主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26505    回應 : 26
敢說亮話
三文魚與小棠菜
 
湯文亮博士
紀惠集團行政總裁
2015年12月24日

  有口痕友同我講,我的題目搞錯,應該是楊乃武與小白菜,我費事同佢講,因為佢根本唔知道三文魚與小棠菜有什麼關連,近日,我睇報章食經,那些資深食評人又再講日本人不食三文魚刺身,香港人對此趨之若鶩,彷彿說香港人是未進化的人,我唔明白那些食評人寫了咁多年食經,到現在都唔知道點解日本人唔食三文魚,有食評人講,三文魚有蟲,其實,大多數動物都有蟲,就算人類都唔能夠例外,唔通唔食。

  有人話北歐三文魚與日本的不同,日本的三文魚叫鮭,是淡水魚,有寄生蟲的機會比生長在北歐海裡的大一些,但這不是日本人不食三文魚的原因,主要因為三文魚就算腐壞,仍然可以保持原有顏色,所以,日本人不敢食。昨晚,我和陸叔到了我們其中一個剛獲得米芝蓮星的日本餐廳租客試菜,順便向日本主廚求證,他同意我的見解,不過,他亦指出,江浙人士亦不食小棠菜,只是用來擺設,因為小棠菜煮幾耐都唔會變色,依然是碧綠,所以,日本人不食鮭魚刺身,與江浙人士不食小棠菜的道理是一樣,因為唔知道食物是否經已經腐壞,我又想唔到,日本佬連小棠菜都知道。

  陸叔問我,點解今晚的日本菜如此有水準,很簡單,晚飯前我先恭喜日本餐廳剛取得米芝蓮星,同時叫老闆放心,續租不加租,日本人放下心頭大石,料理自不然有水準,人之常情而已。陸叔再問,我有冇折扣,我話我不是國內人士,不喜歡什麼都打折,只要服務,出品夠水準,打折根本不重要。

 

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2015-12-24 09:06:46
再沙發!
2. 自我陶醉 2015-12-24 09:18:30
還以為聖誕生意太好,所以羊奶冇,要換成三文魚㖭!   祝博士、Ronald兄和各位網友聖誕快樂!

3. 打工仔 Andy 2015-12-24 09:31:56
自醉兄早晨

博士呢個方法真好! 租客有成就, 業主都非常光彩! 

祝大家, 聖誕快樂! 新年進步!
4. 上熙 2015-12-24 09:42:17
大鑊
5. 望東樓 2015-12-24 09:50:38
查實博士應該整返個米芝蓮食場,三星三樓、兩星二樓。唔爆到九彩就問我。
6. 引刀一快 2015-12-24 10:29:20
祝大家聖誕快樂!

我以前做過某日本百貨海產部,每日師傅開魚之後都要處理d“下水”,當年d章紅都係野生魚,我見過肚裡面d蟲纏埋成餅嘅,橙色,好似珊瑚咁樣,d師傅話唔驚,唔入肉嘅喎。

驚就乜都唔駛食。

7. 自我陶醉 2015-12-24 10:41:28
早晨打工兄! 我記得博士有篇文話舖租會同生意掛鈎,續租唔加租,可能只係accumulator.  呵呵!
8. 引刀一快 2015-12-24 10:52:23
我對於肉色不變難辦鮮度呢個說法有保留,莫講魚生師傅,就算引刀都可以隔住魚皮評斷鮮度,開埋就更易睇,尤其係依家d養殖貨,唔新鮮肉質好快走樣。至於小棠菜能長時間保持青綠,其實菜芯都得,加少量蘇打就煮極都咁綠。
9. 打工仔 Andy 2015-12-24 11:02:09
引刀兄早晨

吓! 有蟲蟲? 我仲好鐘意食魚生! 大件事了!
10. Alan Pepper 2015-12-24 12:38:39
11. Alan Pepper 2015-12-24 12:40:41
我都唔食三文魚刺身的。😅😅😅
12. Alan Pepper 2015-12-24 12:42:04
To PN

4 樓以上點租? 😅😅😅
13. 比比 2015-12-24 14:59:27
博士,
我去了日本十次,每次去食魚生時,也見到日本人食三文魚的!😊
14. CD ROM 2015-12-24 16:48:10
我只係覺得, 因為日本人著重用自己食材, 而三文魚日本自產的很少, 所以才不普偏吧...........

引刀兄講菜常綠例子常見於麵鋪, 用煮麵水焯菜, 效果一樣~~~
15. 朗晴 2015-12-24 16:58:11
魚生有蟲好普通不獨三文魚,
所以一定要加Wasabe食,可以殺蟲同蟲蛋.
16. 肥佬 2015-12-24 17:59:58
其實,睇湯先生文章,除加深對樓市的認識,有時這些小品也能令讀者增廣見聞,另外一些生活品味,如要品質,要服務而不貪打折,也有潛而默化之效。
17. 無奈 2015-12-24 19:25:48
16樓肥佬兄
很同意你的講法。你不必全部同意博士所說,但看多了,你就不知不覺地提升了生活品味。
18. Desmond 2015-12-25 08:48:55
15樓朗晴兄,Wasabe 是不會殺死蟲和蟲蛋的。

19. Jerrio 2015-12-25 09:01:09

先在此祝大家聖誕快樂!

其實日本人都會食三文魚, 但通常都係喺啲迴轉壽司既鋪頭度, 如博士所言日本本土既三文魚係淡水魚, 同埋一般都比較廋...所以刺身用既有部份都係由挪威入口的. 反而料理用既大部份會用番本土三文魚....

20. 引刀一快 2015-12-25 11:19:27
To 2樓 自我陶醉兄

羊奶冇係國產食品,所指嘅係羊初乳奶粉。
21. 引刀一快 2015-12-25 11:23:46
To 5樓 PN兄

將所有米芝蓮聚集一處,我認為產生嘅會係牴觸、比較,負面作用相當大。 
22. 引刀一快 2015-12-25 11:37:56
To 9樓 打工仔兄

其實,食扒五成熟,咪一樣有蟲。
23. 引刀一快 2015-12-25 11:50:20
To 14樓 CD ROM兄

呢次我就唔同意你講法,日本人好鍾意掠奪別國資源,魚生之中,全球藍鰭吞拿魚幾乎俾日本人食晒,依家仲到處借科研做幌子捕鯨,佢地嘅至愛係紅衫魚,好多都係從我地呢邊收購,搞到呢隻下價魚近年貴晒,至於佢地本國三文魚,其實唔會太少,三文魚係洄遊性魚類,海洋存量遠比淡水部份要大。
24. 朗晴 2015-12-25 14:25:00

Desmond 兄,謝回應,


上綱看過幾份報導,意見並不統一,但對某些蟲/蟲蛋/病菌是有殺滅作用的,其中一份資料如下:

杀虫作用

山葵的ITCs对寄生在鱼体的异尖线虫和水生菌具有杀灭作用。
在山葵浓度为0.1%以上时,9min杀死蛔虫率100%;35min杀死蛔虫卵率100%。

增进食欲作用

25. 引刀一快 2015-12-25 16:20:23
To 24樓 朗晴兄

咁大濃度,人都嗆死埋。
26. 打工仔 Andy 2015-12-25 19:30:17
引刀兄
聽完無晒謂口!