地產博客 > 文亮語 返回
瀏覽人次:27586    回應:82
文亮語
說什麼也是言之過早
 
湯文亮博士
紀惠集團行政總裁
2016年3月22日

  雖然兩位李先生分別睇經濟環境不好,以及睇淡樓市,我認為他們另有目的,因為由地產商口中說樓價下跌,說服力比物業代理高出不知多少倍,可以講是確認樓價下跌,當樓市下跌被確認後,金管局就要覆行承諾,放寬逆週期措施,樓價亦會為此而減慢下跌速度,甚至保持平穩,樓價比現在再跌15%已經是極限,這是我個人推斷,有大學講師立刻撰文表示,現在說樓價下跌15%是言之過早。

  我有多少不明白,不單是評論員,任何人預測樓市,都是言之過早,所預測的事又未發生,不是言之過早又是什麼,如果發生之後才講,就不叫預測,叫馬後炮,老實說,有時我所預測的事真的發生,我都不敢對人說,無謂被人話我馬後炮。

  去年二月,我發表「細價樓爆煲論」,擺明車馬,六個月之後爆煲,八月我認輸,九月樓價從高峰回落,我的確是言之過早,但如果我在九月話樓市爆煲,「細價樓爆煲論」就一文不值,我亦明白這是生意人與學者分別,做生意如果等每一個疑點都清楚,每一個問題都解決,就已經是水尾,言之尚早其實是不適合生意人,因為,他們在未講之前就已經做了。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. DSY 2016-03-22 09:00:40

很不懂,除非地產商同政府有君子協定,否則出來講跌三成,撤不撤招不一定,倒自己米就一定!但如果有君子協定,怎麼會不協定埋如何為三成?

所以我更傾向,這次是政府準備做野,條件是叫地產商出來認個衰!

2. Ca1on 2016-03-22 09:04:32
湯博士好嘢. 其實言之尚早只係代表佢哋唔識睇, 用嚟掩飾嘅一個藉口。
3. 如是 2016-03-22 09:20:29

若放寬逆週期措施的話,湯博士你推斷樓價比現在再跌15%已經是極限。

那麼若不放寬逆週期措施,請問湯博士,樓價應會跌多少?

5. 西門吹雪 2016-03-22 09:47:37
有一種預測天氣既方法準過天文台,起碼有8成準~~這個方法是一句話:"今天的天氣和昨天差不多",等到下雨才說明天下雨有甚麼意義?
博士早在一年前已經預知今日既情況,爆煲論,一萬負資產,在我們想都沒有想過時已經說了。現在都一一開始實現。真的令人佩服。
6. 蕭峰 2016-03-22 10:06:45
其實映御是探路石,映御價是同區二手8折,熱賣後難度看不出市場接受嗎?所以四叔夠膽話,最多跌3成。

其實唔算倒自己米,已經跌15%,再跌15%都合理,最少話大家知,唔會跌5成。同埋四叔係舉足輕重人物,預測當然要大氣,唔可以只focus自己公司。
7. Desmond 2016-03-22 10:58:03
我覺得兩位李生年過80歲,錢也用不完,隨心所欲講一些心底話也很正常。
8. LYC 2016-03-22 11:02:28
博士已經不斷發功,好快會放寬按揭架啦,跟著業主一齊反價,買家追價炒上囉!
9. 真真薯片 2016-03-22 11:53:30
君子協定係雙向, 政府撒招既話, 發展商點樣回報政府? 撒招問到講到尾都係如果撒完樓市大升, 邊個賣單?
10. 毛毛 2016-03-22 12:01:41
我個個星期都睇樓, 由粉嶺, 大埔一直殺出沙田, 情況都差唔多, 兩個字 "膠著"! 二月底平盤掃清後現在放盤業主大多持貸力強,減價空間細, 我呢d潛在買家見唔破底價又唔肯入市, 變成3月成交大減, CCL既數字滯後2星期, 剛剛大趺2%係講緊2月底至3月初數據, 正正係平盤掃清既時候, 現市況膠著, 好似呢D位有支持!! 我個人意見:今年都應該在現水平橫行, 如果要趺多15%我相信要等2017年開始新樓供應大增先有機會!!
正如博士所講, 四叔同誠哥都係俾說話班官聽, 迫佢地快D放寬按揭!
11. DSY 2016-03-22 12:17:16

回薯片兄

其實我是想講放寬按揭,撤招其實雙邊都有風險。除非你撤BSD,否則真系多謝曬!

12. 蕭峰 2016-03-22 12:34:03
to 10樓毛毛兄

冇錯,作為潛在買家,只要一實地睇樓,得到的結果同新聞講d數字好唔同。

所以只好話,真正想入市的朋友,要落力d啦!
13. LYC 2016-03-22 12:35:43
邊有業主肯減價,元朗都賣到咁貴,又唔係等錢洗,自主或收租都冇必要沽樓揸錢。
政府再唔放寬按揭,BSD,DSD,發展商擺工唔起樓啦,何來供應!
就算照原先估計都係萬七,只不過佔私樓1%,憑1%可以推跌樓市,當一轉勢向上,多多都唔夠需求大。
14. 引刀一快 2016-03-22 12:54:26
“言之尚早”四字之後,一般要提出條件,或者未能定斷嘅原因。

齋講言之尚早,同世外高人差唔多。
15. 引刀一快 2016-03-22 12:59:50
LYC兄


係萬七,只不過佔私樓1%”,咁,萬七係市場上準買家嘅幾多%呢?

請賜教!
16. 引刀一快 2016-03-22 13:03:05
西門兄

湯先生去年預測嘅係一萬銀主盤。
17. Alan Pepper 2016-03-22 13:05:12
對,生意人跟學者的分別,就係生意人憑直覺判斷,學者從數據分析。直覺永遠都係前瞻性,數據就永遠滯後。直覺有機會錯,數據永遠都啱,只不過係啱早幾年,