主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 9088    回應 : 4
中華視野
亞洲貨幣磚頭大作戰
楊官華
世紀21中華物業有限公司董事
香港專業地產顧問商會副會長
大中華(東京)房地產顧問
2015年8月15日

  近日人仔急跌三日下跌5%創五年新低,阿爺目的係爭強競爭力,因為目前亞洲各區貨幣都創新低,先講馬來西亞匯價創17年新低,單是今年下跌13%,港幣HK$1.97元便可兌換馬幣MYR$1,印尼盾同樣創17年新低港幣HK$5.62兌換印尼盾IDR$10,000,今年下跌10.23%。新加坡匯價創5年新低港幣HK$5.53兌換坡紙SGD$1,今年下跌近6%。泰銖創六年新低,港幣HK$2.2兌換泰珠THB$10,今年下跌近7%。菲律賓披索創5年新低,港幣HK$1.67兌換披索PHP$10,今年下跌3.2%。韓國韓圜創三年新低,港幣HK$6.58兌換韓圜KRW$1,000,今年下跌8.35%。

  最後介紹日圓90代泡沫爆破的日本,日圓創八年新低,以 14/8/2015 的兌換價計港幣HK$6.1x便兌¥100 日圓,早兩年多前是港幣$10才能兌¥100日圓。以上係亞洲各地匯率實況,因為港元同美元掛鈎,港元強,普羅市民去以上各地旅遊就非常開心,因為港幣好洗好用,買任何野用港幣等同打折,所以近年港人出外的旅遊團旺到爆炸。

  近期好多客人問筆者如果要海外置業,買樓買那個地方最理想?最安全?升值潛力最高?最抵買?最平靚正?要符合以上五個條件,非常困難,首先因為篇幅所限,及唔好太辛苦坐飛機唔好超過5個小時,所以不談歐洲,美加,澳紐,英法等等地區,祇談亞洲。

  亞洲貨幣戰,匯價低水,究竟水向低流,流向那個地方?最好最理想?投資物業一向講求時機及位置,綜合以上各地區城市,筆記衹推介兩個地區,首選日本東京,次選馬來西亞吉隆坡。點解?

  時機:原因係時機合適,兩個地方匯價同樣創近年新低,買磚頭置業用港幣去買非常抵,加上兩個城市的樓價都係止跌回升已經超過兩年呈上升波,走勢良好穩定!

  位置:日本係先進國家發達城市,治安良好,國民道德良好,港人熱愛城市,其實買日本樓唔洗多介紹,所以目前港人去東京買樓係六折,港人已經非常熟悉,那為什麼第二選擇是馬來西亞?主要原因係近兩三年馬來西亞變化極大,政府全力支援經濟及樓市股市!加上一帶一路效應馬來西亞變成東盟16個之首,詳情可以買一本書是筆者一位拿督朋友黃秀瑛小姐寫的,叫邊食邊玩邊投資馬來西亞!其實以上兩個地方,東京同吉隆坡都係筆者喜歡的城市,想深入了解?一定要飛過去親身體驗一下啦!

  查詢www.c21-Tokyo.com   Email:c21@hotmail.com.hk

 
我要回應
我的稱呼
回應 / 意見
驗証文字
 
1. Juicy 2015-08-15 16:44:28
吉隆波我有當地華僑朋友,她常想移民,因為當地治安很差,政府很黑,她們夜晚盡量也不出街的
2. 元朗人 2015-08-16 10:02:27
樓上Juicy君

我有大馬单身朋友十多年前也有類似説法,但他常又期待明天會更好,没有真正行動移民。他們可能慢慢習慣不當—回事。

香港人很多身在福地最愛説要走,反而我大部分已移民朋友拿會舉家回流,搶貴哂D楼,哈哈。
3. 引刀一快 2015-08-16 10:21:56
元朗人兄

雖然近年急速滑落,香港仍然算係華人世界最高標準。
4. Gorcott 1 2015-08-16 23:23:00
元朗人兄
回流果D係因為佢D仔女在當地融合唔到,做唔到中上工作,自己身體又唔好,揸車去睇醫生又覺麻煩,所以未返來囉。個D掂咗,又點會返來。