主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20266    回應 : 19
資深會員專欄
人在旅途置業時-客串硬好
 
望東樓
2016年2月13日

喺一眾富貴樓好外遊歐美日加韓台未返到,得返老L獨力撐場,比一眾窮淡淡圍毆,細佬惟有反串一舖硬好助拳。歡迎大家狂插。

細價樓爆煲?爆乜煲?就當細佬用健力士價舊年九、十月入咗件A貨(當然唔係果啲一手狗屋啦),咁你話我而家輸幾多?CCL就十個巴仙,咁當埋我祖先卦山風水唔好,我輸多一半,我都係輸十五個巴仙。咁唔該閣下話俾我聽係過去四、五個月有乜嘢資產類別趴街少過呢個數?我就只係數到黃金、政府債卷(仲要唔係祖家果啲)同現金。我雖然都係輸,但雖敗猶榮。

與其話係細價樓爆煲,倒不如話係後QE年代資產價值大回歸。唔好忘記博士嗌火燭個陣都係差吾多係恆指係2008年到依家嘅大大大浪頂。只因博士係樓霸,所以佢最先感應到樓爆,如果佢係股王,佢好可能嗌股爆、係債王就叫債破。

一句到尾,買樓無敵,當然係除咗個啲買得死咁細、死咁遠、死咁貴(得唔合理)、死咁交通唔方便、死咁舊、死咁......等等之外。

 
我要回應
我的稱呼
回應 / 意見
驗証文字
 
1. 無奈 2016-02-13 12:36:22
老L獨力撐場,精神可嘉,敬佩!奈何市況不就處下風。

可能也和樓兄一樣,客串硬好,未可知也。
2. 西門吹雪 2016-02-13 13:22:42
其實樓市長查,駛鬼理佢升跌咩。如果有心查個幾廿年,短期升跌關你x事。真係吾明d盲好為咩要死撐,係都話樓市升為乜?坦白講,我長期都看好樓市,短市看淡係基於理智分析。到左樓市再展升浪,我們亦会一樣变成硬好。 這才是正確分析,吾係亂9咁嗡
3. 望東樓 2016-02-13 13:45:40
咁以吹雪兄高見,以依家為起點,樓嘅下行動力大啲,定係股市下行壓力大啲?
4. 蕭峰 2016-02-13 14:12:41
股市是晴雨表,股市先跌,樓市追落後,目前樓市只跌左9%,仍大有空間!點解大家對樓嘅下行更敏感,因為樓跌1% +槓桿作用,損失放大n倍,係仲傷!所以,timing係好緊要!到入市時機來到,呢度好多人都會轉大好友!好同淡係相對架!


5. 西門吹雪 2016-02-13 15:18:10
東樓兄,我既高見同你既"人在旅途置業時-恭賀新禧"幾乎一樣。上面既回應係對盲好說的,同硬好不同。
我既意思係,我們淡友(包括東樓兄)都係實事求事,客觀分析的,不像盲好們只懂說好,呢编文亦可見一斑。one day, 如果事實轉勢,我估我和東樓兄亦一樣變身說好的
6. 望東樓 2016-02-13 15:29:47
吹雪兄,我係比較另類嘅,大約八成嘅時間我喺非好非淡嘅。睇番往績,我係估底醒過估頂。性格使然。
7. 有遠見,有食力,始終會入市。 2016-02-13 22:13:47

鄧成波3600萬 購尖沙咀單位


投資者鄧成波積極收購尖沙咀加連威老道一帶舊樓,最新以3,600萬元,購入加連威老道71號一個住宅單位,實用面積1,227平方呎,實用呎價29,340元。
原業主1984年以50萬元購入單位,持貨32年升值約71倍,新買家為葉少萍(IP SIU PING),與鄧成波家族成員同名。
消息指,尖沙咀加拿芬道18號地下一個約969呎地舖,剛以約43萬元租出,呎租約444元。代理指該舖由電訊公司承租多年,舊租金每月約60萬元,租客遷出逾1個月,業主原叫價80萬元,受零售淡風影響,最終大幅減租46%把舖位租出。
其次,資深投資者蔡志忠表示銷情理想,農曆新年假期後重開示範單位後,連錄3宗成交,其中110號舖以513萬元售出,呎價約1.6萬元。

8. 望東樓 2016-02-14 00:21:41
請問你講係43萬租舖嗰個定係落釘嗰個?
9. 引刀一快 2016-02-14 01:00:04
東樓兄

我地幾時有圍過LL呀?引刀講嘢都河蟹到俾人懐疑係咪正身喇!
10. 望東樓 2016-02-14 08:16:36
我再次發覺細佬係眾網友對文章嘅預期反應又一次失算。
11. 西門吹雪 2016-02-14 11:21:21
回六樓東樓兄。
咁你見底時記得關照下小弟 :)

有感而發,我喺度吹左一年水,個個以為我係淡友。其實過去我說好既時間差不多有八成。只不過咁啱呢年說淡架咋,哈。過多一排(吾好問我幾耐 XDD),大家就知,其實我都會變硬好架,哈。
12. 望東樓 2016-02-14 16:26:31
吹雪兄,冇問題,不過對大部分人黎講,低位係入唔到貨嘅。
13. CD ROM 2016-02-17 17:30:11
東樓兄, 今次真係辛苦晒你了~~~

你可以深入訪問一下硬好既朋友, 其實呢1,2年, 佢地有無身体力行入貨先??? 

相信未來呢1,2年唔同地區同樓盤個別發展, 唔容易再用好淡去分入市時機, 相信大家可以觀察得到樓盤 "防守力" 既分野啦!!! 話晒呢10年有多都無出現過, 呢個result可能對下一個浪好有用!!!

宜家進入playoff, 防守變得好緊要啦~~~
14. 西門吹雪 2016-02-17 17:46:48
Cd rom兄所言有理。
不過我突然係度諗,跌得少係咪就等於升得少呢?
以一些公屋居屋為例,升到最後先升佢,但短期既爆炸力卻大得很。

所以,可能在樓市上升初期先買一些防守力強的,然後到後期換成哪些爆升的較有著數?我都是隨便說說,不知可行與否。哈
15. SHUN 2016-02-17 21:57:36
利嘉閣本月料蝕三千萬、14人爭一張單、D經紀坐在電話&電腦旁、打比D客之餘、仲有就是係呢D地產宣傳空間盡………………托!
16. 引刀一快 2016-02-18 05:14:14
SHUN兄

係就好,依家好友人丁咁單薄,以前嘅強手幾乎全部潛水,我幾乎唔敢隊人呀。
17. 望東樓 2016-02-18 09:14:52
CD ROM早,

呢潮唔係好肯定。基於收水容易,止蝕艱難嘅人類天性。而家(係租同價)劈得最深嘅似乎係太古城呢類有大量超平成本價存貨嘅屋苑。

Shun兄,
最近每逢周末係街口都有兩檔open house長駐,佢哋大年初一同初二都開工。應該會係新常態。