主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27438    回應 : 6
敢說亮話
摩連奴會不會變成魔連奴
 
湯文亮博士
紀惠集團行政總裁
2015年12月20日

      昨晚很早上牀,沒有睇曼聯比賽,有一個很奇怪想法,就是希望曼聯輸波,因為只有輸波,才可以炒雲高爾,摩連奴就可以變成魔連奴,不單是我,相信費格遜亦同意,只有摩連奴才可以帶領曼聯,不過,費格遜沒有將帥印直接交給摩連奴,是有其苦衷,因為,全世界曼聯迷會要求摩連奴就算不超越費格遜,最低限度都要有費sir的戰績,我可以咁講,當費sir離開曼聯時,雖然剛奪得英超冠軍,但陣容其實是相當脆弱,甚至可以用不整來形容,就算是摩連奴執教,都於事無補,倒不如由莫耶斯做爛頭卒,莫耶斯被證實唔掂,摩連奴又上咗車,唯有用雲高爾。

      用英雄遲暮來形容雲高爾都或者ok,雲高爾亦有自知之明,聲言只執教三年,現在,睇怕聖誕節前就會被炒,雲高爾上任後,大灑金錢,大量收購,但他不明白,帶領國家隊與球會不同,國家隊球員有使命感,球會則金錢掛帥,雲高爾雖然是教練,但沒有絕對權力,如果唔放棄朗尼,就算摩連奴執教都冇用,當摩連奴成魔時,我再講波經,大家唔好以為我只識講地產,唔識講波,去年世界杯,我替經濟日報寫波經,落筆打三更,在第一篇文章就認定冠軍是德國,這只是普通成績,西班牙在分組賽出局才出人意表,當時,我被人笑到面黃,半年之後,我再被人笑多一次,就是我發表了「細價樓爆煲論」。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2015-12-20 23:15:40
沙發先!
2. 無奈 2015-12-20 23:24:39
摩若成魔,曼聯成績應有保障,但難剎止曼聯品牌的滑落,曼聯之所以粉絲冠全球,除了轉播時間適合亞洲觀眾外,其進攻性的多樣打法充滿娛樂性(但不及巴塞),摩連奴成名之戰(歐冠)全部是防守反擊。

此外,若他真的走上成魔之路,恐怕也不會走遠,難以打破「事不過三」的定律。
3. 無奈 2015-12-20 23:30:12
工仔兄,你好嘢,無語。
4. 打工仔 Andy 2015-12-20 23:41:58
無奈兄

小弟係波盲搭唔到咀, 無法唯有沙發! 哈哈哈!
5. 無奈 2015-12-21 07:44:50
我冇諗過國家隊球員使命感造成的不同。👍

成篇波經,只是最後一句同地產關。👏

6. CD ROM 2015-12-22 15:55:50
博士, 係英國連奴已經封盤喇, 被你估中左...
呢兩位名帥居然落馬, 我認為無球員陣中老大哥support好有關係. 車仔無左林伯c治, 紅魔亦決領軍人物...............唔知博士點睇?