【珍惜香港】TO:74/F 自我陶醉
閣下唔好屈得就屈,
我從來冇話過 PI 好叻。做 PI,根本就冇乜大不了,亦好多人都做得,
我第一篇,第九段都喺咁寫。只不過,
你一起手就得罪人,開口埋口話人歪理,乜乜出神入化,你認為自己寫嘅喺專業嘅投資或投機,而人地反論失敗嘅投資者,你就話喺低層次,討論緊啲低級錯誤。既然喺咁,我當然要反問一下你,所謂層次、專業,究竟喺指啲乜嘢?喺唔喺要一個 PI 身份,先至夠資格同你討論?
自命專業嘅人,往往就衰咗响啲最基礎、最簡單嘅事物度。點解我話,
投資,喺在乎於決策?你決策唔得嘅話,咁你講嘅所謂投資法、投資策略、風險管理,以及一切一切你崇尚果啲專業嘢,都只能夠用嚟彌補或減低,因為你決策錯而導致嘅損失。或者你
投資操作方面,真喺好了得,但成功嘅關鍵,唔喺响啲操作嘢度,呢個就喺所謂
「莊閒」。
你以為,我將老細比喻為「莊」,喺因為佢喺老細?老細大哂?你根本就喺自尊心作祟,講乜人地心中有鬼?
寫得長,唔代表有道理,
但我成篇回應,你就只喺斟酌於一個鉛筆比喻?鉛筆比喻,只喺開場白,目的為帶出
「知道即將」呢個慨念,從而引申出,一個長線投資者,點樣通過睇穿
「現在嘅基礎因素」,作出正確嘅投資決策。
我地持貨,由幾年,到幾十年不等。作為長線投資者,根本就唔可以依賴短期嘅預測,但越長期嘅預測,又越難好準確喎!所以我地睇嘅,喺
「現在嘅基礎因素」,即喺唔會隨便受市場變化影響嘅長期因素。就好似長河兄响
57/F 提到:「這種改變是一個漫長的過程,趨勢清晰可見」,以及
75/F 第二段果一系列因素,我地都喺
「知道」,唔須要走去「預測」。我寫嘅嘢,任何一位長線投資者,都唔難睇得明,因為佢地感同身受。而閣下睇唔明,喺因為你唔夠 OPEN MIND,目光太狹窄,又成日執著埋啲字面理解,以致睇嘢唔得深入。
就好似
「押注」咁,押上賭注,只喺字面上嘅解釋。賭注可以喺一蚊,亦可以喺成副身家,咁即喺點?如果有人話:「咁你都押注?死得人架!」唔通佢喺講緊一蚊咩?
使唔使劃出腸?又例如
「價值」,本身喺一個通用詞,可以用嚟表達同價錢有關或無關嘅值。一個小朋友,打機唔溫書,阿媽話佢:「好溫書啦!唔好成日做埋哂啲冇價值嘅嘢!」唔通又喺講緊價,講緊錢?
我話,
「價」同「值」喺兩回事,根本就喺簡單道理。呢個世界,好多「值」都唔可以用「價」嚟衝量,而我地投資,或者做生意,呢種「值」,甚至比可以用「價」嚟衝量嘅「值」,更為重要。正如一間供應商,個老闆嘅為人、作風、理念,呢啲無形嘅「值」唔得嘅話,咁就算佢報價最平,都喺唔會揀佢。
如果任何「值」都可以「計」得到出嚟嘅話,咁發達咪話咁易?投資嘅博大精深之處,就正正在於,好多關鍵嘅「值」,都喺無形,同普遍為世人所忽略。