主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23533    回應 : 24
敢說亮話
我也是爛頭卒
 
湯文亮博士
紀惠集團行政總裁
2016年2月6日

  年尾流流,老索不斷話要沽空人民幣,又唱衰中國,於是我撰文話,老索以86歲高齡,仍然要身先士卒,有點坎坷,因為這隻不是過河卒,而是爛頭卒,講明沽空人民幣,以及唱衰中國,其他有名望資產管理主持人又點會做,就算沽空人民幣都唔會公開講,朱總理教落,悶聲發大財,做生意的人一定懂得,老索冇理由咁失策。

  有老友話我有口話人,冇口話自己,我也曾是爛頭卒,唔使佢講我都知道,去年大約這個時候,我發表了「細價樓爆煲論」,表示細價樓將會在六個月內爆煲,誰不知在六個月後,細價樓連些少爆煲的跡象也沒有,我當時接受傳媒訪問,很多傳媒人都問,點解只有我講爆煲,其他資深投資者隻字不提,唔通他們睇唔到細價樓會爆煲,我話,全部投資者都睇到,甚至比我更清楚,不過,冇人願意做爛頭卒,在細價樓牛氣冲天時講爆煲,這樣愚蠢的事冇幾多人會做,尤其是沒有著數,我亦只此一次,下不為例。

  昨日我睇明報,有資深投資者話早在兩年前已經感覺到樓價不合理,不過,他當時並沒有公開說出來,亦沒有勸籲年青人暫時不要上車,就憑這一句話,任何人都知道我的功力不夠,唔將事實講出來,便不會得失地產商,物業代理,至於年青人一定要迫上車,即使樓價下跌,他們遭受損失,亦只不過他們為自己的行為負責,最蠢的就是將事實講出來的人,其實,我都唔想講,如果有一位資深投資者叫年青人小心考慮細價樓樓價是否太昂貴,我一定不會插咀,在發表之前,我亦曾考慮過,如果我唔講,他日細價樓急跌,遭受損失的年青人就會指責物業投資者不提醒他們,我當時見冇人肯講,唯有勉為其難做這隻爛頭卒。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 好 2016-02-06 09:24:35
多謝博士提醒!
2. 舍神 2016-02-06 09:36:28
人家只會認為係你唱衰個市先會跌嘛! 不然鄭經漢就不用受幾刀啊!

博士一向荒漠獨行,管他呢!

新年來臨,祝大家出入平安 。 hehe
3. Frankie 2016-02-06 09:37:52

 衷心欽佩博士 這種:  [ 雖千萬人, 吾往矣 ] 的氣慨,     在香港,   有錢的人有不少,  但 肯說 心所信, 心所想 的真話的有錢人真係無幾多個.

    祝 博 士 猴 年 身 體 健 康, 合 家 生 活 愉 快, 龍 馬 精 神.

5. 引刀一快 2016-02-06 10:26:05
大家都等緊湯先生下次轉角再明確提醒大家。
6. 謝湯前軰 2016-02-06 11:26:40
希望樓市見底時湯前軰可以提示大家入市,新年快樂,身體健康,恭喜發財!
7. SHUN 2016-02-06 11:45:41
托市怪獸又未訓醒呀?今年細價樓起碼跌3-4成、炒人、執笠潮過年後就殺到、E家仲未賣走件負資產、就仆直!
8. SHUN 2016-02-06 11:52:13
托市人又未訓醒呀?細價樓過年後因炒人潮而跌、盡快蝕少D走貨喇!
9. 先知 2016-02-06 12:03:09
究竟從甚密渠道得到會有炒人潮而令樓價趺3至4成真有未卜先知的能力
10. 真真薯片 2016-02-06 12:46:17
咁老索講既野, 係咪所有人都睇到, 但係得佢夠膽講?
11. 123 2016-02-06 13:02:35
索羅絲係基金管理人佢都冇預知能力不過佢放聲氣是有一定影響力
12. JW 2016-02-06 13:20:59
湯博勁過老索啦
13. 湯文亮:幾時買樓,睇一個指標 2016-02-06 13:42:08
                                       

湯文亮:幾時買樓,睇一個指標

                       

           

                           
                                                           

有年青朋友問我幾時可以買樓?我唔識得答,亦唔似其他人話,買得起幾時都可以買,就算答都要非常小心,因為每一個人的能力都不同,要求也不同,進取或比較保守一些,所得的結果也不一樣。所以,我很少答某一個人幾時應該買樓。幾時買,他們應該比我清楚, 或者, 他們心目中已經有一個答案,我就算答,如果與他們心目中的答案不吻合,他們一定要求我解釋清楚, 沒完沒了的事, 我亦懶得回答。

湯文亮,紀惠集團行政總裁,資深物業投資者;著有《細價樓爆煲論之始末因由》及《細價樓爆煲論之危中有機》。

今次有多少不同,因為我要寫書,亦探討這個問題。幾時買樓可以從成交量睇到,在2015 年,大多數月份的二手樓成交量少於二千。

做物業代理當然辛苦,但如果不是二手細價樓樓價屢創新高,令到二手樓業主心熊,就算不創新高,都要高價才願意出售,成交量就不會如此偏低,這亦是市場向高樓價說「不」的反應。所以,當成交量回升,即是業主肯降價。我估計,當二手樓成交量回復至每月四千宗或以上,就可以考慮買樓,但先決條件就是樓價最少要保持平穩。如果成交量大,而樓價又下跌,表示大量業主願意劈價出售物業,在這情況之下就要多等一會,待成交量增加,樓價上升時才入市,勝算就會大得多。

撈底恐得不償失

大家千祈唔好期望可以在樓價最低時才入市,可以做撈底王。做撈底王其實是損失了無數機會,就算真的撈到底,亦可能得不償失,太唔值得。所以,打算買樓的人首先要心裡有數,是他們自己條數,當樓價下跌到不但可以負擔、甚至游刃有餘的時候,就要準備買樓;買樓之後,亦要有心理凖備接受樓價繼續下跌。如果沒有這種心理質素,就千祈唔好買樓,既然買樓後要自怨自艾,倒不如安慰自己,話樓價長遠必升,咁就會開心得多。做人開心就好,唔需要諗咁多。

 

延伸閱讀:《細價樓爆煲論之危中有機》湯文亮著

Share Button
                                                                           
                                2016-02-01                                                                               
    Share               
                   
  •            
           
  •                                
       
               
            
14. LoL 2016-02-06 14:02:27
托市人應該係舊年入咗貨,走又走唔甩,唱好係選擇性失明/聰。

15. LoL 2016-02-06 14:03:02
托市人應該係舊年入咗貨,走又走唔甩,唱好係選擇性失明/聰。

16. 四維奇 2016-02-06 17:01:27
看了博士文章三年了,覺得博士是真心教授知識及經驗
多謝並支持,你是第十個人,並不是爛頭卒!
17. 四維奇 2016-02-06 17:03:32
看了博士文章三年了,覺得博士是真心教授知識及經驗
多謝並支持,你是第十個人,並不是爛頭卒!
18. 123 2016-02-06 17:08:23
雙倍印花稅措施後根本不會知炒怎可能說是舊年入市到今年稍為跌價而不能賣走唱好的只是一般小業主而不斷說會大趺市的必定是N無之人
19. 引刀一快 2016-02-06 18:12:50
舊年入貨嘅人未必係最著急嘅,SSD夠期放貨放唔出嘅人,半年前又唔信過頂,依傢减價又唔抵得,呢批貨主就最著急。
20. LYC 2016-02-06 20:12:16
揸住N層樓,收了N年租,驚都未驚過!淡友一廂情願以為業主揸實啲樓會好驚,真可憐!

今期啲雜誌林博士繼續唱好樓市啊,哈哈,唔通佢上年買咗樓!?

全港最大顧主今年將會繼續加人工,增聘人手,佢地收入穩定,有房屋津貼,正是樓市既本地主力有潛力既買家。你們咪繼續等跌N成囉!
21. 珍惜香港 2016-02-06 22:18:07
珍惜香港

今日,有朋友响 WHATSAPP 群度,分享咗湯博士一篇文章。我尋找地產網,搵唔到,原來喺响 WealtHub,昨日嘅發文。對果篇文章,我有啲共鳴,加上博士今日寫爛頭卒,於是我將佢 POST 咗响 13/F 度。唔好奇怪,我之前都話過,有時會轉載一啲報導、或其他人嘅文章,用到非註冊者身份

記得有次我話,市場,喺需要明燈,而唔喺答案。我地喺冇責任,去叫人地幾時買樓,幾時唔買樓。當時,有網友唔明白,其實有啲嘢,唔喺解就會明,尤其當人地對你寫嘅一言一詞,已經有咗既定嘅理解方式,咁你就算點寫,人地都會誤認為喺佢自己諗果啲。希望,湯博士 13/F 嘅文章,會令到唔明白嘅人,明多少少。

今日博士提起索老伯,又自嘲爛頭卒。其實,索伯自己知自己事,今日阿爺嘅實力、香港嘅金融防護盾,唔喺呢個阿伯獨力話郁就郁。所以呢,咪吹吹雞,睇下有幾多傻仔後輩,會聯手玩寸個 PARTY,等佢有機會坐收漁人之利囉!但博士嘅出發點就好唔同,發表意見,叫啲後輩唔好迫上車,都只喺做下好心,自己又冇乜著數,所以我認為博士,唔應該攞自己同索伯比。

好多人,窮一生之力,去研究價錢呢樣嘢;目的,就喺想要摸頂、撈底。但有幾多人,真喺睇得咁準?

呢個世界就喺咁,你一片好心,人地就話你私心。有次我心情唔多好,都俾人小人之心諗多之類,想起都覺得好笑。所以,見到呢度有非註冊網友,寸人托市怪獸,又話人地舊年入咗貨走唔甩,選擇性失乜之類,都幾感慨。我大致估到佢講邊個,果位 LYC 嘅回應,亦喺有理有據嘅。個市,升咗又好,跌咗又好,都喺基於一系列已知及未知嘅因素,總之,你肯賣,佢肯買嘅,就喺市價,而未來嘅預測,極其量都只喺五五波

今日响地產網,睇好樓市嘅,已經成為咗第十個人,各位應該虛心啲,聽下唔同嘅意見。因為,每當大家一面倒咁認定一樣嘢果陣,就喺最盲目嘅時候。正如我從銀行方面,聽到好多人,唔知點解,冇需要,都走去兌換美金,好似話,美金安全啲喎!羊群就喺咁怪,平果陣唔買,貴先至嚟搶。不如我打個比喻,假設有個聯「匯」機制,保證匯豐嘅股價,低唔過 50,高唔過 100。依家匯豐股價跌到 51-53 呢個位,派息七厘幾,咁就算你唔入,都唔會咁傻走去沽嘛?除非,你搏呢個聯「匯」機制,會守唔住啦!不過,如果你問果班,唔知為乜兌美金嘅人,喺唔喺搏港元脫勾?佢地又唔見得會話喺喎!所以有時呢,做人,都幾矛盾!

我返美元債息,冇嘢買嘅,梗喺第一時間轉哂做港幣。家陣美金咁紅,銀行佬都覺得我奇怪,原來,怪,真喺相對嘅!响怪人眼中,正常人先至喺最怪。所以有啲嘢,好難解釋,惟有話,身為香港人,當然要撐港幣啦!哈哈!我都呼籲各位,撐下港幣,唔信金管局,唔通信索羅斯咩!

有玩開投資嘅朋友,同我講,擔心金管局會好似當年 97 咁,用殺手鐧同大鱷開戰,抽高拆息,搞到佢地啲槓桿 P 哂 K。坦白講,影響人地投資取向嘅,我唔太方便評論,只能夠話,今時,已經唔同往日。你想借大量港元,金管局就會攞個放大鏡,盯住你。想玩嘢?唔使旨意!抽息?冇咗個因,何來有果?

就睇陳德霖個相,我只喺見到,「滴水不漏」四個字。

即喺話,放寬逆週期措施,都喺一樣,唔使旨意,大家無須再浪費唇舌啦!

都喺果句,依家,喺最盲目嘅時候。市場,喺需要明燈,而唔喺答案!
22. 你想借大量港元玩嘢? 2016-02-07 00:56:59
唔使旨意!

就算老索或其他人願付高息,根本冇銀行借比你。

想抽息?哂氣。

珍港兄一語道破。


23. Tony lam 2016-02-07 02:33:42
滿袋銀嘅最想樓價跌、現價再加使費唔夠水位、唔跌点補貨、補到貨先係做生意嘛!跌市時有剛需嘅會更加猶疑、冇幾多個夠胆落手、投資者就唔同嘞、要爭實爭赢你、撈底唔係因為睇得準、而係投資者一入市、就會成勢、底就係咁形成嘅、而家經濟噏到好牙煙、個個都話牙煙、先至最唔牙煙、基本係一犬吠映,跟住百犬吠聲、人噏跟噏啫、息口會長低、10球月息唔夠食餐飯、長期你會点做呢?
24. 打工仔 Andy 2016-02-07 09:22:51
珍兄講中問题核心! 好野!
依家全世界见到中国財雄, 就眼红, 正如早幾年跟人沽左自住樓或投资樓既, 梗係想揸住樓既人 PK 啦! 正常過正常, 哈哈!
25. Tony lam 2016-02-08 12:21:09
善存心、福隨身 ! 全世界都好開心  !