主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 42296    回應 : 61
敢說亮話
Burger King 結業對香港經濟的啟示
 
湯文亮博士
紀惠集團行政總裁
2015年12月3日

  我在年初寫「細價樓爆煲論」的時候,其中一個主要原因是感覺到經濟轉壞,我唔知道點解,或者,這是生意人的直覺,很難用語言甚至文字表達出來,我唯一可以做就是勸籲一些打算上車的朋友,最直接一次我竟然叫打算買樓的年輕人留番多一個錢傍身,後來,我自己都覺得過份,而那位年輕朋友最後都以高價買了一層細價樓,並以林一鳴名句「今日買好過六個月之後買」來諷刺我,我亦知道是衰多口,所以,以後我都不敢用留番多一個錢傍身來勸籲打算上車的人,說到底,年初買樓時樓價比現在仍然低幾個%,不過,亦有在年初上車的人後悔話,早知聽我講,今日可以用那筆錢買同區面積一樣的新樓,但我認為無論買了新樓抑或舊樓,分別都不會很大,當經濟轉壞,那些勉強上車的人就會很辛苦,因為受制於SSD,他們又不能賣走年初買入的物業,最低限度還要苦撐兩年多,兩年之後,在經濟情況轉壞之下,就算賣走物業都很難收回已投放款項,如果面對收入減少,甚至失業,這將會是一個難關。

  今日我們見到有五間Burger King 結業,或者會有人認為問題不大,但Burger King全盛時期有20間,現在所有特許經營店都已經結業,表示香港經濟已經轉壞了一段日子,不過,大部份市民可能未察覺得到,認為經濟環境仍然處於上佳狀態,加上利息低迷,供應不足,樓價仍然會向上飆升,不少實力不足,但對經濟形勢睇唔通的年輕人最後都勉強上車,在經濟轉壞之下而負上一筆債項,的確不是明智之舉,我實在替他們擔心,如果當日有聽我講而暫緩置業,今日就有錢傍身。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 歷史長河 2015-12-03 08:44:18
好似高檔餐廳訂唔到位情況惡化咗!
2. 如是 2015-12-03 08:52:36

臨近年尾,消費慾強,高檔餐廳訂唔到位有乜出奇,過埋年才知真章!

都係博士講一句好過我們講十句。

兩年之後,在經濟情況轉壞之下,就算賣走物業都很難收回已投放款項,如果面對收入減少,甚至失業,這將會是一個難關。


3. 望東樓 2015-12-03 09:01:37
理論上如果經濟差,應該中等食肆最受影響。Burger King 同老麥應該受惠至啱。
4. Desmond 2015-12-03 09:01:49
歷史長河兄,看網友說你常食杯麵,看來現在開始享受人生而轉食高檔餐廳了。

5. Johnny 2015-12-03 09:03:15
前排去一間樓上餐廳食lunch,食完後老闆立即走過黎話“唔該空張台出黎比我做多轉”。
你話香港經濟轉差,有幾差啊?不如多d落旺角尖嘴銅鑼灣行下自己睇啦。
6. MT 2015-12-03 09:04:48
最近到金鐘力寶中心辦事,看見幾個樓層的單位都是十室九空。 不信的話自己去看看。
7. 路人皆知 2015-12-03 09:09:18
Burger King 只是低當消費,好明顯Burger King 比麥記揮低左與經濟無關。


8. 蕭峰 2015-12-03 09:09:35
luxury brands年頭大減價開始,已經預示零售差景,只是仲未燒埋身。我估新年過後見真章。

9. yyfan 2015-12-03 09:11:17
去親大家樂同大快活都好旺又點解?就算同類的麥記都仲有好多小朋友大朋友捧場,雖然同意經濟下行風險越來越大,但有時杯弓蛇影只會令自亂陣腳
10. 歷史長河 2015-12-03 09:16:47
Desmond, 小弟係幫人訂位. 宜家杯麵也漲價了!哎,莫提起,提起眼淚滿江河!
11. DSY 2015-12-03 09:22:41

中環間間食晏都要等位,週末晚上無booking唔好出街。上星期北京朋友過來,打完波想找間粵菜walk in,最後在千幾文一位的鮑魚店勉強排到張二人臺。我覺得而家是富者愈富,窮者愈窮的格局,恐怕未來很多年都是!

12. 神算 2015-12-03 09:25:09
Burger King 本身存在經營模式問題,在香港一直擴展不來,試下跟人口水尾,「呢啲只係個別例子」。
13. LYC 2015-12-03 09:34:27
Burger King D野都唔好食,只是經營不善,關乜經濟轉差事,又唔見老麥唔掂。
交多兩年租,到時CCL大概170,都唔知點算。
14. 路人皆知 2015-12-03 09:44:31
昨晚電視見到陳啟宗先生話現在的樓市是過去二三十年最健康的,未來升的機會比跌大!
15. 真真薯片 2015-12-03 09:47:00
Burger king的確唔係一個好既例子去証明經濟轉差, burger king的確係經營不善先執粒

在下睇香港經濟只係少少轉差, 所謂轉差最多係th3 begining of the begining, 絕大部分搵3至5萬既白領都未受影響, 周未行商場, 見到d車展賣車都人山人海, 冒險樂園又堆滿人, 就知依家大慨係咩環境
16. 自我陶醉 2015-12-03 10:04:58
薯片兄所言極是,到中下層人都感受到經濟轉差時,相信大家都已到達寒冬了!
18. 神算 2015-12-03 10:16:40
路人兄,

樓市健唔健康,睇下對咩人而言,對於希望持續按手上物業套現買貨嘅人,橫行或下行都不會樂見。
19. 快四張 2015-12-03 10:17:05

行街睇睇,表面上經濟好似仲ok, 但實際上無論進出口以及廠商訂單己有好大影響,好多公司己經危危乎,由期廣東一帶己有不少廠商倒閉。而家香港無論食市,商店仲有好多人,其一係好多人都仲未察覺到而計續消費,其二係經常出外消費己成為大部份人理所當然既生活日常模式,學懂即谷防饑的人己少之又少了。到個個都知道市道差果時,己經到谷低,係甘既情况下,經濟一出事就比以前仲大煲。

 

20. 路人皆知 2015-12-03 10:23:41
神算兄,你所說是永遠都對的!

就算幾健康幾年輕嘅人都有機會突然死亡。
21. Ca1on 2015-12-03 10:53:40
Burger King 開幕嗰時, 我特登去食, 之後有機會都去食下. 但佢地第一開舖位置古怪, 第二毫無宣傳, 第三價格上亦唔夠麥記吸引, 有啲死氣沉沉, 唔知點嘅感覺. 近幾年都冇再去幫襯佢哋. 我連佢地主打咩食品都唔記得晒了. 湯博士貴人事忙, 未必有時候成日去食埋呢啲美式垃圾食物, 可能用佢嚟做例子唔夠準確噃.
22. 神算 2015-12-03 11:03:12
路人兄所言甚是!
23. 真真薯片 2015-12-03 11:07:34
Caeson兄,

在下都有類似經歷, 當年佢啱啱開, 貴麥記少少, 但係好食好多, 在下當時認為佢絕對有得做, 而見佢生意亦唔錯

但係好快佢就維持唔到質素, 價錢仲係貴少少, 食物質素大跌, 又冇人執枱, 好似依家既kfc咁, 好快就冇人食, 但係差都連kfc都唔洗執, 另一間代理開係山頂同機場既burger king仲好成功, 執左burger king個代理都唔知係咪穿櫃筒底
24. 真真薯片 2015-12-03 11:12:25
Carson兄,

在下出完post先仿然大悟, 可能博士想講, 經濟轉差. 老細投資損手, 又無法加按物業套現, 所以被迫結束生意, burger king可能就係例子, 唔係講經濟差所以冇人食快餐搞到burger king執粒!
25. Bosco 2015-12-03 11:22:12
To: 19樓快四張

其實經濟疲弱於三年前已經開始出現,今年更加未試過咁差,留意南韓的出口數據(已經有滯後效應)就知道經濟的寒暑。
但是零售及地產市道之前沒有感覺是因為這些經濟活動不是最前線。
最前線的廠商,物流出入口一直痿縮緊,反映出廠價格的備地ppi 指數亦連續超過44個月下跌,44個月低於50收縮代表什麼?代表早於商品價格崩潰前,其他生產廠商已經減價,然後一直倒閉(官方說法是轉型)。
一般來說正常有廠倒閉有新廠開是自然汰弱留強的周期,但有睇看博士文章都應該記得就連博士人面咁廣闊都話已經好耐冇聽人講開新廠。
所以,冇制造業的支持下能夠全面轉型為消費服務的新經濟跨越中等收入陷阱我的預期絕對是否定的。但是北上廣深應該可以「調控」出來。始終中國是一個13億人口的國家。
回歸正題,傳統智慧話我們知道永遠要樓市跌,只能夠經濟差,而利息高低其實只是摧化劑,不是基本因素!
但過去的數年我觀察到一些自欺欺人的新常態,每次經濟愈差,資產及實質購買力要出現通縮及去槓桿化的時候,政府或央行反而會加大印銀紙及鼓勵借貸去粉飾經濟下行的現象。
而香港作為全世界最多最集中資深投資者的地方,香港人的智慧其實好高的(特別是白手起家或極擅長財技/資本運用的有錢人:如博士)
佢地反而不會落入這種陷阱,有些人更加會極力將槓桿降低至資產值的20-30%,有餘錢的再購入資產。
亦得益於辣招的情況下,今次可能出現經濟差而樓市只會下跌20%左右的情況。主要由於香港人經過多次的金融危機都被訓練成投資老手,懂得風險管理。
而由於經濟差而令部分實力弱的業主(最近兩年9按8按上車的業主)會變成今次經濟衰退下的炮灰。
但樓價於長期印錢的環境下我看到的只是富者愈來愈富的未來而看不到下跌的空間。
而此深層次問題才是對整個社會帶來暗湧及真正傷害。
PS:做到今時今日的廠家其實一系就上晒岸,一系就為左班伙計繼續做下去,賺錢的黃金時間已經過去,現在是新經濟,新常態的時代。
26. 大寶二寶 2015-12-03 11:25:12
做生意有結业亦有開业,一雞死一雞鳴,有咩咁奇? 我樓下間零食舖早排執咗,經濟好差?依家開咗榮X, 經濟又好番?用吓腦喇!

最佳寒暑表就係睇吓酒樓食肆晚飯容唔容易搵位就知喇。

共用之,哈哈!
27. 馬甲佬 2015-12-03 11:31:21
經濟不好首先淘汰經營不善的公司,不要不承認經濟下滑的問題,周X福等出年肯定會減人工,零售業打工仔薪酬會大幅縮水,富豪當然不怕,經濟再差對他們生活沒多大影響
28. 望東樓 2015-12-03 11:52:10
經濟打橫行當然一雞死一雞鳴,經濟好梗係一雞死一鵝鳴;經濟唔好當然一雞死一鴿鳴?
29. 大寶二寶 2015-12-03 12:24:32
舊果間叫零食XX, 新果間叫榮X月餅。係雞,鴨,鵝,鴿,麻雀定奄春……,自己諗。

共諗之,哈哈!
30. 經濟的啓示 2015-12-03 12:25:06
瀏覽人次 : 1008
樓市出更:甲廈內資客爆退租潮
(太陽) 2015年12月2日
近期本港金融市場波動,拖累中環甲級商廈罕現內地企業退租。有老友代理同劉Sir講,喺中環國際金融中心有一間內地資金企業突然退租,個單位尋求頂租,最終由另一內地企業以呎租約170元頂租。另同區中環中心亦有內地金融投資公司提早一年半退租低層單位,單位交吉一個月後以相同租金租畀本地公司。

世邦魏理仕辦公樓服務部執行董事駱應銘同劉Sir講,一間以呎租約160元承租國際金融中心單位的內地企業,早前突然退租,之後單位由另一內地企業以呎租約170元頂租,較舊租略高。

尖沙咀商廈難倖免

另外,屋之島物業又話,同區中環中心一個低層單位,面積約2,393方呎,新近獲本地船務公司以呎租約55元頂租,與舊租持平。聽講個該單位原先由內地金融投資公司喺半年前簽咗兩年租約,惟近月因生意差而「縮皮」,上月結束營業,餘下一年半租期尚未履行,而家該廈空置率極低,少於1%,有個別20樓或以上的單位放租,普遍意向呎租約65元。

世邦魏理仕陳洛奇話,九龍區如尖沙咀及柯士甸等區商廈,亦有二、三線機構退租,涉及樓面普遍介乎幾千至1萬方呎,租期就尚餘兩年至三年。該行預計,整體寫字樓租金明年平穩上升5至10%,中環區商廈租金明年料再升10%,但一六年係最後一個升浪,一七及一八年料見頂。

而明年一線街舖位售價跌兩成,租金續跌最高15%,返回一○年前水平。消息話,金鐘遠東金融中心中低層單位獲買家以約6,500萬元洽購。

一線舖料再冧租10%

仲量聯行陳耀峯亦預計今年全年一線街整體舖租回落24%,明年料再跌5至10%,有利餐飲業進駐街舖。該行趙海瑜稱,有上海意大利餐廳租用中環新加洲大廈逾6,000方呎的舖位,另有酒吧承租同區西洋會所約7,440方呎樓面作旗艦店。

旺角西洋菜南街雙號地下獲連鎖電器店以約68萬元承租,較舊租跌24%。美聯旺舖鮑昌華話,由知名小食店承租的灣仔百營商業大廈地舖,以6,380萬元放售。

另有消息稱,原由名牌二手手袋店米蘭站(01150)承租的旺角西洋菜南街單號舖位,早於十月底已退租,近日舖位獲電訊公司以約逾40萬元承租;據悉,該舖為該手袋店區內的唯一分店。

劉Sir 
 
31. 銀行佬 2015-12-03 14:18:38
銀行為百業之母,最近主要銀行已宣佈裁員計劃,底蘊原因自己唸唸。今天各大估價行已調低物業估價,對大眾似乎影響不大,以多數銀行都睇重磚頭情況下,銀行每年比商業客annual review額度一定有影響。

老闆條水喉收緊,開源唔到惟有節流,大家唸唸對打工仔有咩影響。唔好忘記好多野係滯後既。
32. 西門吹雪 2015-12-03 14:31:33

嘩~又有咁多人係度吹水。

我想發表下LAW。你地話BURGER KING拾笠,係因為經營不善,唔關經濟事,唔見M記同大快活拾笠~~咁我好想問,如果經濟差係咪所有店一起拾笠? 好明顯唔係啦,經濟差係會先淘汰經營不善,質素較差既店,經營妥善既就活下來。如果短時間內又有連鎖家品店,又有連鎖食市拾笠,你係都要話個別事件,SOLOLY因為經營不善,咁會唔會太巧合呢? 要出現多幾多間先叫唔係個別事件?

你地話旺角中環BOOK唔到位~週末個個HK人都走哂出MK~如果MK中環都無人,可能真係唔止經濟差咁簡單。連SARS旺角都一堆堆人戴住口罩周圍走,除非仲衰過SARS啦。有無去下D二,三線街,或者D較偏遠既商場OR食市睇過? 十室九空呀。

其實睇經濟情況,有好多數字可以REFERENCE。例如CPI,出入口貨值,GDP,失業率,等等。有D比較近少少既數據已經真係差左好多架LA。唔好單靠道聽途說LA~

33. Alan Pepper 2015-12-03 15:47:03

Burger King 情況有點特別,香港有兩個特許經營,今次關門大吉的係其中一個,另外山頂分店繼續營業,不受影響。博士可能好少幫襯 Burger King 😅😅. 但我十分喜歡他們的 Whopper,所以經常留意它的分店


今次特許經營商之所以倒閉,我覺得最大問題係佢選擇分店位置及面積。Burger King 始終不能跟麥當勞比較,麥當勞係快餐係 mass market,但 Burger King 冇咁 Mass, 但係又唔係 Gourmet。夾在中間其實好難做。他們在灣仔及中環的餐廳都係巨大2000尺落地玻璃地鋪,根本食唔起咁嘅租金。香港唔係美國,可以有一間咁大嘅餐廳比佢去 enjoy 50 Burger。現在好多 Burger joint 舖面面積都係3-400尺,大部份係 bar share 枱,其餘的是 food court 及外賣生意。例如 Triple O, Mos Burger, shake n buns, butcher club 等等。我相信如果佢係租你啲二線細舖位(5-600實呎),應該做得住。不過唔知係唔係總公司有特別規定,但如果有咁嘅特別規定(一定要跟返美國舖位格局,老「鏈」咁大個鋪),我就唔會去做。如果冇特別規定,我都想攞返嚟做。

34. 安全駕驶 2015-12-03 18:26:35
雖然我相信Burger King結業與它的經營方法有關,但麥記有很多續租舖都減了坐位數目及舖位面積,鼓勵外賣來看,相信經濟正在轉壞也是原因。
35. Alan Pepper 2015-12-03 20:00:48

經濟懷麥當勞應該好生意才對吧😅😅?麥當勞個別店舖調整應該係公司內部策略吧?我見的幾間麥當勞都冇改變。


不過我承認,經濟真的有走下坡跡象

36. 打工仔 Andy 2015-12-03 20:13:45
Alan,

聽人講, 老麥出少 d 廣告生意额即刻下跌, 佢要不停做 TVC 先掂!
37. 打工仔 Andy 2015-12-03 20:15:13
其實, 可能經营不善先係 BK 結業既主因!
38. 打工仔 Andy 2015-12-03 20:19:37
日常外出吃飯都會留意下市況, 貴價餐廳都好好生意, 仲經常客滿, 照睇個市道未算太差喎! 
39. yyfan 2015-12-03 20:26:45
依家現實係銀行悲觀,淡友亢奮,市面平靜,市民駛錢疏爽,周街靚車,老板嘆氣,打工年年加薪好似理所當然,做咗幾十年人從未見過咁嘅市況
40. 自我陶醉 2015-12-03 21:47:40
yyfan兄,

今年金銀銅鐵油煤,全部去番多年低位,有幾多油企鋼企將會出事冇人會知,淨係渣打其中一個印度鋼材生產商,已經隨時廿幾億美元壞帳,業績即時見紅,你話銀行會唔會唔驚? 亞洲去北歐運費,十一月頭三個星期,跌咗一大截,你話經濟有幾好?

41. Alan Pepper 2015-12-03 21:50:52
Actually I also remember news about McDonald's in home country also doing not so good. Because the fast food environment has changed as tastes and preferences changed to more niche restaurants. 
42. 望東樓 2015-12-03 22:37:04
Alan,我最後睇到嘅評論係老麥由於打出全日早餐呢張牌而絕處逢生,不過啲特許經營商就做到MM聲咁話。
43. yyfan 2015-12-03 22:38:55
淘醉兄

仲有大陸近排電子廠執完一間又一間,睇到心寒,渣打炒到連division head都心淡自動離開,聽講下一波是炒credit 班人

但點解高級食肆仲係門庭若市,放假泊車一位難求?完全感受唔到經濟下滑對市民生活之影響
44. 望東樓 2015-12-03 22:41:07
yy兄,人嘅視野係受好多嘢局限,難