主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29316    回應 : 20
敢說亮話
何謂啱價?
 
湯文亮博士
紀惠集團行政總裁
2016年2月2日

  TVB替我拍一個特輯,當中有一個鏡頭是我用平板電腦寫文章,編導叫我隨便寫幾個字,於是我在不知不覺下寫了「何謂啱價?」,在休息時,編導問我,何謂啱價的意思,在買家而言,一定是愈平愈啱價,反之,賣家就會話愈貴愈啱價,我話唔係,如果啱價是這樣,就永遠不會做成交易,啱價的意思,就是啱買入或者賣出的人願意接受的價錢,大多數的時候,業主啱價買家唔啱,到買家啱,業主又唔啱,一個啱買賣雙方的價錢,的確是很難做到。

  現在有個別業主在不知什麼原因之下,願意大幅減價,幅度甚至超過兩成,我有見及此,於是發表了一篇文章,有意買樓的人,從現在開始,隨時都可以買樓,只要啱價就可以,我的意思就是遇到一些大劈價物業,而又可以輕鬆負擔得起,根本毋需理會樓市以後走勢,亦毋需理會任何分析報告,這些對於那個買家來說,是啱價的物業,要買就可以買,千祈唔好問其他人,他們大多數會話市況未穩定,睇定一些,講咗等如冇講。

  文章出街後不久,我在fb收到一個訊息,一位年輕朋友買了一個單位,我在恭喜之餘,順便問他點解會在樓市準備下跌的時候買樓,他的回答是啱價,並引用我所說的,啱價就可以買,原來,在半年前,那位年輕朋友打算買一個500萬物業,誰不知到臨簽約時,業主反價20萬,並限定他在當日答覆,最後,他沒有買到,業主到今日仍未能夠將物業賣走。

  年輕朋友最近用400萬買了一個單位,比半年前打算買的單位面積,方向都是一樣,還高了幾層,所以,佢認為啱價,唔再等,誰不知,他的親戚朋友知道之後,話樓市還有得跌,仲話係我講,而年輕朋友亦講,啱價就可以買,何謂啱價?

  年輕朋友對友人講,他今日買的單位比以前的更佳,但少付了40萬首期,每月供款又減少了2千5,對個人財務負擔輕鬆不少,又達成了置業宏願,仲唔啱價,他的朋友冇得駁。其實,啱價是沒有一個準則,因人而異,年輕朋友識得運用,俾個Like佢。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. CD ROM 2016-02-02 09:41:26
博士講得太好了!

特別係自用,甚麼走勢與你何干呢?
2. 打工仔 Andy 2016-02-02 09:51:56
啱價即買! 
3. 市民 2016-02-02 10:32:38
較早前用340萬買咗嘉湖兩房的人,以他們來説是否所説的啱價?因為最高價是約400萬的,可否用在啱價就買呢?
又例如早前有人叫專家吃米田共,他又是否啱價有需要就買呢?
4. 收買佬 2016-02-02 11:09:51
俾個like博士
5. 旁觀者 2016-02-02 11:47:17
有不少人永遠抱著用鴨梨價格買水晶梨,他們永遠都遇不到啱價。博士講得好。
6. SHUN 2016-02-02 13:24:20
同意啱價&自己承受到就可以入市、但有時真係要睇氣眼和自己耐性、嘉湖山莊今日已經有三房單位成交、做出$330萬…………!😨
7. 西門吹雪 2016-02-02 14:33:56
3房330仲要連天台。不過呢d好可能係個別例子。有都比地代或者熟客食左…這些機會不是我們的
8. Tony lam 2016-02-02 14:43:27
啱價 ?根本冇客觀標準、最緊要睇自己力水、夠力先担、果D冇責任心、有乜事就怨天尤人嘅多數輸硬、係體現物競天擇嘅宿命。
9. CD ROM 2016-02-02 15:59:48
尋晚同幾個舊同學食飯, 其中一個話準備上車兼計劃結婚, 此等好事當然要好好鼓勵啦!!! 加上呢1年係做呢件事既不錯時機, 同學仔亦好貼地同實際, 4M上車價就係佢既所謂 "價", 而地點preference係港島東or新界西, either近男or女家.

問題就來了!!! 大家近日都見新界西刀光劍影, 抵買程度真係唔覺得笑!!! 相反, 港島東特別係上車盤, 防守力還是十足的, 鮮有大幅減價個案.

今次就係要請教各路師兄師姐, 你係我, 你會建議佢買邊區呢?
10. RY 2016-02-02 16:18:25
自住:睇自己想要大d遠d,交通就腳又細d,屋企人附近或想遠d⋯各有各喜好。
投資:我就市區,細件易食,易走,舊區,收住租,等收購,價又照升跌…
11. 望東樓 2016-02-02 16:44:46
咁梗係講啲阿媽係女人嘅嘢佢嘆啦。中咗冇獎,輸咗俾人問候嘅嘢何必做。
12. anggie T. 2016-02-02 16:47:50
Very good illustration doctor.
13. CD ROM 2016-02-02 18:20:24
樓兄, 呢個舊同學當年成日比功課我炒的, 我會比個真心既答案at anyway, with the risk being 問候, haha~~~

其實剛好佢呢個問題到左一個點我覺得都值得討論, 就係現刻決定買樓, 咁應該買:
1) 個價跌得夠深夠殘, 比高位回3-40%, 已跌盡, 夠抵買!!!
2) 個價落3幾個%, 即係代表防守力高, 大市再跌都無有怕, 相反大市回勇佢又升得快過人, 進可攻退可守!!!
14. 引刀一快 2016-02-02 18:32:17
其實依傢關鍵係有幾多私樓會掟得出嚟,如果老鱷索羅斯真係大到人,人仔學佢吹咁急跌幾成,可能會有好多大媽賣港樓。
15. 占士 2016-02-02 19:35:24

刀兄,如果好多大媽賣港樓,港樓好難跌下去的喔!

16. 引刀一快 2016-02-03 00:51:41
占士兄

何解?
17. 奇妙 2016-02-03 02:02:26
啱價之議毫無意義。其實客觀來看,只是指成交價。從主觀來看,今天買家認為啱價,過兩天發覺自己買樓之時考慮小了幾個因數,故此後悔不已,此刻啱價就変成後悔價。對賣家來說亦然。與期鼓舞市民想買就買,想賣就賣,倒不如將自己在買賣時應考慮的本身及市場因數提点後掖,才是偌偌之風。
18. 神算 2016-02-03 09:34:59
啱價就買絕對正確,因每個人財務狀況唔同,冇得比較,你亦冇可能等市場最低價買到單位,只有睇你好唔好彩。
19. 引刀一快 2016-02-03 17:28:26
應該要補充一句,啱價就買,買咗唔好後悔。

做人向前看,如果擔心自己後悔,就唔好買。
20. 神算 2016-02-05 11:13:20
刀兄,

跟據你嘅剛需論,後悔係必然嘅,哈哈!