主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 9227    回應 : 9
中華視野
環保電車,Telsa 與時並進
楊官華
世紀21中華物業有限公司董事
香港專業地產顧問商會副會長
大中華(東京)房地產顧問
2015年8月10日

  筆者自小便是車癡,自18歳便考獲電單車及私家車牌,年少時候很窮好早便投身社會工作,加上住新界,上班路途遠,一考到牌便買架二手電單車代步,省時省車費,剛滿廿歲便買左架錢七(壞冷氣)做車主,記得那時候是1992年夏天熱到飛起,買入一輛本田雅閣$3500蚊便搞掂(成十幾年車齡)一嘗做車主之味非常happy,因當年工作關係筆者係地盤佬,做一個小小判頭經常去唔同地盤睇site做工程,開車已經係工作必須品,從那時候開始,累積很多買二手車經驗,算一算近廿多年來都買過幾拾架車(新車祗佔數架),基本上朋友買車都會call我幫手睇下,其實因爲自己愛車,仲專誠去工業學院呀,理工學院攻讀夜間機械工程,瞭解內燃機進壓動排原理(進氣,壓縮,動力,排放)瞭解下點解架車會行嘅原理,對兩個車轆,二衝程failing車,4衝街車,爬山車(大雞)都係愛好者,至於4個轆2門,4門,開逢,房車,橋車,七人車我都愛研究(除左super car玩唔起)。

  近十多年因工作關係,經營代理生意經常須要專車接送車客看樓,早兩年有十多家分行的時候,每間分行配備一兩架車接客睇樓,都夾埋成廿部車,筆者作為車癡其實某程度上非常開心,但係月尾找油卡費用,就非常肉痛,加上定期保養維修,真係整車都整到窮。近年政府出辣招對代理生意影響大,公司開源節流,分行減到低過十間,精兵制,但是車對豪宅代理是必需品,所以豪宅分行都仍然保留車隊剛剛有部平治s糸房車退役,筆者正在頭痛買乜車好,要平靚正!

  於是就問一位超級車癡老友,他是JPG改裝車專門店老闆,他是收藏家,收藏的靚車多不勝數,有多輛絕板NSX,新款GTR限量板,最新EVO落場板(200萬改裝)古董開蓬玻子,仲有好多勁野,篇幅有限不能盡錄,他告訴筆者2015年呢部車一定係銷量No.1的最佳汽車,識車嘅人一定識得買,呢部就係Tesla.Model S.遲d有部model X仲正咁話。

  我聽到之後完全冇反應,因爲我都唔知乜野係tesla.完全陌生,因為tesla完全冇廣告,靜靜起革命,車癡的他就非常焦急告訴我,美國車,純電池推動,早兩年股價40幾蚊,而家升到250幾蚊美國總統奧巴馬力撐支援那部tesla呀!講到咁勁,我真系唔識,重話係電動車,一想起電池容易打柴,都冇興趣,不過車癡老友咁強勁推介,回到公司上網睇下。

  點知一睇就看左半日網站及youtube的料看晒咁滯,部車真系好吸引即時中毒,第二日就去左淺水灣show room試車一上到架Telsa model s 85,已經好科幻,全部自動化,成架車係冇任何開關制,99%係用touch screen 操控!一比油,冇聲冇息,就如奪塞野馬,G4力量強力扯背,勁道十足,軑盤操控軟硬適中,制動系統靈活易收制,試左三分鐘,趕緊返去show room落訂,因為個年青sales話祇淨返最後一台現貨,我心想其實自己中晒毒,都唔冼sell啦!

  但是sales告訴我,如果冇現貨就要等半年到年尾先有貨,嘩!即刻就落訂,架車基本約70萬,加埋一d裝備約80多萬,如果訂齊料就過百萬,話咁快唔冼一個月就取車,筆者楂左幾日,已經習慣冇引摯聲音,非常寧靜,呢架tesla就像蘋果手機,改變人傳統使用車輛既習慣,冇左汽油,機油,水,引擎聲音,冇波箱,祇用一個齒輪行車,一個電摩打,就是這樣簡單,用380伏特義電衹需一小時便行400公里,筆者車泊在公司奧海城停車場充電完全免費,運輸處牌費約1000元,平過電車,站在油費及維修保養,基本上係冇費用,過多幾年電單車價格普及化,坊間傳統汽車維修店仲邊有車要整,例如六年以上私家車要去政府指定驗車中心驗車,check廢氣排放,電車邊有廢氣排放,基本上沒有內燃機(冇油缸冇電油),大吉利是撞車都唔會爆炸,安全好多!唯一未知道是電池耐用程度,tesla車廠話電池用8-10年,實際可以用幾耐,等筆者楂幾年便知道!

 
我要回應
我的稱呼
回應 / 意見
驗証文字
 
1. LIKE 2015-08-10 12:37:26
Please share more of your Tesla owner/driver experience. I saw this car in London the first time
and fell in love. I am saving every dollar for it. 
2. yyfan 2015-08-10 13:33:18
i ordered one in Jun and will be delivered in Nov
3. 引刀一快 2015-08-10 15:27:00
正到爆!唯獨係充電樁唔夠普遍。
4. 修道船 2015-08-10 16:29:51
等一年半載可以用1/3價錢買中國testla, 遊俠X
http://www.pingwest.com/bilibili-macro-link/
5. Scoliosis 2015-08-10 23:53:36
Tesla is extremely popular in Silicon valley. Very trendy
6. 楊官 2015-08-12 01:36:20
多謝各位查詢!
Tesla駕駛樂趣分享!
楂tesla可以話係貴買平用,因為實在唔冼真金白銀入油,一缸油節省800至1000元,呢種感覺幾爽!最爽係起步加速操控速度感覺可以話係贏好多super car,不過冇左傳統引擊咆哮聲音同手波指肘動作,可能動感方面冇左原始機械曲軸傳遞震盪那種手感,可能開慣super car車手們略嫌駕駛樂趣不足,但是對於筆者係平民用家,感覺已經好滿足,不過駕駛Tesla要非常克制自己不要超速,因為太容易唔感意就會超速,原因係架車太靜同車廂內穩定,稍一唔留意,kick down 0~3秒架車速度已經超過100公里,遇到行限速50公里的道路,tesla話金容易速度行130公里,一個靚仔位(快相機)一槍就可以停牌,所以籍此機會奉勸各位Tesla車主要特別小心,一不留神停牌,就貴車平用變成有車冇得用。開tesla一定要用iphone 6,因為tesla 車內的touch screen panel控制台本身配備一張3G上網卡可以冇限上網用三年,tesla apps可以遙控監察車內設備,例如有冇鎖門,車廂溫度,車輛位置,備用電力等.
夏天車泊在露天停車場,從apps可以看到車箱溫度,烈日當空,車廂溫度隨時40~50度,你可以預先早10分鐘用iphone 6手機tesla apps遙控開車廂內的冷氣,當你上車的時候涼陣陣,超爽!加上可以看到車輛停泊位置,GPS非常準確,泊車揾車冇難度。贊左金耐,係時候彈下啦!車輛沒有台速,基本上冇車匙插入開關又冇keyless go 按制,冇start 或stop制,司機位離開車廂架車自動關冷氣,開門關門就是turn on and turn off,初期用極度不習慣,要時間適應,另一方面新車配備兩條义電缐,一個掛牆充電插,另一個係中速义電器,而沒有跟13a電壓的充電插,要自己另外加配!因為全港政府合署都有大量13a插座免費使用不過是慢义,要八個小時才能充滿,而用三上電380伏特的快速义電器,全港目前衹有八個地點有,每個地點都有兩到四個位义電泊車位,約一個小時便可以充滿電,但車厰建議不要义爆100%電池,充電滿80%-90%電池會比較耐用!如果閣下是住屋仔(匤湖居,康樂園,加州花園,比花利山,獨立村屋屋等等)恭喜哂你沒有充電問題,所以近期住獨立屋多左好多電車車主,全因為有私家車房,有三上電仲可以安裝380伏特的快速充電器,而义滿90%電一般正常用行300公里左右,除非全程平路不停向前行駛才會像車厰說行到400公里
行駛操控方面,用駕駛回义電模式,車輛一收油門(腳踏)車輛好快慢慢停止就像拖了一波一樣,唔同一般汽油車,收油后架車像滑翔向前溜走,tesla衹要一收腳踏就像輕踏殺車制一樣!另外基於尾輛推動,加速力特別強勁,天雨路滑情況下,小心甩尾失控。
査詢www.c21-Tokyo.com
7. Tesla 2015-08-12 01:43:32
8. 引刀一快 2015-08-12 12:48:05
最衰呢種車暫時唔啱大陸環境,出去玩一日隨時百幾兩百公里,開埋冷氣半路冇電好麻煩。

不過,講開又講,電車開冷氣瞓覺,同X震,都好安全喎。
9. yyfan 2015-08-12 20:51:10
可惜我落單時四驅冇現貨,唯有等幾個月先有得揸,老婆己經虎視眈眈話天熱要同我換車揸,貪佢可以天熱唔駛停車熄匙,又可以遙控提前開著冷氣