地產博客 > 敢說亮話 返回
瀏覽人次:26148    回應:9
敢說亮話
點解沒有打大風
 
湯文亮博士
紀惠集團行政總裁
2016年8月2日

  妮妲襲港,似乎是來勢洶洶,連廣東省都話要三停,休漁期延長,香港有不少報紙話坐八望十,在一個WhatsApp族群裡我叫王弼今早去石澳睇浪,佢話老婆鬧,十號風球都去睇浪,唔顧大都要顧住細,我當然唔敢講嘢,不過我話,是唔會打大風,不過就會大潮,我並不是亂作,是有根據,現在妮妲逐漸遠離本港,而香港所受到的損害,比預期為低,證明我的估計沒有錯,我應承王弼將原因講出來,大家千祈要記著唔好駁故。

  我昨日下午在公司望到灣仔會議中心堤岸有白頭浪,而維港則沒有,我知道那些是暗湧,在大潮的時候,就算唔打風都會出現,適逢打風,就會出現非常大潮,這是我叫王弼去石澳停車場原因,可能整個石澳沙灘已經被水浸,這是難見的機會。

  在我小時候,見到燕子低飛,於是問老伙計,佢話氣壓低,燕子很難高飛,如果有風打,就很大機會打得成,現在我都唔見到燕子,所以,我不能用這個假定。

  有一次,我見到天泛紅霞,於是問一位回澳避風老漁民,佢話個天咁紅,一定會打得成風,果然不出那位漁民所料,昨晚,我又唔見天泛紅霞,所以,我認為不會打大風。

  有一次,好似昨晚一樣,大家都以為會打大風,家母話唔會,因為剛剛有閃電,雖然聽不到雷聲,應該唔會打風,叫我明日早起,準時返學,我到今日都不明白,點解家母準過天文台,之後,我學會了一件事,當預測某些事情時候,了解形勢比睇數據還緊要,講完故仔,下午準備返工。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 足虫 2016-08-02 11:10:19
勢,同意!
2. Ca1on 2016-08-02 12:31:21
就好似有好多唔同嘅磚家胡亂對股市樓市作出嚇人嘅評論,但見慣風浪之真正專家,看到大勢,自然夠膽以自身經驗作出正確的估計。
3. Tony lam 2016-08-02 13:00:43
打風都要有政治安排、今朝其實10點左右可以落波、但先公布12點前落波下午就要返工開市、咁跟手較到12點過哂先落波、皆大歡喜放多日假、唔使比小市民tell又政治正確、今日香港典型為官之道、不過要交租嘅小老闆就實小小聲囉!
4. 京士頓 2016-08-02 16:03:12
想不到天文台也走群眾政治正確路. 全沒必要12點後落波...
5. 阿戊 2016-08-02 16:21:23
純斷估老作... 閃電需要雲有大量電, 如果雲移動快, 即系大風時... 好容易一早漏晒D電... 掉轉, 有閃電, 即系雲可以累積到電能, 咁即系雲移動慢... 咁樣, 系冇大風導致有閃電, 唔系有閃電所以冇大風
6. 引刀一快 2016-08-02 17:46:19
燕子低飛,其中一個原因,係因為住地底嘅昆蟲同小動物感受到低氣壓,紛紛出洞怕大雨來了走唔切,所以燕子頻頻低飛獵食。
7. 舍神 2016-08-02 21:48:06
老實說, 我反而驚訝......上星期中d supercomputer 在未形成颱風已預計到星期二會打正香港!只是破壞沒有想像中利害! 轉西南風後.....我個區, 平靜都不得了
天有不測之風雲........要有所改寫!
9. 引刀一快 2016-08-02 23:56:58
真正厲害嘅,唔係超級電腦,係大氣模式。
10. 元朗人 2016-08-03 06:49:22
甚麼也隨意批評的人是否在珍惜香港?中午落波時出街,大風雨突然殺到,我想稍後落波会更安全些,需顧及不同區域的人。

另一批評也是奇怪,放假對經濟一定造成損害?