭痛,其實,樓價真的是下跌四五成,是唔需要預測,下跌之勢是非常明顯,只是跌多跌少,以現時影響樓市的因素來計算,就算政府不撤辣招,亦唔放寬逆週期措施,樓價都不會下跌四五成,我相信穆迪的分析員語不驚人死不休而已。

  不少評論員經常都掛在口邊的理據,就是樓價在1997至2003年曾經連續下跌七年,跌幅七成,所以,未來連續下跌幾年,跌幅五成又有什麼大不了,其實,兩者不能夠相題並論,單以業主持貨能力來說,手上物業不容易變成銀主盤,沒有銀主劈價賣樓,樓價就不會大跌,如果穆迪話香港樓價跌一半,除非他們手上有證據,已經有不少物業變成銀主盤,否則的話,樓價下跌一半的言論只不過是空談。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. David 2016-03-24 09:10:10
博士胸有成竹, 有下文......
2. 自我陶醉 2016-03-24 09:21:46
博士,大家都係靠估啫,洗咩證據呀?  上年你夠話用爆煲只係嘩眾取寵,實際上只係預測微爆喇,當時仲畀網友笑微爆都算爆煲㖭,點知半年已經冇咗15%, 你都冇預計過喎!  跌一半有咩出奇!
3. 事實 2016-03-24 09:28:02

博士終於開口讓看淡的人面對現實了。那些常用97樓價和現在樓價相提並論的人應該係對樓市完全吾認識的。

4. 事實 2016-03-24 09:31:11

其實覺得下跌五成的人有冇買過樓嫁 ? 究竟知吾知現在業主持貨能力有幾強嫁 ?

5. SHUN 2016-03-24 09:39:13
沙田豪宅地段每方尺$2760由遠東發展投得(平過屯門地)呢D咪證據囉!樓價跌4-5成可能估少左tim!
6. 葉孤城 2016-03-24 09:42:27
估跌不是新聞。
眾人估跌我估升,個人預測  2017年12月樓價較今日升两成。
7. LYC 2016-03-24 09:46:57
淡友唱跌就肯定就係靠估。只喜歡聽唱跌專家所講,完全係交租交到心慌慌的主觀願望!
好友實在有多理據樓價將會爆升,需求強大,大把本地或外國有錢人來港掃貨,供應每年只佔私樓1%。住屋需求強大,各國人士湧港定居,推高租金穩步上揚,收租佬印印腳。全球資金氾濫,負利率,量寬,買磚頭保值最實際,股票已成為劣等投資工具。業主實力雄厚,冇誘因減價賣樓。
8. 自我陶醉 2016-03-24 09:56:42
大把本地或外國有錢人來港掃貨?  你應該好忙喎!  咁得閒吹水嘅? 慢慢印印腳收租喇, 腳震震都要頂住扮印印腳啊!

今日食咗酸梅乾未?
9. 西門吹雪 2016-03-24 09:58:23
其實點解D人覺得看淡一定係想佢大跌五成既呢???都話左看淡係基於分析咯~~個人雖然看淡,但其實唔係真係咁淡架JA~~XDDD

家下雖然小陽春過後,多反D筍盤,但係都唔見得狂減。情況好似暫時受控咁。CPI反升到3.1%,表示經濟有改善。唉,真有少少似已經跌完咁......

我唔敢話跌5成一定無可能,但係暫時未睇到... 自醉兄,你出反來正好,不如比反多少信心我啦,我唔識睇啦,哈哈。 
10. LYC 2016-03-24 10:05:54
高下立見,邊個吹水段估亂up,邊個有理有據,哈哈!
11. SHUN 2016-03-24 10:12:02
可憐嘅地代要做埋清潔阿姐果份、因為無生意、業主持貨力強?咪即將睇住自己件貨由1000萬跌落800萬(今季)再由800萬跌落600萬囉(年尾)大家最好搶購花生!
12. 事實 2016-03-24 10:13:05
開始見到有部份長淡變得清醒了。跌吾落係實力好友早已預料的事,很多長期看淡的人就是因為心態問題和眼光吾好所以一直堅持吾買樓。他們基於面子問題,一直不肯面對現實,惟有繼續睇淡。

希望所有有自住需要而又未買樓的人諗清楚睇清楚究竟樓市發生咩事。樓市係吾會因為多睇幾篇淡文自我陶醉一下而變成真跌既。

13. 西門吹雪 2016-03-24 10:16:43
一個人指住個紅綠燈不停話佢係綠燈,紅綠燈一時紅一時綠,咁總會有中既時候既。咁係咪代表0個個人好叻?? 如果你講親都錯,咁就係神了。只有永遠只看單邊,一時對一時錯既資訊才最無意義,簡單D講就係癈話

仲有12樓,我唔係長期看淡,我只是看淡了一年,基本上過去十年我看好了9年。自是剛剛一年先進入呢個論壇,你地睇唔到我看好0者。試問過去一年看淡是錯了嗎???
14. k 2016-03-24 10:25:42
well, base on the condition in hk (up to today), l dun think property mkt will drop 50% , guess drop 30% maximum? however, theres 1 thing in the world call black goose, when it shows up or not? who knows? nothing impossible, so l just believe 1 thing.....cycle!

yes, NOTHING IMPOSSIBLE, property mkt may also up like crazy as what LYC said, ccl hit 200or more? also, HSI may reach 40000 as well, remember, nothing impossible, hahahaha...........
15. 蕭峰 2016-03-24 10:37:14
一直覺得,發表好淡觀點唔緊要,重要係有事實根據,唔係冇根據亂up。博士其實骨子裡都係長線大好友,但個市都係起起伏伏,所以間中一段時間睇淡啫,發表細價樓爆煲論,佢都係想年青人買到更好更大單位啫。 

其實講大跌5成的大不如落區睇下,係咪真係咁多筍盤好過。
16. LYC 2016-03-24 10:41:12
講咩紅綠燈,十年九年,什麼係廢話,最廢都係個次個屋苑有幾萬個單位,有一個極度劣質的單位成交價低小小就吹唱跌了3成囉!
17. 窮人 2016-03-24 10:45:33
其實大家都唔想HOLD住又舊又殘既2手樓, 舊樓只係上車用/收租, 除非係得一兩間既人

,如果唔睇大形勢, 堅持HOLD住D垃圾樓, 好易煩死 或 嚇死... ...

好多人都靠呢D市, 換走低質樓俾新手, 買入優質新樓, 既賺錢又賺勢
18. SHUN 2016-03-24 10:49:13
最多筍盤咪元朗囉…………萬蚊一尺新樓送亞差打劫&女人被非禮、強姦囉!
19. 西門吹雪 2016-03-24 10:57:32
CCL不是回了2.5%嗎,正正就反映2月24日既一堆減價。我從來無講樓價跌3成,我話有D細價盤比高位平左3成,大價樓跌8-10%,豪宅不跌反升。你話除左山卡啦,無任何成交低過高位3成,咁我先說了些例子。哪些低價成交,有好多唔係低層劣質的單位,就算0個幾個所謂劣質單位比反高價時既相同劣質單位仍有20%以上跌幅...白紙黑字,你唔好屈我。

我而家就睇到,CCL會係跌多一兩下,會係一兩個星期內反彈,又係白紙黑字,你咪睇下係咪LAW。自己既資訊速度慢過人又唔知。以為人地說跌就係因為無樓。係呀,今次我說反彈係咪代表我好多樓呀??? 無知阿伯
20. 疾風之狼 2016-03-24 11:02:42
#7 LYC

我覺得好多升市因係呢兩年已經改變緊,升市因素的改變對現在樓價的影響是未知的。

1. 本地需求是有的,強唔強大就同人見智。君不見近期居屋,1手2手樓銷情都麻麻,以往的強大需求去了那裡? 排隊去左邊? 10幾萬個居屋申請去左邊? 其實好多不是純住屋需要,而是投資需要,或者50%自住50%投資需要。當冇水位時,投資風險加大,那種特定的需要就大大減少了。這不叫鋼性需求。

2. 外國有錢人來港掃貨? 以往有錢的大陸人去了那裡? 返哂大陸啦。大陸仲好炒,深圳一年升40%,仲有去庫存政策。仲黎一個跌緊而未知底嘅香港市場買? 外國投機者是聽明的。

3. 供應每年只佔私樓1%? 那樣看供應是有好大問題的,因為咁樣計個percentage會俾你整到好細,就算供應量加大500% 到一年90000萬個單位,用你個種計法只係會演繹成"今年供應只佔私樓總量5%" ,呢個數字更係好細啦,但實際數字是90000個,比2000年大冧樓老董個85000個單位仲高!!!!

4. 各國人士湧港定居??? 這是真的,新聞日日報,越南人,印度人,非洲人等等瘋湧經過政治避難到香港"定居",對香港治安構成壞影響。有人講過佢地驚香港會成為下一個布魯塞爾。以往的投資移民去了那裡?? 俾800萬買層樓就有香港戶籍,老早冇左啦,早兩年俾英英取消左。依家審核移民資格係睇移民嘅quality, 唔係money 。 

5. 推高租金穩步上揚?? 租金跌緊啦,你可以參考差餉估價處最新數據,你將2016年1月和2015年7-9月比較下,睇下各類型單位租金跌左幾多? 

6. 收租佬印印腳?? 腳震定印腳?? 我講唔夠實力個啲一定震緊。

7. 全球資金氾濫,負利率,量寬,買磚頭保值最實際,股票已成為劣等投資工具。Factually correct ,股票是賭場,但香港資產同美金掛鉤,美國已進入加息期,香港受影響比較大。歐洲日本負利率對香港關係不大,佢地自身難保。經濟風暴前夕買固定資產,有實力的買家另計,一般人就有福都未必受到,我想信大部份人依家相信cash is king cash is god.

8. 業主實力雄厚,冇誘因減價賣樓???Partially correct,但唔係個個有實力,同股票一樣,唔需要100%股權成交先可以推冧股價,百份之5成交已經好高,say 可以推冧20%股價 。同理,樓價都一樣。一有唔夠實力嘅樓主大減價個價就冧,現在香港經濟仲ok, 失業唔高,過多兩年就仲要觀察。
21. Small Potato 2016-03-24 11:04:47
我都有留意附近D二手成交,其實稍為有D質數,同近銀行估價D中價樓,放盤都系幾個星期,就比人掃左,有D只係個多星期,快得我都㓵然,我又覺得個市吾係咁差,只係好多買家 ,都係一D吾好蝕底既心態,一定要超平筍先買,呢個諗法好正常,之但係肯大幅劈價既業主真係好少數,至少我朋友圈中都無。
22. 向饭民说不 2016-03-24 11:05:42
香港黄尸日日就话中国爆煲,点不知道不是中国爆煲,而是香港爆煲。

假如香港楼价跌50%,means that 香港人提前被深圳追上,香港人将永远被深圳压下去。
23. 自我陶醉 2016-03-24 11:06:24
西門兄
CPI 係受好多唔同因素影響,CPI升唔代表經濟好,你都有聽過咩叫滯脹。GDP負增長,一樣可以有通脹。大陸上年減幾次息,令通脹加大,城市樓價泡沫又吹大啲,今年已經冇幾多籌碼再減息,三、四線城市樓嘅庫存,十年後都賣唔哂,仲要去過剩產能,重整僵屍企業,大陸可以好得去邊?

歐債問題冇解決過,只係用負利率同買債拖住條尾,遲早會浮番出嚟。美國股市高位頂住一年多再上唔到,美國大選點解Donald Trump都會跑出? 因為經濟唔好,基層冇受惠過,人心思變,求神拜佛佢唔好贏,否則隨時世界大亂。

香港政府今年取消公屋租金減免,亦會推高年中的通脹率,實質對經濟和消費的影響都是負面的,上海迪士尼開幕又少咗人來港。  成交大樓價跌證明沽壓增加緊,業主持貨能力強,搵鬼信咩? 咁有實力就唔會6個月跌成幾兩成都冇個似樣嘅反彈喇。現在還有水位賺,當然口硬,跌多兩成睇下仲有冇人講持貨能力強!  傻嘅都會take profit喇, 唔通等賺變蝕先做嘢咩? 股市或有機會再上,但樓市已見頂,最少調整3年以上。

24. LYC 2016-03-24 11:18:31
樓上都係喜歡炒股,自以為股神個類人。一個穩健的收租佬由賺變蝕係永遠唔會發生的。只需要首期和時間,每月租金就會收到永遠,留給子女,孫....
繼續去做大鱷的點心吧!
25. 西門吹雪 2016-03-24 11:18:48
受教了自醉兄~~

一時唔小心又回左條友TIM~~HAHA~~都係EQ低左D。我唔會再回佢架啦,哈哈
26. 旁观者 2016-03-24 11:31:14
楼价下跌至明年㡳基本上兩位李首心中有数,至於2017年之后世界大環境及地沿局勢就要問問美帝了,再跌三成不足為奇,意外可以是人為。
27. SHUN 2016-03-24 11:33:10
持貨力强?係屋企食腐乳又話你知咩?未夠年期放、比税又唔愤、好彩叫有份牛工頂住囉、經濟甘差、公司一炒人就骨牌效應、全球印銀紙亦係弟二個泡沫、日本負利率都失敗、技窮、再爆煲就仆街、唔走貨就笨7
28. 市民 2016-03-24 11:35:37
君栢突然暫停開售,要調整售價。
元朗南亞黑人盤滯銷,送回贈都賣唔晒。
租金回落。
新樓供應相继落成。包括公屋。
閒閒地最少跌4成啦!



29. 自我陶醉 2016-03-24 11:41:46
西門兄,

有時間陪佢玩吓都幾有趣!
30. k 2016-03-24 11:47:43
to 25 & 29, free entertainment......dun waste it.....
31. 西門吹雪 2016-03-24 11:56:59
哈哈~~咁我玩多下啦~~

LYC~~唔好拉開話題,講咩股者,人地講緊CCL呀。我話CCL幾週內出現一個反彈呀,以你既LOGIC,係咪代表我好多樓? 定係我亂UP AR? 我亂UP咁係咪者係CCL唔會反彈呀??? 定係我根據事實分析呀? 煩請回答~~
32. LYC 2016-03-24 12:23:35
原來有咁多淡友,唔掛知得啲租盤無晒,租金穩步上揚啦,多謝晒lu.
居屋訂價咁貴,都幾萬個申請,已證明剛性住屋需求強勁啦,業主見到咁情況,點會沽樓,你估唔驚老咗要瞓街咩,你唔驚唔等於其他人唔驚.
香港地小人多,事實係國內資金來港買樓係上升緊.
過去幾十年平均落成量都唔止17000個單位啦,香港人口越來越多,多過以前咁多,你覺得17000係多咪繼續交租,繼續自我陶醉囉.
你仲相信緊美國加息,唔掛知得晨早沽樓去幫人供樓啦.
Cash is king. 你咪繼續揸實啲長期都係貶值啲銀紙.
大陸不停放水,經濟正在回升當中,你估你唱衰就會有用嗎,樓價就會跌嗎,太天真啦?大成交量見底都唔識,唉!樓價同迪士尼掛鉤,真係痴痴呆呆,坐埋一台,唱衰經濟,自我陶醉,哈哈!
33. 市民 2016-03-24 12:37:04
淡友一定是無樓?
淡友一定是租樓?
淡友一定是瞓街?
正所謂你癡我不癡!
继續 出貨啦,正白癡!!
34. 西門吹雪 2016-03-24 12:39:44
喂,我跟緊機架,麻煩答答我31先。
35. 自我陶醉 2016-03-24 12:52:37
原來痴痴呆呆一定要坐埋一台,唔怪之得你嗰枱無人搭枱喇!  哈哈哈!
36. 向饭民说不 2016-03-24 13:00:13
无论淡友或者是好友,楼价跌50%,基本上就确认了香港的经济实力被深圳取代。港深融合之中,香港只能成为弱者。而香港班废青可以阻挡吗?那是不可能的,因为将来的job market只有在深圳。要找好工只有去深圳。就好像现在一线艺员,无论是香港的或者是台湾的,都是往大陆跑。留底系香港或者台湾的只剩下2,3线明星。

当然香港还可以死剩把口,因为有香港有法治。
37. LYC 2016-03-24 13:06:36
事實係大部分淡友都係幫人供樓架啦,佢地主觀願望想跌!
你講過好多次反彈後再跌,想大俠等陪你攪炒,你晨早估頂沽樓睇跌,係人都知啦,都唔知你想我點回覆你!
38. SHUN 2016-03-24 13:13:22
關鍵旅遊全線停業、D人究竟去哂边呢?可能去哂排隊買樓呀………………哈哈哈!唉執笠、炒人黎喇、上年關鍵有冇職員買左樓呢?恭喜、恭喜!
39. K 2016-03-24 13:15:53
it doesnt matter what the point is, bad factors in up trend still result up, gd factors in down trent still result down, unless meet the turning point, therefore, what is the trend now?
40. 西門吹雪 2016-03-24 13:20:04
你理得我點諗者,我呢度我今日只講ccl会反彈
你話有樓先講樓市升,冇人識得客觀分析架ma. 講樓市升仲吾係大把樓???
41. 自我陶醉 2016-03-24 13:27:04
係㗎LYC兄,呢6個月跌15%, 你個租客都有幫你畀1.5%㗎, 咁你先要以繼續震震腳咋!  係咪好感動呢?

話時話,樓又冇人買, 租盤又冇埋,唔怪之你咁得閒喇! 今個月開單未?


42. 引刀一快 2016-03-24 13:29:07
同意LYC兄!

今日我幫你,陪你玩雙打!

自我陶醉兄、西門吹雪兄,LYC今日有外援,我會做佢援護,唔駛客氣,向我開砲,向我開砲!


43. 西門吹雪 2016-03-24 13:35:07
刀兄,我已經講緊樓市升啦喎。我埋左堆先架 XDDD
44. 自我陶醉 2016-03-24 13:36:29
吓! 引刀兄竟然肯陪佢坐埋一枱? 好偉大啊!


45. 自我陶醉 2016-03-24 13:38:46
係喇! 我都好贊成租客係幫業主供樓,冇異議。 唔知講咩好。
46. 香港土著 2016-03-24 13:43:49
睇完博士成篇文章,其實我都唔係好明點解「跌五成不需要預測」
47. 十郎 2016-03-24 13:51:01


      雜談三則

      1。  23樓....求神拜佛佢唔好贏,否則世界隨時大亂。
              佢係‘布殊’亞哥,(仲癲過‘布殊’),作為中國人,我想佢,作為世界人,唔好呀。

      2。  “煮熟了的鴨”,隔鄰網有人留言,405萬買咗嘉湖兩房,現在喊緊‘救命’,(錯咗請指正)。佢應該去安慰下佢,例如.......不賣不蝕,未賣未蝕。十八年後一定升番。

      3。 今天新閒說美國國務卿去莫斯科傾偈,歐盟怱怱去參加敘利亞和談。我想如果俄羅斯出口多幾船難民,敘利亞和平好快到矣。


48. 十郎 2016-03-24 13:58:02





      ‘今天新聞’,一時失手,sorry.







49. 如是 2016-03-24 14:05:39
若政府信博士講,細價樓樓價今年會下跌15%,那就更無必要放寬逆週期措施。
50. 望東樓 2016-03-24 14:22:35
舊年到依家都睇淡嘅原因好簡單,見到一手只有無房、一房嘅貓屋去到貨;兩房麻麻、三房及以上基本就係剩蔗。呢個情況直至現今都睇唔到改變。呢個長假嘅新盤銷情主導未來幾個月嘅市場情緒。已經買咗花生。唔係地產專業更唔係博士呢類神人,未睇到年尾會轉勢。
51. 望東樓 2016-03-24 14:28:37
十郎兄,我估中國最希望係DT當選。哈哈民主嘛。
53. 神算 2016-03-24 15:21:21
LYC 今日我都撑你! 每日公佈啲樓宇成交幻覺嚟,冇跌過,ccl 半年跌15%,假的!新樓盤次次一Q清,勁掂!個個人工勁加,我都加2.5% 比我所有下屬!建築費冇下調空間,係,新樓係......咁舊樓呢?呎價又..... 幾萬千萬富豪日日買緊樓,正!
56. k 2016-03-24 15:45:42
yeah....more and more ppl from overseas will move to HK, so they have to buy property and push up the property price again, the dream will come true, ccl will hit 200, hahaha.....
57. 蕭峰 2016-03-24 16:25:41
  長實投資董事郭子威表示,紅磡維港星岸累售出130伙,為集團套現33億元,另該樓盤的優惠將於4月1日取消。

  他續指出,豪宅有優越位置吸納不同客源,而近期深圳樓火熱升溫,加上本港樓價處於調整期,可加速內地資金流入本港豪宅市場。 


58. 二馬九日 2016-03-24 17:06:23
今次跌,要辨別是調整,還是轉勢。
59. 二馬九日 2016-03-24 17:06:28
今次跌,要辨別是調整,還是轉勢。
60. LYC 兄 2016-03-24 17:16:01
LYC 兄啲留言越來越主觀
標籤,嘲諷持相反意見的人,
對不利因素視而不見
頂位CCL146 時GOGOGO
而家CCL127時又係GOGOGO
唔知好嬲定好笑

61. 老餅 2016-03-24 17:45:54
CCL 去到80-90左右我就GO GO GO,我不是淡友.
62. 望東樓 2016-03-24 17:52:21
CCL180就個個go go go; CCL80就個個no no no。
63. 老餅 2016-03-24 18:04:37
投資的智慧是要有一個好的心理質素,CCL去到80-90可能股神也會GO GO GO,哈哈.
64. 蕭峰 2016-03-24 18:51:32
冇錯,恆指18000時,有幾個入市呢?30000 d 蟹貨應該唔少。
65. SHUN 2016-03-24 20:12:36
托市怪D論點就係…………托、收得地產商$、唔托實D点得?可憐信呢D大好友、上年買樓、今年買炭!
66. 簡單 2016-03-24 22:48:15

己然多位專家確定樓市孰於下行週期,不是調整期,樓價下跌幅度五成或超過系不需要預測.

因為系必然發生,因為從過往幾次下行週期已反影出來,難道會有例外

問題在於幾時會到五成 . 80年代初石油危機 . 87股災後到89六四 . 97金融風暴到03沙士

你地話有邊次事情未發生但會有證據出現 . 用現在角度看樓價當然不會大跌

但從回顧歷史不用我多講 , 但要拿出證據來對不起我不能 , 我的證據只有歷史

67. 市民 2016-03-24 22:52:31
哈哈,佢上年買左嘛,放又放唔到,又未夠三年,租金又跌,D新樓又賣唔去,真可憐!
68. SHUN 2016-03-24 23:09:43
美联黃建業估計有3成代理被淘汰、恭喜、恭喜!
69. Ann 2016-03-24 23:16:17
香港嘅悲哀係樓市比人當買馬咁嚟賭賭,你話唔跌,又有乜根據?
70. 靜 2016-03-24 23:47:52
71. 十郎 2016-03-25 00:15:17


      ‘地少人多’係地產商講㗎,唔好信呀,要幾多有幾多,大嶼山唔會一世晒太陽。


72. Desmond 2016-03-25 00:26:02
LYC 兄時間真多,可以以一敵十。
73. T君 2016-03-25 01:26:57
97年樓市見頂後回落七成,有好多因素加埋先至會發生。 現在的情況同當年無的比,請各位唸下
(1)當年新樓每年供應幾多,現在新樓每年供應幾多?
(2)當年有幾多熟地供應,現在有幾多熟地供應?
(3)當年利率幾多,現在利幾多?
(4)當年的外國人有多少因97回歸撤離香港,呢個情況現在有無存在?
(5)當年大陸唔比國內人隨便來香港,現在係唔係咁?
(6)當年炒家過份持貨,大快活老闆羅xx係嘉湖都揸一百幾十個單位,今時今日重有無呢的咁傻的炒家?

如果呢 D 咁基本的問題你都唔知答案,都真係無謂亂估。
74. T君 2016-03-25 02:08:15
多謝向「飯民說不君」的提醒,我都唔明點解 D 大陸人總喜歡港星台星韓星,甚至日本 AV 女優,唔通大陸自家出品唔夠好? 

國內富豪又係神奇,係大陸賺錢到香港買樓,馬雲用15億買山頂豪宅,平均每平方米150萬,這個天價破香港紀錄,唔通馬雲信香港樓多過信大陸樓?

如過其他大陸巨富買山頂屋,大富買半山大宅,中富買市區豪宅,小富買新界樓,咁香港樓好易比大陸人托番起。 深圳一升都已經五成,一個唔覺意有大陸人覺得香港樓低水,大批大陸人越境投機買樓,咁就大鑊,香港窮人買平樓的機會就此消失! 咁就又一次蝗禍啦!
75. 好友 2016-03-25 02:46:17
睇咁耐 66樓 簡單這人的睇法我最不認同!世界在變,香港業主持貨力今時吾同往日,全世界行低息,乜都吾同以前!但有人就只會望住過去做人,97後大跌又話歷史會重演,但無諗過今時吾同往日,根本不能相提並論!新常態,我諗對有些人來說 聽到就當聽吾到。
76. Marie Kwan 2016-03-25 03:09:53
香港人近十年變得越來越短視、涼薄和不擇手段,根源就是地產霸權的長期洗腦教育。

香港不單只年青人,而係幾乎所有人不論老幼嘅價值觀都已經完全比樓市同地產商扭曲得體無全膏,亳無人性;有樓先係有用嘅人,冇樓就係神憎鬼厭嘅廢人,香港人永遠要為樓房做天生嘅奴隸,尼啲就係發展商為左高樓價而為世世代代香港人從小到大設定及不斷洗腦的"標準"和"命運"!現在大家開始厭倦了被地霸擺佈……怪不得本土同激進派政治上這麼有市場,越來越多選票支持,這並不單單是旺角事件問題,而是長年被地產霸權扭曲出來的壓抑........說穿了香港人其實不是不想做中國人,只是不想做地產霸權擺佈嘅奴隸而已,請中央不要誤判形勢。

地產霸權同高樓價已不知不覺完全摧毀香港競爭力和做人應有嘅核心價值,打工仔做極都追唔到樓市升幅,好市差市薪酬都被租金長期壓抑,做生意守到有小小錢賺又比業主加租加到結業,炒樓令實業家及普羅大眾都不務正業,競爭力大不如前。所以今天香港的矛盾、困局和衰落就是過去十多年由地產霸權和官商勾結慢慢形成出來,看看地產商現在強大勢力,現在回頭已根本不可能。

高樓價同地產霸權再長此下去,反建制聲音只會越來越強大,相信今年立會選舉激進派將會有令人意想不到的議席,建制派今年絕對危機重重,所以中央政府根本不可以怪責香港人反叛,請踏地看清楚背後原因,長期放縱地產霸權的後果就是如此,相信內地幾年之後整個社會也會好像香港一樣慢慢被不斷壯大的地產霸權挾持,最後也好像香港一樣落得被"民反"困局,地產霸權可亡國也,願共勉之。

如認同懇請幫手廣傳以上,謝謝。
77. 引刀一快 2016-03-25 08:40:37
自我陶醉兄,西門吹雪兄

你地睇下LYC兄係幾咁“識時務”,我話企佢果邊,佢就縮埋等我受靶。
78. Desmond 2016-03-25 08:53:24
有點同意66樓的說法,有時資產的下跌幅度很難事前用邏輯分析出來,你看一看油價就知到了,現時美國只加了利息0.25%,油價就從100多元跌到低於40元,這樣又如何在事前分析出來呢?
79. Lyc好可憐 2016-03-25 09:50:51
大家不要取笑lyc了
其實佢都好可憐,他們做地代的,這次受害最深。加上手持幾個單位。試問樓價下跌,銀行追數,會先追那些人?他害怕得夜夜難眠,只好日日夜夜在此唱好,希望有奇跡出現…可惜能力有限,說出和不停重複那幾句說話已經是他的極限了。你們還取笑牠,請問於心可安?請問這是否落井下石?做人多一些寬容,讓他在此舒展一下情緒,有何不可?
80. 蕭峰 2016-03-25 09:51:58
顛倒了吧,舊年是油價就從100多元跌到30+,然後才是年尾美國加息0.25%。

有樓無樓無所謂,只要自己心理質素好,對自己有周全安排,租樓冇所謂既,只是各位兄臺無見,樓越遲越難買,簡單一句,就係QE的結果。建築成本有幾貴,去問下建築工人啦,10年前扎鐵工人已經月入4萬了。


81. 包租佬 2016-03-25 10:09:47
阿地代兄,我都忍唔住要X烏喱龜你,淡友一定冇樓,一定要租樓住?所以話地代就係地底底底底底蟲!
82. 蕭峰 2016-03-25 10:17:47

日報專訊】持有西營盤皇后大道西項目的永光地產,近日斥3,650萬元收購比鄰項目的舊樓7伙,預計有意擴大地盤發展;而恒地(00012)以近1.1億元收購忠正街舊樓。

以收購舊樓重建為主的中小型發展商永光地產,現時持有皇后大道西150至154號地盤,並有意在年底推售樓花,而鄰近的156號至170號大多為5至6層高舊樓,亦頗有重建價值。

83. Desmond 2016-03-25 11:24:43
80樓蕭兄,這問題不是更大嗎?聯蓄局吹風要加息,息末加時油價已先跌,其後息加了0.25%。當然,加息只是油價跌的一個原因,其它還包括產量增加及經濟放慢,其實影響樓價的因素也是這些。
84. 引刀一快 2016-03-25 11:42:58
To 73樓 T君

當年同今日有個決定性嘅分野,就係當年大陸雖然都係樓價跌,經濟問題絕對冇依家咁嚴峻。
85. 樓市週期 2016-03-25 12:58:12
難道97跟八零年代樓災一樣?每一次災難之後,人們都想用不同解釋,想支持"這一次不同了","今次災難不會發生"…其實,只要升得高就要掉下來,就像波浪一樣,週而復始,甚至不需要甚麼原因都可以。
86. 蕭峰 2016-03-25 14:06:09
87. 蕭峰 2016-03-25 14:08:46
另外,美聯儲吹風要加息已經吹左三年,油價大跌同美國加息真的沒有直接關係。
88. 好友 2016-03-25 14:26:26
沒有急升就沒有急跌!現在調整看似減緩,上年又沒有急升,很可能已經跌完!這乎合地產網各好友一直的睇法!新常態下,再沒有急升沒急跌,資產會緩慢向上增值!
89. 向饭民说不 2016-03-25 14:56:06
甘因为有你这样的T君废青,所以香港被淘汰基本已经成定局。你地黄尸除了一大堆废话之外,还有咩竞争力。

 大陸人總喜歡港星台星韓星,甚至日本 AV 女優,又有咩问题,你太自闭啦,大陸自家出品一样好,现在大陆的明星已经开始淘汰港星,台星,韩星。废材,香港现在的所谓的天皇巨星,都已经over 50啦。今年香港的新年剧的明星,全部都是大伯,大婶级。曾几何时,香港每年制造几多天皇巨星。现在都过去了。

國內富豪又係神奇,係大陸賺錢到香港買樓,馬雲用15億買山頂豪宅,平均每平方米150萬,這個天價破香港紀錄,唔通馬雲信香港樓多過信大陸樓?-----这又有什么问题。大陆人高追香港楼,你就话抢高香港楼价。但是鬼佬制造经济风暴,推到香港楼价,然后,趁低买入,你就话他们是救世主,你有无病。

如過其他大陸巨富買山頂屋,大富買半山大宅,中富買市區豪宅,小富買新界樓,咁香港樓好易比大陸人托番起。 深圳一升都已經五成,一個唔覺意有大陸人覺得香港樓低水,大批大陸人越境投機買樓,咁就大鑊,香港窮人買平樓的機會就此消失! 咁就又一次蝗禍啦!---香港穷人有公屋住啊,废材。还有山顶屋以前只有白鬼可以住,点解你唔话白禍。

还有香港人在深圳买左几多楼,引刀兄一样在大陆有楼,难道这又是黄祸吗?

以前香港人去深圳,东莞玩女人,抢走大陆的美丽mm,难道这又是黄祸。

你无L用,是你的问题,香港人住公屋,10年内不能创出新天地,就是这个香港人无春用,要知道香港一直以来有大陆的物廉物美的物品供应,这不是我说的,这是港英教课书说的,所以可以enjoy低物价,加上公屋的政府补贴。正常公屋户10年就可以脱贫致富。

检讨下自己点解无春用,这世界政府帮不了你。不要以为民主可以帮到你。在台湾的民选台北市长,真是一个怪物。不过废青选的市长,可以系咩,他们只有在18层地狱下轮回,而且是永不超生。


90. 向饭民说不 2016-03-25 15:05:38
T君,嘴里叫反共,身体最亲共的人渣,我们相信自由经济,这是当年港英留下来的。我们相信资本主义,这才是香港的真正本土主义。当年邓小平答应香港的马赵跑,舞赵跳,维持香港的资本主义,这就是真正本土主义。

现在班黄尸废青,叫的口号,实际上就是共产主义。
91. 香港土著 2016-03-25 15:07:11
T君,你的data有多少outdate。大陸人近十年喜歡來港買樓,但到習主席大力打貪(or政敵),熱情已經不再。好多醒目土豪已經去晒歐美買資産,因為香港始终係共黨控制,唔算最安全。
92. 香港土著 2016-03-25 15:10:27
To75樓好友

新常態唔係咁解架。
93. LYC 2016-03-25 15:19:40
淡友人多勢衆,實在妙極,讓他們搶爆啲租盤,財富永遠只集中在小數人手中,6個月CCL肯定倒升。
94. 引刀一快 2016-03-25 15:26:08
跌到幾多之後倒升?
95. 楼市致命傷 2016-03-25 15:27:12
樓市的致命傷是失业率,當美股老牛從高位爆破時必引發全球性经济災難,港也不會幸免,外圍環境交变差引至港内圍经济同步急轉真插,到時引發企倒閉潮继而出現大量失業率暴增再引發断供潮,负资產卷土從來!!!
还有一个是政治因素…………
96. 蕭峰 2016-03-25 15:35:32
新常態原指大陸不再有超快GDP增長,變為中速甚至低速增長,但本人覺得,新常態也可以用在樓市。看看樓價,根本係08海嘯各國QE後開始暴升(貨幣貶值的結果),依家各國已經騎虎難下,經濟只能用QE來吊鹽水,美國稍稍加小小息,數據已經開始反覆。

同埋,政府將按揭已經收緊的離曬譜,就是為防止QE令港人再重複97負資產慘痛經歷,依家業主持貨有幾強,炒賣有幾貴?又點會狂劈價?

97. SHUN 2016-03-25 15:39:02
LYC發毒誓先啦、吹水唔抹嘴!
98. 市民 2016-03-25 15:56:03
   6 個月CCL 跌到100 ,再輕微倒彈0.1 ,再 跌到去90。

99. 搏亦 2016-03-25 16:02:34
自古以來,资產投資或投機的搏亦從來都不會单边结果,如只有单边结果,没有输家怎會有赢家。
100. 路人aaa 2016-03-25 16:05:54
樓價有多貴?看通脹就知道了。經常有人說,各國qe,貨幣貶值。吃個早餐都已經$30,樓價自然沒得跌。這個例子正好,03年吃早餐甚様也要十多元吧!這麼多年的確通脤了,所以早餐差不多倍升了。可是樓價卻比03升了五倍!!升多了的是甚麼?全是泡沫啊!!
101. 包租佬 2016-03-25 16:21:45
我相信到時就算係升番,以你呢種咁L"專業"既係食物鏈最低層動物,賺錢呢家嘢都唔七關你呢個日日係度唱好既地代事。因為到時你可能被西北風吹到變人幹鳥!
不如唔好係度浪費光陰,揾過第二份工去啦…
102. LYC 2016-03-25 16:30:43
刀兄,經驗一輪恐慌性拋售,已經見了底,率先由租金帶領向上衝,同汪生預期一樣!
103. 蓄芳待來年 2016-03-25 16:50:02
樓價暴升,因素複雜,QE是其一,但同期供應稀少,僧多粥少下而扯高價格,亦是主因。更重要的是:預期。
樓價怎發展,視乎那方面力度大。目前再升的預期已被扭轉,供應亦不斷增加,只要市場預期會大跌,就會大跌。而家冇出現大跌,係因為你同我都唔相信佢會大跌。各大專家、財演代表唔到你同我,但佢哋有能力影響個氣氛。
政府一直吾肯鬆辣,因為一鬆就會大跌,但短暫嘅大跌對一般普通市民冇幫助,買唔起嘅依然買唔起,到佢哋有能力/想承接時,d貨一早已經被d強者掃返哂。要滿足大眾置業嘅問題,政府依然解決唔到。
置業嘅問題根本就唔應該係政府嘅責任,奇怪係歷屆政府竟然以為係。狂起公屋、調高公屋入息上限,令到人人有屋住先係正路,你走去搞私樓做乜?仲要起居屋,幫手推高埋個市一份,真係服。
一般私樓唔係奢侈品,價高自然冇人買,關你政府叉事?
104. 蓄芳待來年 2016-03-25 16:59:36
歸根究底,高樓價係政府所需,想5折買樓?佢邊夠錢派俾你哋?記住係派俾你哋,唔係派俾我,我冇資格攞。
105. 蕭峰 2016-03-25 17:15:36
仲有,真跌50%,我敢話呢度大淡友們冇一個會入市,因為他們會睇跌70%,於是,仍然得個講字。

106. SHUN 2016-03-25 17:48:13
淡友入唔入市阻止唔到跌5-6成喎…………97貨跌到沙士係七成、都無乜人入市!
107. LYC 2016-03-25 18:25:08
108. 事實 2016-03-25 18:55:02
好友們其實可以靜觀市況變化,再睇下淡反反點樣反應!事實已在眼前,汪生博士都睇年中或更早跌完!由得淡友繼續等啦!
109. 蕭峰 2016-03-25 19:02:01
所以我話冇錯啊,跌70%呢度大淡友們冇一個會入市,得個講字。

我以為呢度高手大家分析討論樓市走勢,原來真係有d無聊人係度齋吹水啫,好肯定你冇樓,只想吹落個市自己尋開心。

個市唔係你可以吹落既,高手唔會受你影響,但好多追博士blog的青年可能受你害,所以都唔可以比你亂up。


110. 事實 2016-03-25 19:03:40
樓市跌吾落已是事實,都吾知淡友仲嘈咩跌五成,理智點好不?!
111. 蕭峰 2016-03-25 19:07:30
天鑄二首批近售罄 大手客買2至4伙
2016-03-25 (17:10)

新地旗下何文田天鑄二期今推35伙,於三時許錄揀樓逾十七伙,有多組大手客揀兩至四伙,及至下午五時,市場指項目首批接近售罄。

113. 引刀一快 2016-03-25 19:30:07
To 109樓 蕭峰兄

跌70%之後,淡友入唔入市?

問題在此,樓市一路跌70%,好友去晒邊?

淡友二字亦唔係刺青,就算盲淡都有開眼日,我睇淡係因為大陸形勢麻麻,而且好多怪異情況,絕對唔係單單話樓價高就睇淡,其他淡友師兄亦一樣,各有心目中嘅理據。

CCL高位145,跌70%即係43.5,我在此承諾,如果CCL跌到呢個位而我一直唔買樓的話,我捐一間細價樓樓價俾愛護動物協會。
114. 十郎 2016-03-25 19:53:09


      刀兄........捐比我,我會多謝你。


115. 蕭峰 2016-03-25 19:54:44
引刀兄,你係有理據的淡友,ccl跌5成,我估你都買啦!

但有人係度攪亂,希望跌80%,最好hk死,佢只係睇笑話!
116. LYC 2016-03-25 20:00:01
迎海一路賣一路加價,天鑄越賣越旺場,今次由大價樓帶動,逐級帶動中價細價樓向上爆,不單止淡友掃晒啲租盤,自住客都搶去不少盤源,細中價樓租金亦向上爆。兩方面帶動樓價向上衝。
盲淡係永遠唔會買樓,因為永遠係去唔到他們所幻想的買入價,加上他們堅信的所謂利淡因素,事實係對樓價冇任何影響。例如刀兄唱衰大陸經濟幾年都係唔會動搖到樓價,最終只會害了他的信衆和自己而已!
117. 十郎 2016-03-25 20:11:27


      刀兄..........比你估中,上海出乜野辣呀?


118. 蕭峰 2016-03-25 21:17:38
新聞唔識睇咩?上海樓市升的太快,出辣招囉!同hk一樣。

119. 十郎 2016-03-25 21:24:55


      刀兄..........你發喇,越辣越爆(升)呀。


120. 望東樓 2016-03-25 21:53:06
我條命生得唔好,人睇東方我睇東方,人哋點睇都係好消息,我就睇到呢啲

第1位 嘉湖97業主集體捐血
人生有幾多個10年?嘉湖業主就足足等左2個ROUND,都復活唔到。講緊既.....係佢層樓。今年頭3個月,嘉湖山莊已經有至少4宗帳面蝕讓個案,大部分都係97年業主,唔通今年經濟真係20年嚟最差?

如果不幸講中,節哀。
121. 如是 2016-03-25 21:55:41

蕭兄,依單新聞點睇?

【會德豐新盤.不斷更新】One Homantin首日沽約30伙 僅賣兩成

122. 包租佬 2016-03-25 22:07:01
呢幾日,奧運站有個租客同我死約剛滿,就立刻減我租一成,拉鋸咗兩日,終於同意減7%.

123. LYC 2016-03-25 22:18:03
原因好簡單,淡友永遠無限放大一些冇乜大不了的壞消息。
例如嘉湖係全港最差之屋苑之一,用她來反映全港屋苑,再竟然可以幻想到20年經濟最差,其思維之出眾,睇跌之主觀願望之強,可見一班,必定係交租交到腦海裏出現了一些幻象,係常人不能理解的!
124. 蕭峰 2016-03-25 22:24:26

  [星島] 會德豐地產ONE HOMANTIN今日展開第一輪銷售,共沽出約30伙,套現逾3億元。

  其中,兩房及三房單位均受市場歡迎,買家尤其鍾情內園景觀。

  約7成買家為九龍區客,不少為首次進駐何文田,另錄少量內地買家;買家中有7成為自住用家。

  有見銷情理想,項目剛上載最新銷售安排,涉10個單位,於下星期二(29日)以先到先得形式發售。

  新推出的單位包括3個兩房單位、3個三房單位、1個四房單位、2個平台特色單位及1個花園特色單位。

  單位售價已於早前公布,10個單位折實價由6,893,000元至21,177,000元,折實呎價由19,263元至21,720元。


同一單新聞,角度唔同,完全變成負面新聞,我都係比較信星島,中性d。

19000實呎價,如果一日掃光,係升市又來了!

125. 蕭峰 2016-03-25 22:47:25


生果日報給這照片配文是:銷情慘淡。

126. 如是 2016-03-25 23:12:26
O 晒嘴,無言了!謝謝!
127. T君 2016-03-25 23:17:36
"当年邓小平答应香港的马赵跑,舞赵跳,维持香港的资本主义"...
老實講,當年鄧小平同志有幾明白香港的資本主義制度,估計實在唔多,就是香港的三個特首應該都唔係好知。三任特首對樓宇供應及樓宇市場都作出巨大干預,但都係非常短視的行為,
*董建華先暴力加大供應,令樓市雪上加霜,
*曾蔭權就調轉頭堅決不賣地,又不開發土地,令樓市火上加油。其實,報紙的地產板早在2004至2008年已經不斷話樓市供應可能出現斷層,但係政府就唔肯面對現實。
*梁振英就干擾市場,推出多項未經深思熟慮的印花稅政策,加上亂搞大量大白象基建,耗用大量建築工人及設備,拉高建築成本。同時錯配土地用途,例如市中心啟德起運動場,人就要住新界東北。

市場規律經常係越多干預,就會越大機會出現極端市況。 以梁振英的政策,只會收乾市場成交,樓市繼續高位上落,因為成交少,間中出現極高價及極地價,但係扣除這些極端成交,大多數樓宇成交價都只係高位波動。
128. T君 2016-03-25 23:30:10
120 的望東兄,97年買嘉湖,都住左18年或者收左18年租金,就算平均3%租金計算,都回收翻50%,話出血就太誇張。d 野舊左,賣出去價錢低左係應該的,做業主的心態應該係要看總回報。
129. T君 2016-03-25 23:31:13
120 的望東兄,97年買嘉湖,都住左18年或者收左18年租金,就算平均3%租金計算,都回收翻50%,話出血就太誇張。d 野舊左,賣出去價錢低左係應該的,做業主的心態應該係要看總回報。
130. 天2厲害 2016-03-25 23:31:28
香港還是錢多,而富人之所以會富因為看得更遠!

一個何文田頂多屬於中價,買家猶豫正常,聰明錢總是由最聰明班人開始的。過多半年就會開始掃中價盤!
131. 望東樓 2016-03-26 07:22:19
T君,點計一個投資賺定蝕何以好簡單亦可以好複雜。不過我所希望帶出嘅訊息只係如果閣下相信係香港任何時間地點買樓都無得輸係好危險。