【珍惜香港】TO:19/F 歷史長河
兩篇回應?喺邊兩篇?叫得做
「篇」嘅,應該有番咁上下長,唔會真喺果兩個
「沙發」嘛?哈哈!
長河兄談重力波,足以引發我寫長嘢嘅靈感,可惜力不從心,就姑且先分享
兩段片,呢兩段已經總括哂,今次發現嘅所有公開資訊。
記得自己從小熱愛天文,三十年前
哈雷彗星回歸,通宵就喺要等日出前一刻。當晚天氣唔好,冇星空背景參照之下,惟有計好彗星大概响邊個山頭昇起,再用雙筒喺咁掃。
結果雲間呈現一秒,果一秒嘅景象,畢生難忘。呢顆最壯觀嘅世紀彗星,大部份人一生只能見一次。下次回歸,就算有命,我對咁嘅眼,都未必再俾我睇得到啦!
當時,
理論天文喺我至愛,真喺乜書都睇,當然唔少得
相對論。以高中嘅數學能力,要完全睇得明,喺非常困難,因為談相對論嘅書籍,都喺充滿大學級嘅數式,所以我主力响理論方面著手。其實,科學最困難嘅,唔喺數學部份,而喺理論,所謂,
一理通,百理明,好多時,問題都喺出响最基礎嘅部份。
Ronald 話,理論物理喺
「猜」。當年諾貝爾獎,為相對論頒授與否,
引起好大爭議,就喺因為呢個理論,唔喺嚟自實驗結果,而喺從修正物理學基礎推算出嚟,被當時好多所謂權威人仕,視之為「猜想」,甚至喺「病態」。結果,諾貝爾獎委員會,惟有以
光電效應名義頒俾愛因斯坦,仲要指明佢嘅獲獎演說,唔准提相對論,喺唔喺好諷刺?
歷史上偉大嘅科學發現,都喺嚟自當時科學界一啲
尚未解決,或者
牽強解決嘅難題同疑惑,最後通過摒棄舊有嘅基礎信念,以
劃時代嘅理論激發出嚟。就好似
「日心說」咁,簡單直接解決咗,當時以
「同心球」牽強解釋嘅行星
「逆行」現象。
相對論都喺一樣,
Sugar 姐提及嘅
「以太」,正喺果陣科學界對
絕對靜止嘅假設。簡單一個問題:地球自轉,又圍住太陽公轉,成個太陽系,又圍住銀河系公轉,銀河系,又隨著本星系群响宇宙裡面奔馳,咁實際上,我地郁得幾快?宇宙間,又有乜嘢喺唔郁?有冇一個
「唔郁」嘅參考空間?
光波既然可以响真空傳播,光嘅速度就喺相對於靜止嘅速度,而通過量度唔同方向光速嘅差異,咪輕易搵出我地自己嘅絕對速度囉!呢個就喺著名嘅
「邁.莫實驗」。結果,當然喺失敗,任何方向量到嘅光速都喺一樣,難道,我地先至喺
「唔郁」?吓?唔通
「地心說」番生?
愛因斯坦就索性摒棄咗「以太」,
將光速定為任何參考空間嘅不變常數,呢個就喺
狹義相對論嘅基礎。通過光速不變原理,就可以推算出,相對移動嘅空間,會向對方嘅時間軸傾斜,咁時間軸,就成為與三度空間睇齊嘅第四度空間。一個基礎嘅修正,就改變哂舊有對時空嘅理念,再延伸至一切同質量、力學、能量等嘅相關修正,喺對整個物理學
連根起嘅革新。如果大家有讀過基本電磁學,應該學過,帶電物嘅移動,喺會產生磁場,但既然,根本就冇絕對嘅移動速度,又何來磁場?原來,通過狹義相對論嘅公式,已經可以推算出,電場同磁場,根本就喺同一物。
速度喺相對,咁
加速度又點?簡單講,物質受重力推動,就會加速,就好似物件下跌會加速一樣。所以,加速度嘅相對性,通過
等效原理,就引申至重力嘅範疇,於是成就咗
廣義相對論。
重力,已經唔喺乜嘢「力」,而喺物質响扭曲嘅時空裡面,繼續移動嘅自然現象。物質嘅移動,帶動扭曲嘅時空移動,就形成
重力波,以時空波浪嘅模式推進。
其實,
理論,都喺通過對事物嘅觀察、體會,補充現今科學領域嘅缺口,從分析未解釋到,或持久被牽強解釋嘅難題,而開創出嚟。所以理論,唔喺無中生有嘅猜想,
而喺對真實世界嘅理解,喺科學嘅基礎,一切科學嘅「因」。所有實驗,冇理論嘅背後支持,喺冇意義;而數學,亦只喺依附理論嘅一件工具。唔知我咁講法,會唔會好難明?
或者,我打個簡單比喻。一件事情,重複發生十次,喺唔喺代表,第十一次,一定發生?如果我地只喺睇住呢啲重複數據,而唔先去
立論解釋,背後推動事件重複發生嘅
「因」,咁憑乜嘢去武斷,第十一次,一定發生?任何一件微小嘅基本因素改變咗,都可能足以令第十一次唔發生,何況,喺大環境嘅改變?
呢度嘅長期網友,應該會記得,我曾多次提及,
金融扭曲呢樣嘢。當金融扭曲,發展到
第二波後,
第三波前,我就發表咗
「環球經濟新常態」回應系列,到
第五波之後,再出埋
「環球經濟新常態之續」。跟住呢?我已經冇再提金融扭曲啦!點解?
基礎物理,有個 TOPIC,喺講彈弓呢味嘢。
彈弓,彈下彈下,拉長放短,都幾得意。每個彈弓,都有佢嘅特性,即喺拉到幾長,就要幾多力。不過,如果你拉得太長,佢就會開始
「扭曲」,拉超過或持續多次拉近一個叫 YIELD POINT 嘅位置,彈弓就會變形,一旦變形,呢個彈弓嘅特性,就會改變,
而改變,亦喺永久。
所以點解我成日話,
今時,唔同往日啦!仲用舊思維去諗嘢,已經不合時宜。好多基礎因素,甚至宏觀嘅大環境,都已經改變哂,而呢啲改變,唔喺暫時,喺恆久,呢個就喺所謂新常態。
既然喺新常態,又何來扭曲?將來嘅發展,只會向前,番唔到轉頭,
咁點解,仲要懷緬過去?仲要攞住啲有限嘅數據,去同
97 果陣比?唔好以為,求其將啲改變咗嘅參數,加埋入去個 CURVE 度修正,就可以得到你想要嘅答案。好多關鍵嘅改變,尤其喺
慨念同結構性果啲,喺搵唔到公開又有代表性嘅數據參考。唔肯從最根本嘅原始因素開始,
重新立論,去睇清楚呢個新常態嘅真面目,只喺執住舊信念、舊理論去
牽強修正,根本就冇意義。
又如,
長河兄談逆向思維,我都幾認同。如果你只喺認為羊群盲目,所以要逆羊而行,咁你就同羊群一樣咁盲目。不過,如果你能夠以羊群行為,作立論嘅基礎,推算出呢啲行為,點樣具體影響到未來嘅結果,咁基於呢種對
真實世界嘅理解,而作出嘅,無論喺順羊而行,定喺逆羊而行,都唔算喺盲目啦!
至於股市、樓市,講開又講,呢度,有個好奇怪嘅現象。我見唔到有人,會好過份咁,斗膽叫人冇能力,借財仔都要迫上車。但總之呢,鼓勵人買樓,唔知點解,會俾人轟,話公開鼓吹呢啲嘢,會累人接乜棒、乜資產之類。正月流流,有啲嘢,都喺乜下乜下好啲。大家應該知道,
呢度喺地產網,响地產網,鼓勵人買樓,有乜問題?至於理據充唔充份,合唔合理,好多時,
喺角度問題,唔好睇少呢度嘅讀者。如果,怪責人地只講好嘢,我諗呢排,好嘢以外嘅,都俾其他人講哂啦!咁人地只講好嘢,又有乜問題?
更奇怪嘅喺,轟人者,有部份反而會鼓勵人買股,話買股好過買樓喎!其實,買股又好,買樓又好,總有人發達,有人乜乜,唔好攞啲個別嘢擺上枱。大家可以自己做個統計,睇下認識嘅交際群,同各界知名人仕,上咗岸嘅,喺因為買股多啲,定喺買樓多啲;乜乜嘅,又喺因為買股多啲,定喺買樓多啲。唔好同我斟酌,上咗岸嘅定義,自己諗,明我意思就得。總之,
話得人地鼓吹人買樓,會累人乜乜嘅,搞乜叫人買股?好多嘢,由基礎睇起,就變得好簡單。所謂,
一理通,百理明嘛!Ronald 話,
預測言論者,分四個派別。如果硬要將我分派,可能喺第 4 派囉!不過,話我喺第 4 派,都只喺啱咗一半,點解?因為我根本唔喺乜嘢,預測言論者,而只喺一個,
真相追求者。我對物業,喺以
「值」為先,「價」為次,咦?有分別咩?呢一點,好關鍵。
遘到
「值」,記得幾日前,
我回惜緣兄,話正月流流,唔想俾人問候。
蓄芳兄回應,話我
立不敗之地,點會俾人問候。跟住我响另一邊,低調回應話,
喺美麗嘅草率,唔知我咁低調,有冇人留意到?其實,我回惜緣兄嘅內容,的確喺有啲草率,令到蓄芳兄,有意或無意咁曲解咗,應該要刪除
「市個」兩個字。不過,原來蓄芳兄自己都太草率,佢話,CCL 點跌,都追唔切地產商起樓,所增加嘅樓市值喎!講真,如果 CCL 响某一年內跌一成,應該唔算太過份吖?但要地產商一年之內,起出全港總私樓多一成出嚟嘅,咪仲勁過八萬五?兩個草率,就令到我唔使俾人問候,仲唔喺,
美麗嘅草率?
為咗答謝蓄芳兄,我就賣大包,
DEMO 一下,乜嘢喺
立不敗之地啦!
因果關係,就喺咁微妙。正如光速不變,一個微小嘅修正,就爆發出,將整個物理學,連根起嘅革新。如果唔喺
長河兄撩起,都唔會正月流流,寫篇咁長嘅回應,冒俾人問候嘅風險。咁嘅篇幅,雖然可以上
專欄,但我一於放响長河兄嘅回應箱入面。冇法啦!正月嘛!
我俾人問候,當然要入長河兄數,話哂,冇閣下嘅觸發,我都唔會响,
呢個時候,寫呢啲嘢。寫得嘅,除咗啲乜乜之外,當然唔可以就住就住。
哈哈!
長河兄,呢鋪你走唔甩啦!唔好諗住刪文,你會連我咁辛苦寫嘅回應都刪埋,咁就仲大件事!
正月未過,跟住呢句,梗喺唔少得。
新年快樂!!