新聞資訊 > 過往預測 返回
瀏覽人次 : 4657
過往預測
2016買樓心得 胡幗英:豪宅繼續升
(東方) 2016年1月4日
不少香港人視買樓為畢生最大投資,踏入2016年,地產界女強人胡幗英預料香港樓市將變兩極化,豪宅將繼續升,低價樓可能會有上落,廿年投資心得總結為不要太看重升跌。早前她放假鬆一鬆,偕女兒到柬埔寨旅遊期間,並決定捐助一所學校重鋪地板,相信有學問有希望,可改變未來。

地產界女強人胡幗英相信今年香港樓市會出現兩極化現象,她說:「豪宅前景好,始終供應少,好多海外資金流入,人民幣貶值都令內地資金流向香港,故豪宅只會繼續升;至於新界區周邊嘅低價樓供應多,可能影響大啲,或會有5至10%上落。」其投資樓市心得,她總括自己也有看錯的時候,心得是:「永遠唔會賺到盡,唔好同物業講感情,若物業升值唔好,唔介意放售,唔好太着緊升跌。」

捐錢畀學校鋪地板

早前她放下工作,偕女兒Valerie到柬埔寨旅遊玩足六天,此行主要遊暹粒,惟返港當日女兒即又屙又嘔,疑水土不服,雖然如此,她們仍然覺得值得一遊,她說:「暹粒有世界七大奇迹之一嘅吳哥窟,景色真係好靚,特別Valerie大學讀考古,見到啲九至十世紀建築嘅廟宇,佢覺得好神奇。」

她們參觀吳哥窟、塔普倫等多個廟宇,又在湖上划艇觀看居住在水上屋的當地人生活,大開眼界,導遊並帶她們參觀學校和工廠,不少外國人都會捐錢建水泵和水上診所,而她最後亦決定出錢捐助學校,她說:「見到學校啲課室都係泥地,所以捐錢畀學校鋪地板,希望幫助學生改善學習環境,過兩年後我會再去,到時睇吓捐咗嘅錢係咪真係用咗喺學校,如果係,下次會再捐錢起水泵。」

女兒英籍男友同行

女兒的英國籍男友亦有同行,問是否旅行順道見家長?她笑說:「我個女話唔結婚喎!佢辭咗拍賣行份工,之後會去新西蘭working holiday,男友唔捨得,佢喺銀行份工又做得唔太開心,兩個一齊辭工,佢會陪阿女一齊去,佢哋感情幾好。我都會支持佢!」