主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 6099
地產新聞
旺區舖減租七成 難留商戶
(太陽) 2015年11月23日
聖誕原為零售旺季,惟近年市道慘淡,商場人流愈見稀疏,吉舖湧現。近日有部分商場自願減租,但商戶仍紛紛離場,有銅鑼灣的商場業主更大幅減租七成,舊租戶卻寧願轉為網上商店或樓上舖;有商場變招,不過反應亦一般。業界人士指,部分旺區商戶生意明顯轉差,只勉強開門做生意,希望聖誕及新年力挽狂瀾,否則過年後,將觸發另一輪執笠潮。

「八千蚊全包,叫我哋啲舊租戶返去,比以前二萬幾蚊一個月租金係好抵,但都冇人願意返去啦。」於銅鑼灣一個商場開店已近兩年的Cyrena,今年七月因商場人流稀疏,決定由商場搬至附近的商住大廈,「銅鑼灣商場年頭開始已經冇walk in客,愈開愈晏,又愈來愈早收舖,只係依靠熟客維持收入。」位於銅鑼灣、樓高兩層、大約有一百六十個舖位的商場,竟然有約六十間店舖人去樓空。

半數舖位丟空

面對零售寒冬,近日至少有六個旺區商場傳出減租,但續租情況未如理想。有商場亦不惜變招,大搞宣傳望增人流,位於尖沙咀彌敦道的一個商場有過百商舖,但真正租出的只有一半,即使成功出租的舖位,在平日傍晚更有一半未有開店,商場內顧客也不足十人,開設美甲店的Becky坦言,雖未獲商場減租,但商場推出共同賣廣告的宣傳策略,「我自己就冇參加,覺得冇乜用,而且又要花一筆錢,人流係咪會多咗又唔知。」

而銅鑼灣另一商場的頂層,十多個舖位亦只餘下約六店開業。在該商場開衣飾店的東主陳小姐坦言,自年初人流漸少,商場一、二樓原本也有不少吉舖,商場管理處曾作出調動,把頂層的店舖遷移到一、二樓,而頂層則向商戶減租求留人,寄望可改善現時「死場」的情況,「商場都平咗我四、五千蚊租金,商場亦將頂層其中幾個舖位改做Cafe,希望將來人流會多番啲。」

香港百貨商業僱員總會副理事長鄧祥勝表示,不少商戶仍處於觀望態度,「商戶都想睇下可唔可以搵埋聖誕同新年嘅生意,不過,過完年可能會更差,迎來另一次執笠潮!」他指,旺區商戶受到嘅影響最大,「自由行區域嘅商戶普遍市道都好差,好多都係勉強捱緊,希望過到年。」