主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27544    回應 : 10
敢說亮話
新城財經台訪問Q&A-1
 
湯文亮博士
紀惠集團行政總裁
2015年9月5日

  昨日去了新城財經台做訪問,將於今日下午二時至四時在「新城地產街」內播出,主持測量師梁兆基先生,潘永祥教授與我是被訪問者,潘教授與我有一樣共通之處,就是近期比較睇淡樓市,雖然昨日中原指數再創新高,六大指數齊升,這只不過是令到做研究的同事雀躍,前缐同事就受到成交量創新低之苦,我問官員,問專業人士,他們根本不以為然,當中甚至有人反問我,現在在大經濟環境萎縮下,指數創新高是否有違常理,雖然話指數滯後,但政府剛公佈的各項數據又何尚不是一樣滯後,但所有數據都呈現負面,令到財爺匆匆忙忙發網誌叫大家唔需要憂慮,但很奇怪,指數仍然創新高,沒有人懷疑指數準確性,只不過是懷疑世界上還有那麽多勇士,仲夠膽以創新高價買樓,既然他們如此勇猛,官員們費事多講一句話,免被人話阻住別人發達,不過,又唔需要出招,連警告都費事發出,因為,如果發出警告,即是政府的數據是有誤差,財爺應該是警告市民,而不是叫市民毋需憂慮。

  梁兆基先生準備了12條問題,我覺得非常好,我會與我準備的答案一起列出來供大家參考:

  1)中港股市在七月初曾爆發股災,整個八月份氣氛仍然不佳,恆指單係八月累積跌近三千點,股市波動對樓市是否有直接或者間接影響?如何看有關現象?

雖然有地產專業人士話,股災,只會令更加多人覺得磚頭穩陣,棄股投樓,令樓市更加暢旺,而指數亦反映出他們的說話是對,所以,我亦沒有話說,因為我想講,股市以股災式下跌,令到不少人有所損失,而影響他們置業能力,樓市或多或少都有負面影響,樓價怎樣也作出調整,但事實勝於雄辯,那些專家是對,而我是錯。還有一些買了樓的人,在落訂之後還有大筆準備成交款項,有人會因為被大時代吸引而將本來準備買樓的款項投入股市,結果可想而知,亦有人為此而撻訂,但這不影響指數計算方法,並不會阻撓指數創新高。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 歷史長河 2015-09-05 10:02:34
本來想回應博士該文好有風度,睇落最後撻訂講法,只好又作罷。
還是那句話,既然拿中原指數來作賭,就不應對其評頭論足。撻定即未成交,吾計入指數又何問題?這是一貫的做法,吾係新規則。
要講就要講清楚,完整。係買家撻訂,還係賣家撻定?有冇數據顯示宜家撻訂個案較小時代時多/少?


2. 引刀一快 2015-09-05 10:12:21
你呢个讲法合理,邉一邉挞订应该要计清楚,但系,我有个睇法,如果卖家挞订,按现时情况应该系另有买家给予挞订都有赚嘅价位,系咪?计埋CCL升得仲犀利喎。
3. Desmond 2015-09-05 10:14:46
現時前線的高價貨銷售員都因豪客減少了而收入下降,但整體失業率仍未上升,所以有人高價買樓,經濟冷風蔓延多一些時間人們便會感受到。
4. 歷史長河 2015-09-05 10:27:55
Desmond 兄,小弟以為那些銷售員并非樓市的主要參與者!雖然我對他們目前的處境并不完全了解。
5. 前缐 2015-09-05 10:35:38
唉! 3樓 Desmond 兄。 這個冷峰已經感受到了! 寒風刺骨! 但又未睇得清楚, 我相信當我睇得清楚時已經失業了!
6. 前缐 2015-09-05 10:43:50
大家留意下, 係平曰早上到晚上既彌敦道, 旺角亞皆佬街啲高檔商鋪門可羅雀!同昔日比,唉......
7. 收買佬 2015-09-05 10:44:41
97年時我只係廿零卅歲人,老實當年只顧拍拖唱K無點理樓市股市。但我卻記得97年10月底股市開始大跌時,我隔離屋個單位卻係聖誕假前以"當年破紀錄新高價"賣出(呢個"當年破紀錄新高價"要到2010年先被打破。)

點解我記得?因為我老媽當年問我老竇,都係同一個問題:"又話金融風暴,股市又跌....點解隔離屋都賣到咁貴嘅?"

(可見,唔係吓吓都好似08-09年咁,一舖過屙晒的。有時,呢d 慢慢滲出去的衰退,其實仲得人驚仲磨死人。)
8. 舍神 2015-09-05 11:17:38
指數可能受一些限制而未臻完善,但我相信不會影響大picture!
我只想說指數就是指數,如有做假..........日後便可收檔。我想私老闆及曾教授亦不會這樣。

股市有句格言? Market climbs a wall of worry! 

反而在極樂觀時見頂。這些都是大家經驗過。

瞎子摸象,沒有人可肯定睇到真象。可能有些瞎點是我們暫時看不通, 但個市不會說謊。

97年....跌至02年,身邊有朋友認為見底, 我認為如山債務,冇可能4年就還清!
02年底一個山頂屋仔只賣3千萬, 其後06年以2.4億出售!短短4年, 仲未有QE....你話發生咩事? 買家.....跟本唔理價, 西九的豪宅...亦炒上4萬一呎。中細價都未點升。

都係個句, timing實在太難, 樓市cycle...是以年計。有人說過, 人的瘋狂是計量唔到的!


中原會否考慮,除分區指數外, 出埋個, 大呎數, 中呎數, 細呎數指數呢?
9. Alan Pepper 2015-09-05 11:44:08
真的唔敢估佢升定跌,只有等。
10. 神算 2015-09-06 12:26:26
你有你創新高、佢有佢劈二丶三十巴仙,都係海鮮價,其他人願唔願用同一個價去成交,又係另一回事,始終睇買賣雙方心態及實際財務狀況。經濟環境影響心態,呢樣好緊要。