主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 30608    回應 : 12
敢說亮話
破產並不能夠解決問題
 
湯文亮博士
紀惠集團行政總裁
2015年10月23日

  上星期有報導,有金毛阿哥入圍村收數,被村民迫食香爐灰,有人睇到說大快人心,那位金毛阿哥應有此報,冇實力就唔好學人追數,我對那人說,追數是不用實力,有理有據便可以,如果要有實力才可以追數,就沒有人有膽量開財務公司,不過,追數有時的確需要實力,所以,那些追數公司應運而生,就是恐防一些有實力的人賴數,今次,金毛阿哥在圍村被人圍,我反而同情佢,收唔到數便冇收入,仲要被人玩,不過,玩人的人以後就要小心,錢債能還,人情債難還,既然要問財務公司借錢,表示財政不太寬裕,現在仲欠村內其他人的人情債,以後,想枱起頭做人都艱難,千祈唔好以為擊退金毛阿哥,事情便一了百了,其實,惡夢才正式開始。

  欠債還錢,天經地義,這都是大家都知道的大道理,如果圍村內真的有人問財務公司借錢,又有根有據,合符法律,唔還錢就是那人不著,財務公司見追數公司的行動沒有效力,便會循法律方法解決,圍村人可以擊退金毛阿哥,但對於法律文件就無能為力,這就是香港可愛的地方,並不是用武力就可以解決一切問題,當圍村內欠債的村民收到律師信以至法院的訴訟令,他唯一可以做的事就是還錢,當然,那人最後可以申請破產來逃避責任,但是他以後一定要承受世俗眼光,尤其是現在經濟環境不俗,樓價上升,利息低迷,失業率維持在3.3%,如果不是投資失誤,或者不懂得處理個人財政,根本沒有可能申請破產,這與2000年前後,申請破產的人不同,當時經濟低迷,樓價曾經下跌七成,不少人的確是如果唔申請破產,根本不能渡過難關,但破產後苦處,只有當事人才能感受到,千祈唔好以為破產是一件小事,它會令人跌下深淵,而且財務公司未必理會債仔是否破產,他們有另外一套解決方法。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 望東樓 2015-10-23 08:52:13
博士==>『而且財務公司未必理會債仔是否破產,他們有另外一套解決方法。請略述之,唔該
2. 打工仔 Andy 2015-10-23 09:10:23
但呢個方法好多人用! 
3. yyfan 2015-10-23 09:52:19
老實講,碰到老手財仔根本一D辦法都冇,我地每年都有幾百萬數委托收數公司去收,所以深有體會
4. Tukkie 2015-10-23 13:02:44
破左產之後, 是否真系吾洗還錢?
如果系, 呢個方法總比自殺好。
5. 歷史長河 2015-10-23 13:52:07
哈哈,樓上師兄所言甚是,不過小弟都想知還有比自殺更差的辦法嗎?
6. 救得了一时,救不了一世... 2015-10-23 15:03:17
:(
7. 舍神 2015-10-23 23:37:40

 

輕則貼街招,霖紅友,塞匙孔,上你工作地方踩場,攪你家人。

重者打到你殘廢,鎖你大閘放火......夠未?

8. 舍神 2015-10-24 22:23:28


博士好多觀點我也認同,但呢篇文章卻錯得很利害!

早些年頭教會有一個女會友欠銀行近二十多萬卡數,當時很多相孰的會友都不明白,平日衫都唔穿得光鮮一點的她,怎麼會欠近廿多萬卡數!? 我相信,實質她用來消費的數目並不多, 可能只是一萬幾千!近廿多萬當中大部份是卡蓋卡數的利息。在爆煲前,我相信她已還給卡公司數倍 "本金" $!

 

欠債還錢,當然是道理,但一牽涉利息,就不如想像中簡單!特別是利息是以複式"成長"。假以時日,複利會帶你去"無限"。即使物質世界宇宙幾大得不可想像,也不可能是無限的。科學家何"大一"正正表達呢一點。只有數字才會不受物質世界所限無止境地"成長"! 中國人的放貸人亦深名此道理,是以呢行叫 "放數",借出去的不單是本金,仲有一條""

 

第一個看穿問題所在的聖人是

Aristotle, one of the fathers of Western thought, wrote in his 350 B.C. work, Politics, in Book One, Part X, that usury is the lending of money at interest:

The most hated sort, and with the greatest reason, is usury, which makes a gain out of money itself, and not from the natural object of it. For money was intended to be used in exchange, but not to increase at interest. And this term interest, which means the birth of money from money, is applied to the breeding of money because the offspring resembles the parent. Wherefore of an modes of getting wealth this is the most unnatural.

 

這是 "種金之術" 好多問財仔借$的人連乜叫 rule of 72都未識,一如向自己股票行按股票的"富豪",都是死於無知,或為勢所迫。 行得入財仔門口,人家都跟本預左你有一天走上破產之路,問題只是.....可向個債仔"吸到幾多血",先是家人,後而朋友......如在未開發地方,家產,老婆、子女、甚至於自己都要賣身為奴!

 

文明社會把責任推向放數一方,你唔評估風險是你的問題,人家有$還使乜問你借!亦有破產法,破完產,未來冇人再借給你...(是好事呢!)

如我身邊有人 "中了招", 我會毫不猶疑叫佢即時破產。再有乜事搵警察。

唔通要佢連累家人,身邊朋友先收科?

 

 

 

 

9. Sugar 2015-10-26 12:23:32

舍神前輩:

前天匆匆瞥了一眼您這段回應.....剛才又仔細看了一遍...

文明社會把責任推向放數一方,你唔評估風險是你的問題,人家有$還使乜問你借!亦有破產法,破完產,未來冇人再借給你...(是好事呢!)

同以上觀點,亦感受到您的用心良苦.做您朋友能得到您善意而智慧的提醒,誠幸事也!


10. 望東樓 2015-10-26 14:09:33
呢個世界好多嘢冇樣睇,無人會響自己個額頭度表明有幾多街數。銀行P-loan廣告反影它們嘅目標客戶心中所想。由結婚『honey,我哋快快借錢去結婚,影正相,渡蜜月咯。』到而家創業同送個仔去保多啲習。嚡。。。
11. 舍神 2015-10-26 23:45:52
呢度除了湯生冇人敢認大佬啦, 大家平輩論交好了。

有人話想失去朋友有兩個方法,一是合資做生意,另一是借錢畀佢。

我亦思之良久, 人家有錢還就不須問你借啦! 施比受更有福,有能力借錢比朋友總好過要問朋友借。

如有朋友問我借,我會說明唔計息亦可以唔還,我預左! 無困難就唔會開口問你借啦! 借得幾多要睇交情深淺及我的能力。唔還錢是正常,再見亦是朋友,不需見到我掉頭走。但唔還就唔好再問我借第二次,那真的冇朋友做!

深深體會,有些人轉眼就忘記欠你$,所以即使有能力,他跟本已忘記要還錢,呢類人最多。 有借有還,即使還不足的,的確已是上等人,不可多得。

曾經有個中學同學移民他鄉問我借了三十多萬去開餐館,不知為何被當地趕了回來,回來後行蹤飄忽,有次約我食飯,說了臨去外國時綠爆多張卡近百萬!! 跟手希望問我再借60個再移民....., 自那餐,我少了個好朋友。
12. Sugar 2015-10-27 01:09:00

舍神兄:(始終覺得您唔似我地嘅平輩)

我都想做您朋友.....可以"唔計息亦可以唔還",發達囉^^

關於借$我亦感觸良多.....